ಬೆಂಗಳೂರಿನಲ್ಲಿ ಇರುವ ಬಿಇಎಂಎಲ್ ಕಚೇರಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸಂಸ್ಥೆಯ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ (ಸಿಎಂಡಿ) ಡಿ.ಕೆ. ಹೋಟಾ ಅವರು ಕೆಎಂಆರ್ಸಿಎಲ್ನ ನಿರ್ದೇಶಕ ಎ.ಕೆ. ಕುಂದು ಅವರಿಗೆ ಬೋಗಿಗಳನ್ನು ಹಸ್ತಾಂತರಿಸಿದರು. ‘ನಗರ ಮೆಟ್ರೊ ಸಾರಿಗೆಗೆ ವಿಶ್ವ ದರ್ಜೆಯ ಮೆಟ್ರೊ ಬೋಗಿಗಳನ್ನು ಬಿಇಎಂಎಲ್ ಪೂರೈಸುತ್ತಿದೆ. ಇದರಿಂದ ರಸ್ತೆಗಳಲ್ಲಿ ವಾಹನ ದಟ್ಟಣೆ ಕಡಿಮೆ ಆಗುವುದಲ್ಲದೆ ‘ಭಾರತದಲ್ಲಿಯೇ ತಯಾರಿಸಿ’ ನೀತಿಗೆ ಉತ್ತೇಜನ ಸಿಗುತ್ತಿದೆ. ಕೋಲ್ಕತ್ತ ಮೆಟ್ರೊ ಪ್ರಯಾಣಿಕರಿಗೆ ಸೇವೆಯನ್ನು ನೀಡುವಲ್ಲಿ ಕೆಎಂಆರ್ಸಿಎಲ್ ಜತೆ ಸಹಯೋಗ ಹೊಂದುತ್ತಿರುವುದು ಸಂತೋಷದ ಸಂಗತಿ’ ಎಂದು ಹೋಟಾ ತಿಳಿಸಿದ್ದಾರೆ.