ವಿಂಡೀಸ್‌ ತಂಡಕ್ಕೆ ಬ್ರಾಥ್‌ವೇಟ್‌ ನಾಯಕ

7

ವಿಂಡೀಸ್‌ ತಂಡಕ್ಕೆ ಬ್ರಾಥ್‌ವೇಟ್‌ ನಾಯಕ

Published:
Updated:
Prajavani

ಸೇಂಟ್‌ ಲೂಸಿಯಾ: ಆರಂಭಿಕ ಬ್ಯಾಟ್ಸ್‌ಮನ್‌ ಕ್ರೆಗ್‌ ಬ್ರಾಥ್‌ವೇಟ್‌, ಇಂಗ್ಲೆಂಡ್‌ ಎದುರಿನ ಮೂರನೇ ಟೆಸ್ಟ್‌ ಪಂದ್ಯದಲ್ಲಿ ವೆಸ್ಟ್‌ ಇಂಡೀಸ್‌ ತಂಡವನ್ನು ಮುನ್ನಡೆಸಲಿದ್ದಾರೆ.

‘ನಿಧಾನಗತಿಯ ಬೌಲಿಂಗ್‌ನ ಕಾರಣದಿಂದಾಗಿ ಜೇಸನ್‌ ಹೋಲ್ಡರ್‌ ಮೇಲೆ ಐಸಿಸಿ ಒಂದು ಪಂದ್ಯ ನಿಷೇಧ ಹೇರಿದೆ. ಹೀಗಾಗಿ ಬ್ರಾಥ್‌ವೇಟ್‌ ಅವರನ್ನು ನಾಯಕನನ್ನಾಗಿ ನೇಮಿಸಲಾಗಿದೆ’ ಎಂದು ಕ್ರಿಕೆಟ್‌ ವೆಸ್ಟ್‌ ಇಂಡೀಸ್‌ ತಿಳಿಸಿದೆ.

ಹೋದ ವರ್ಷದ ನವೆಂಬರ್‌ನಲ್ಲಿ ನಡೆದಿದ್ದ ಬಾಂಗ್ಲಾದೇಶ ಎದುರಿನ ಸರಣಿಯಲ್ಲಿ ಬ್ರಾಥ್‌ವೇಟ್‌ ಅವರು ವಿಂಡೀಸ್‌ ತಂಡವನ್ನು ಮುನ್ನಡೆಸಿದ್ದರು.

ಮೂರನೇ ಟೆಸ್ಟ್‌, ಸೇಂಟ್‌ ಲೂಸಿಯಾದಲ್ಲಿ ಶನಿವಾರದಿಂದ ನಡೆಯಲಿದೆ. ಈ ಪಂದ್ಯಕ್ಕೆ ಕ್ರಿಕೆಟ್‌ ವೆಸ್ಟ್‌ ಇಂಡೀಸ್‌, 14 ಸದಸ್ಯರ ತಂಡವನ್ನು ಪ್ರಕಟಿಸಿದೆ. ವೇಗದ ಬೌಲರ್‌ ಕೀಮೊ ಪಾಲ್‌ ಮತ್ತು ಅಲಜಾರಿ ಜೋಸೆಫ್‌ ಅವರಿಗೆ ಅವಕಾಶ ನೀಡಲಾಗಿದೆ.

ತಂಡ ಇಂತಿದೆ: ಕ್ರೆಗ್‌ ಬ್ರಾಥ್‌ವೇಟ್‌ (ನಾಯಕ), ಡರೆನ್‌ ಬ್ರಾವೊ, ಶಮರಾಹ್‌ ಬ್ರೂಕ್ಸ್‌, ಜಾನ್‌ ಕ್ಯಾಂಪ್‌ಬೆಲ್‌, ರಾಸ್ಟನ್‌ ಚೇಸ್‌, ಶೇನ್‌ ಡೌರಿಚ್‌, ಶಾನನ್‌ ಗೇಬ್ರಿಯಲ್‌, ಶಿಮ್ರನ್‌ ಹೆಟ್ಮೆಯರ್‌, ಶಾಯ್‌ ಹೋಪ್‌, ಅಲಜಾರಿ ಜೋಸೆಫ್‌, ಕೀಮೊ ಪಾಲ್‌, ಕೆಮರ್‌ ರೋಚ್‌, ಒಶಾನೆ ಥಾಮಸ್‌ ಮತ್ತು ಜೋಮೆಲ್‌ ವಾರಿಕನ್‌.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !