10 ಸಿಕ್ಸರ್, 7 ಬೌಂಡರಿ ಸಹಿತ 93 ರನ್: IPLನಲ್ಲಿ ಹಲವು ದಾಖಲೆ ಸೃಷ್ಟಿಸಿದ ವೈಭವ್

ಲಖನೌ ಸೂಪರ್ ಜೈಂಟ್ಸ್ ವಿರುದ್ಧದ ನಿರ್ಣಾಯಕ ಪಂದ್ಯದಲ್ಲಿ ವೈಭವ್ ಸೂರ್ಯವಂಶಿ 38 ಎಸೆತಗಳನ್ನು ಎದುರಿಸಿ 10 ಸಿಕ್ಸರ್ ಮತ್ತು 7 ಬೌಂಡರಿಗಳೊಂದಿಗೆ 93 ರನ್ ಗಳಿಸಿದರು.

ಈ ಪಂದ್ಯದಲ್ಲಿ 10 ಸಿಕ್ಸರ್ ಬಾರಿಸುವ ಮೂಲಕ, ಐಪಿಎಲ್ ಆವೃತ್ತಿಯೊಂದರಲ್ಲಿ 50 ಸಿಕ್ಸರ್ ಸಿಡಿಸಿದ ಮೊದಲ ಭಾರತೀಯ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

ವೈಭವ್ 237 ಸ್ಟ್ರೈಕ್‌ರೇಟ್‌ನಲ್ಲಿ 579 ರನ್ ಕಲೆಹಾಕುವ ಮೂಲಕ, ಐಪಿಎಲ್ ಇತಿಹಾಸದಲ್ಲಿ ಒಂದು ಸೀಸನ್‌ನಲ್ಲಿ ಅತ್ಯಧಿಕ ಸ್ಟ್ರೈಕ್‌ರೇಟ್ ಹೊಂದಿದ ಬ್ಯಾಟರ್ ಎನಿಸಿಕೊಂಡರು.

ಪವರ್‌ಪ್ಲೇ ಹಂತದಲ್ಲಿ ಒಟ್ಟಾರೆಯಾಗಿ 426 ರನ್ ಗಳಿಸುವ ಮೂಲಕ, ಈ ಪಟ್ಟಿಯಲ್ಲಿ ಡೇವಿಡ್ ವಾರ್ನರ್ ನಂತರ ಎರಡನೇ ಸ್ಥಾನವನ್ನು ವೈಭವ್ ಅಲಂಕರಿಸಿದ್ದಾರೆ.

ವೈಭವ್ ಅವರ ಈ ನಿರ್ಣಾಯಕ ಆಟವು ರಾಜಸ್ಥಾನ ರಾಯಲ್ಸ್ ತಂಡವು ಪ್ಲೇ ಆಫ್ ತಲುಪುವ ಹಾದಿಯನ್ನು ಸುಗಮಗೊಳಿಸಲು ಪ್ರಮುಖ ಕಾರಣವಾಯಿತು.