ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ವಿನೋದ್‌, ಡಯಾನಾಗೆ ತಲಾ ₹3.5 ಕೋಟಿ

Last Updated 23 ಅಕ್ಟೋಬರ್ 2019, 3:52 IST
ಅಕ್ಷರ ಗಾತ್ರ

ನವದೆಹಲಿ: ಬಿಸಿಸಿಐ ಆಡಳಿತದ ಅನುಪಸ್ಥಿತಿಯಲ್ಲಿ ದೇಶದ ಕ್ರಿಕೆಟ್‌ ಆಡಳಿತ ನಿರ್ವಹಿಸಿದ ಆಡಳಿತಾಧಿಕಾರಿಗಳ ಸಮಿತಿ (ಸಿಒಎ) ಮುಖ್ಯಸ್ಥ ವಿನೋದ್‌ ರೈ ಮತ್ತು ಸದಸ್ಯೆ ಡಯನಾ ಎಡುಲ್ಜಿ ಅವರು 33 ತಿಂಗಳ ಕಾರ್ಯನಿರ್ವಹಣೆಗೆ ತಲಾ ₹3.5 ಕೋಟಿ ಪಡೆಯಲಿದ್ದಾರೆ.

ಬುಧವಾರ ಬಿಸಿಸಿಐ ಮಹಾಸಭೆ ನಡೆಯಲಿದೆ. ಅಲ್ಲಿ ಹೊಸ ಪದಾಧಿಕಾರಿಗಳು ಅಧಿಕಾರ ವಹಿಸಲಿದ್ದು, ಸುಪ್ರೀಂ ಕೋರ್ಟ್‌ನಿಂದ ನೇಮಕಗೊಂಡಿದ್ದ ಸಿಒಎ ಅವಧಿ ಅಂತ್ಯಗೊಳ್ಳಲಿದೆ. ವಿನೋದ್‌ ಮಾಜಿ ಮಹಾ ಲೇಖಪಾಲರಾಗಿದ್ದರೆ, ಎಡುಲ್ಜಿ ಭಾರತ ಮಹಿಳಾ ತಂಡದ ನಾಯಕಿ ಆಗಿದ್ದರು.

2017ರ ಜನವರಿಯಲ್ಲಿ ಈ ಸಮಿತಿ ಅಧಿಕಾರ ವಹಿಸಿತ್ತು. ಸಮಿತಿಯ ಇನ್ನಿಬ್ಬರು ಸದಸ್ಯರಾಗಿದ್ದ ರಾಮಚಂದ್ರ ಗುಹಾ ಮತ್ತು ವಿಕ್ರಮ್‌ ಲಿಮಯೆ ಬೇರೆ ಬೇರೆ ಕಾರಣಗಳಿಂದಾಗಿ ಅದೇ ವರ್ಷದ ಕೊನೆಯಲ್ಲಿ ರಾಜೀನಾಮೆ ನೀಡಿದ್ದರು.

ಈ ವರ್ಷದ ಆರಂಭದಲ್ಲಿ ರವಿ ತೋಡಗೆ ಅವರನ್ನು ಸದಸ್ಯರನ್ನಾಗಿ ನೇಮಕ ಮಾಡಲಾಗಿತ್ತು.

ಸಿಒಎಯ ಎಲ್ಲಾ ಸದಸ್ಯರಿಗೆ 2017ರ ಅವಧಿಯಲ್ಲಿ ತಿಂಗಳಿಗೆ ತಲಾ ₹ 10 ಲಕ್ಷ ಪಾವತಿ ಮಾಡಲಾಗುತ್ತಿದೆ. 2018 ಮತ್ತು 2019ರ ಅವಧಿಯಲ್ಲಿ ತಲಾ ₹ 11 ಲಕ್ಷ ಮತ್ತು ₹ 12 ಲಕ್ಷ ನೀಡಲಾಗುತ್ತಿದೆ.

ನ್ಯಾಯಾಲಯದಿಂದ ನಿರ್ದೇಶಿತರಾದ (ಅಮಿಕಸ್‌ ಕ್ಯೂರಿ) ಪಿ.ಎಸ್‌.ನರಸಿಂಹ ಅವರ ಜೊತೆ ಚರ್ಚೆಯ ನಂತರ ಈ ಮೊತ್ತವನ್ನು ಅಂತಿಮಗೊಳಿಸಲಾಯಿತು ಎಂದು ಬಿಸಿಸಿಐ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT