ಬೆಂಗಳೂರು: ವಿ.ಆರ್‌.ವನಿತಾ (50; 34ಎ, 9ಬೌಂ, 1ಸಿ) ಗಳಿಸಿದ ಸ್ಫೋಟಕ ಅರ್ಧಶತಕ ಮತ್ತು ಆಕಾಂಕ್ಷಾ ಕೊಹ್ಲಿ (19ಕ್ಕೆ3) ಅವರ ಪರಿಣಾಮಕಾರಿ ಬೌಲಿಂಗ್‌ ನೆರವಿನಿಂದ ಕರ್ನಾಟಕ ತಂಡ, ಬಿಸಿಸಿಐ ಸೀನಿಯರ್‌ ಮಹಿಳಾ ಏಕದಿನ ಟ್ರೋಫಿ ಕ್ರಿಕೆಟ್‌ ಟೂರ್ನಿಯ ಪಂದ್ಯದಲ್ಲಿ 8 ವಿಕೆಟ್‌ಗಳಿಂದ ಗೋವಾ ತಂಡವನ್ನು ಮಣಿಸಿದೆ.
ಹಿಮಾಚಲ ಪ್ರದೇಶದ ಉನಾ ಜಿಲ್ಲೆಯ ಜೆ.ಎನ್‌.ವಿ.ಶಾಲಾ ಮೈದಾನದಲ್ಲಿ ಗುರುವಾರ ಮೊದಲು ಬ್ಯಾಟ್‌ ಮಾಡಿದ ಗೋವಾ 37.5 ಓವರ್‌ಗಳಲ್ಲಿ 86ರನ್‌ಗಳಿಗೆ ಆಲೌಟ್‌ ಆಯಿತು. ಸುಲಭ ಗುರಿಯನ್ನು ಕರ್ನಾಟಕ 13.5 ಓವರ್‌ಗಳಲ್ಲಿ 2 ವಿಕೆಟ್‌ ಕಳೆದುಕೊಂಡು ಮುಟ್ಟಿತು.
ಸಂಕ್ಷಿಪ್ತ ಸ್ಕೋರ್‌: ಗೋವಾ; 37.5 ಓವರ್‌ಗಳಲ್ಲಿ 86 (ಸುನಂದಾ 25; ಆಕಾಂಕ್ಷಾ ಕೊಹ್ಲಿ 19ಕ್ಕೆ3, ಸಹನಾ ಎಸ್‌.ಪವಾರ್‌ 16ಕ್ಕೆ2). ಕರ್ನಾಟಕ: 13.5 ಓವರ್‌ಗಳಲ್ಲಿ 2 ವಿಕೆಟ್‌ಗೆ 88 (ವಿ.ಆರ್‌.ವನಿತಾ 50, ಎಸ್‌.ಶುಭಾ ಔಟಾಗದೆ 27). ಫಲಿತಾಂಶ: ಕರ್ನಾಟಕ ತಂಡಕ್ಕೆ 8 ವಿಕೆಟ್‌ ಗೆಲುವು.
