ಮಹಿಳೆಯರ ತ್ರಿಕೋನ ಟ್ವೆಂಟಿ–20 ಕ್ರಿಕೆಟ್‌ ಸರಣಿ: ಭಾರತದ ಬೌಲರ್‌ಗಳ ಮಿಂಚು

ಮನುಕಾ ಓವಕ್‌ ಮೈದಾನದಲ್ಲಿ ಶುಕ್ರವಾರ ನಡೆದ ತನ್ನ ಮೊದಲ ಪಂದ್ಯದಲ್ಲಿ ಹರ್ಮನ್‌ಪ್ರೀತ್‌ ಕೌರ್‌ ನಾಯಕತ್ವದ ಭಾರತ ತಂಡ 5 ವಿಕೆಟ್‌ಗಳಿಂದ ಇಂಗ್ಲೆಂಡ್‌ ತಂಡವನ್ನು ಪರಾಭವಗೊಳಿಸಿದೆ.

ಮೊದಲು ಬ್ಯಾಟ್‌ ಮಾಡಿದ ಹೀಥರ್‌ ನೈಟ್‌ ನೇತೃತ್ವದ ಇಂಗ್ಲೆಂಡ್‌ 20 ಓವರ್‌ಗಳಲ್ಲಿ 7 ವಿಕೆಟ್‌ಗೆ 147ರನ್‌ ಕಲೆಹಾಕಿತು. ಭಾರತದ ಬೌಲರ್‌ಗಳ ಎದುರು ಪರದಾಡಿದ ಈ ತಂಡ 10 ಓವರ್‌ಗಳಲ್ಲಿ 4 ವಿಕೆಟ್‌ ಕಳೆದುಕೊಂಡು 59ರನ್‌ ಗಳಿಸಿತ್ತು.

ನಾಯಕಿ ಹೀಥರ್‌ (67; 44ಎ, 8ಬೌಂ, 2ಸಿ) ಮತ್ತು ಟಾಮಿ ಬ್ಯೂಮೊಂಟ್‌ (37; 27ಎ, 4ಬೌಂ, 1ಸಿ) ಅವರು ಉತ್ತಮ ಆಟ ಆಡಿ ತಂಡ ಸವಾಲಿನ ಮೊತ್ತ ಕಲೆಹಾಕಲು ನೆರವಾದರು.

ಭಾರತ ತಂಡವು 19.3 ಓವರ್‌ಗಳಲ್ಲಿ 5 ವಿಕೆಟ್‌ ಕಳೆದುಕೊಂಡು ಗುರಿ ಮುಟ್ಟಿತು.

ಭಾರತ ಕೂಡ ಆರಂಭಿಕ ಆಘಾತ ಕಂಡಿತ್ತು. ಶಫಾಲಿ ವರ್ಮಾ (30; 25ಎ, 4ಬೌಂ) ಮತ್ತು ಜೆಮಿಮಾ ರಾಡ್ರಿಗಸ್‌ (26; 20ಎ, 4ಬೌಂ) ಅವರು ತಂಡಕ್ಕೆ ಆಸರೆಯಾದರು.

ಬಳಿಕ ನಾಯಕಿ ಹರ್ಮನ್‌ಪ್ರೀತ್‌ (ಔಟಾಗದೆ 42; 34ಎ, 5ಬೌಂ, 1ಸಿ) ಸ್ಫೋಟಕ ಆಟ ಆಡಿ ತಂಡವನ್ನು ಗೆಲುವಿನ ದಡ ಮುಟ್ಟಿಸಿದರು.

ಸಂಕ್ಷಿಪ್ತ ಸ್ಕೋರ್‌: ಇಂಗ್ಲೆಂಡ್‌; 20 ಓವರ್‌ಗಳಲ್ಲಿ 7 ವಿಕೆಟ್‌ಗೆ 147 (ನಟಾಲಿಯಾ ಶೀವರ್‌ 20, ಹೀಥರ್‌ ನೈಟ್‌ 67, ಟಾಮಿ ಬ್ಯೂಮೊಂಟ್‌ 37; ರಾಜೇಶ್ವರಿ ಗಾಯಕವಾಡ್‌ 19ಕ್ಕೆ2, ಶಿಖಾ ಪಾಂಡೆ 33ಕ್ಕೆ2, ರಾಧಾ ಯಾದವ್‌ 33ಕ್ಕೆ1, ದೀಪ್ತಿ ಶರ್ಮಾ 30ಕ್ಕೆ2).

ಭಾರತ: 19.3 ಓವರ್‌ಗಳಲ್ಲಿ 5 ವಿಕೆಟ್‌ಗೆ 150 (ಶಫಾಲಿ ವರ್ಮಾ 30, ಸ್ಮೃತಿ ಮಂದಾನ 15, ಜೆಮಿಮಾ ರಾಡ್ರಿಗಸ್‌ 26, ಹರ್ಮನ್‌ಪ್ರೀತ್‌ ಕೌರ್‌ ಔಟಾಗದೆ 42, ತಾನಿಯಾ ಭಾಟಿಯಾ 11, ದೀಪ್ತಿ ಶರ್ಮಾ ಔಟಾಗದೆ 12; ಸೋಫಿ ಎಕ್ಸಲೆಸ್ಟೋನ್‌ 24ಕ್ಕೆ1, ಕ್ಯಾಥರಿನ್‌ ಬ್ರುಂಟ್‌ 33ಕ್ಕೆ2, ನಟಾಲಿಯಾ ಶೀವರ್‌ 34ಕ್ಕೆ1, ಹೀಥರ್‌ ನೈಟ್‌ 20ಕ್ಕೆ1).

ಫಲಿತಾಂಶ: ಭಾರತ ತಂಡಕ್ಕೆ 5 ವಿಕೆಟ್‌ ಗೆಲುವು. ಪಂದ್ಯಶ್ರೇಷ್ಠ: ಹೀಥರ್‌ ನೈಟ್‌.

ಭಾರತದ ಮುಂದಿನ ಪಂದ್ಯ: ಫೆಬ್ರುವರಿ 2ಕ್ಕೆ ಆಸ್ಟ್ರೇಲಿಯಾ ವಿರುದ್ಧ.