ಸಹ ಆಟಗಾರರಿಗಾಗಿ ಪಾನಿಪುರಿ ಮಾಡಿದ ಧೋನಿ: ರುಚಿ ಹೆಚ್ಚಾಯಿತು ಎಂದ ಅಭಿಮಾನಿಗಳು

45 ಸೆಕೆಂಡ್‌ ಇರುವ ಈ ವಿಡಿಯೊದಲ್ಲಿ,ಸಹ ಆಟಗಾರರಾದ ಆರ್‌.ಪಿ. ಸಿಂಗ್ ಹಾಗೂ ಪಿಯೂಷ್‌ ಚಾವ್ಲಾ ಅವರಿಗಾಗಿ ಪಾನಿಪುರಿ ತಯಾರಿಸುತ್ತಿರುವುದು ಸೆರೆಯಾಗಿದೆ. ಆದಾಗ್ಯೂ ಈ ವಿಡಿಯೊ ಎಲ್ಲಿಯದು ಎಂಬುದು ಸ್ಪಷ್ಟವಾಗಿಲ್ಲ. ಆದರೆ, ವಿಡಿಯೊವನ್ನುತನ್ನ ಟ್ವಿಟರ್‌ ಖಾತೆಯಲ್ಲಿ ಹಂಚಿಕೊಂಡಿರುವಎಂಎಸ್‌ಧೋನಿ ಫ್ಯಾನ್ಸ್‌ ಕ್ಲಬ್‌ಮಾಲ್ಡೀವ್ಸ್‌ನಲ್ಲಿ ಧೋನಿ ಪಾನಿಪುರಿ ಮಾಡಿರುವುದಾಗಿ ಬರೆದುಕೊಂಡಿದೆ.

‘ನೇರವಾಗಿ ಮಾಲ್ಡೀವ್ಸ್‌ನಿಂದ. ನಮ್ಮ ರಾಕ್‌ಸ್ಟಾರ್‌ ಪಾನಿಪುರಿ ಮಾಡುತ್ತಿದ್ದಾರೆ. ನಮ್ಮ ನೆಚ್ಚಿನ ತಿನಿಸು ಈಗ ಮತ್ತಷ್ಟು ರುಚಿಕರವಾಗಿದೆ’ ಎಂದು ಉಲ್ಲೇಖಿಸಿದೆ. ಈಮೊದಲು ಧೋನಿ ಬೀಚ್‌ನಲ್ಲಿ ವಾಲಿಬಾಲ್‌ ಆಡುತ್ತಿರುವ ದೃಶ್ಯವೊಂದುವೈರಲ್‌ ಆಗಿತ್ತು.

ಇದೇ ವರ್ಷ ಮಾರ್ಚ್‌ 29ರಿಂದ ಆರಂಭವಾಗಲಿರುವ ಐಪಿಎಲ್‌ನಲ್ಲಿ ಧೋನಿ ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡವನ್ನು ಮುನ್ನಡೆಸಲಿದ್ದಾರೆ. ಆದರೆ,ಇತ್ತೀಚೆಗೆ ಪ್ರಕಟವಾದಆಟಗಾರರ ವಾರ್ಷಿಕ ಗುತ್ತಿಗೆ ಪಟ್ಟಿಯಿಂದ ಧೋನಿ ಹೆಸರನ್ನುಬಿಸಿಸಿಐ ಕೈಬಿಟ್ಟಿತ್ತು. ಹೀಗಾಗಿ ಅವರ ಕ್ರಿಕೆಟ್‌ ಬದುಕಿನ ಕುರಿತು ಸಾಕಷ್ಟು ಗೊಂದಲ ಮೂಡಿವೆ.

ಭಾರತ ತಂಡ ಧೋನಿ ನಾಯಕತ್ವದಲ್ಲಿ2007ರ ಟಿ20 ವಿಶ್ವಕಪ್‌, 2011ರ ಏಕದಿನ ವಿಶ್ವಕಪ್ ಮತ್ತು 2013ರ ಚಾಂಪಿಯನ್ಸ್ ಟ್ರೋಫಿ ಗೆದ್ದುಕೊಂಡಿತ್ತು.