ಭಾರತದ ಬೇಟೆಯಾಡಿದ್ದ ಬಾಂಗ್ಲಾ ಹುಲಿಗಳು

ಬುಧವಾರ, ಜೂನ್ 19, 2019
26 °C
ವಿಶ್ವಕಪ್‌ ಹೆಜ್ಜೆಗುರುತು–39

ಭಾರತದ ಬೇಟೆಯಾಡಿದ್ದ ಬಾಂಗ್ಲಾ ಹುಲಿಗಳು

Published:
Updated:
Prajavani

ಕನ್ನಡಿಗ ರಾಹುಲ್‌ ದ್ರಾವಿಡ್‌ ಅವರ ಮುಂದಾಳತ್ವದಲ್ಲಿ 2007ರ ವಿಶ್ವಕಪ್‌ ಅಭಿಯಾನ ಆರಂಭಿಸಿದ್ದ ಭಾರತ, ಮೊದಲ ಪಂದ್ಯದಲ್ಲೇ ಮುಖಭಂಗ ಅನುಭವಿಸಿತ್ತು. ಪೋರ್ಟ್‌ ಆಫ್‌ ಸ್ಪೇನ್‌ನಲ್ಲಿ ಮಾರ್ಚ್‌ 17ರಂದು ನಡೆದಿದ್ದ ‘ಬಿ’ ಗುಂಪಿನ ಹಣಾಹಣಿಯಲ್ಲಿ ಬಾಂಗ್ಲಾದೇಶವು ಭಾರತಕ್ಕೆ ಆಘಾತ ನೀಡಿ ಕ್ರಿಕೆಟ್‌ ಲೋಕದ ಗಮನ ಸೆಳೆದಿತ್ತು.

*ಭಾರತ ಮತ್ತು ಬಾಂಗ್ಲಾ, ವಿಶ್ವಕಪ್‌ನಲ್ಲಿ ಮೊದಲ ಸಲ ಮುಖಾಮುಖಿಯಾಗಿದ್ದವು.

*ಮಹೇಂದ್ರ ಸಿಂಗ್‌ ಧೋನಿ, ರಾಬಿನ್‌ ಉತ್ತಪ್ಪ ಮತ್ತು ಮುನಾಫ್ ‍ಪಟೇಲ್‌ ಈ ಪಂದ್ಯದ ಮೂಲಕ ವಿಶ್ವಕಪ್‌ಗೆ ಪದಾರ್ಪಣೆ ಮಾಡಿದ್ದರು.

*ಮೊದಲ ಓವರ್‌ ಹಾಕಿದ ಮಷ್ರಫೆ ಮೊರ್ತಜಾ ಮೂರು ಇತರೆ ರನ್‌ ನೀಡಿದರು. ಅವರ ಮೊದಲ ಎಸೆತವೇ ವೈಡ್‌ ಆಗಿತ್ತು.

*ಮೂರನೇ ಓವರ್‌ನಲ್ಲಿ ವೀರೇಂದ್ರ ಸೆಹ್ವಾಗ್‌ ಔಟ್‌. ಮೊರ್ತಜಾ ಹಾಕಿದ ಪ್ರಥಮ ಎಸೆತದಲ್ಲಿ ‘ವೀರೂ’ ಬೌಲ್ಡ್‌ ಆದರು.

*ಉತ್ತಪ್ಪ (9), ಸಚಿನ್‌ (7) ಮತ್ತು ದ್ರಾವಿಡ್‌ (14) ಆಟವೂ ನಡೆಯಲಿಲ್ಲ. ಆಗ ತಂಡಕ್ಕೆ ನೆರವಾಗಿದ್ದು ಚಿಗುರು ಮೀಸೆಯ ಹುಡುಗ ಯುವರಾಜ್‌ ಸಿಂಗ್‌ (47; 58ಎ, 3ಬೌಂ, 1ಸಿ) ಮತ್ತು ಸೌರವ್‌ ಗಂಗೂಲಿ (66; 129ಎ, 4ಬೌಂ).

*ಬಾಂಗ್ಲಾದ ಸ್ಪಿನ್‌ ದಾಳಿಯ ಎದುರು ಗಂಗೂಲಿ ಸಂಯಮದಿಂದ ಇನಿಂಗ್ಸ್‌ ಕಟ್ಟಿದರು. ಯುವಿ, ಪಟಪಟನೆ ರನ್‌ ಪೇರಿಸಿದರು. ಈ ಜೋಡಿ ಐದನೇ ವಿಕೆಟ್‌ಗೆ 85ರನ್‌ ಗಳಿಸಿದ್ದರಿಂದ ತಂಡದ ಮೊತ್ತ 150ರ ಗಡಿ ದಾಟಿತು. ಇವರು ಔಟಾದ ನಂತರ ದ್ರಾವಿಡ್‌ ಪಡೆ ಮತ್ತೆ ಪತನದತ್ತ ಸಾಗಿತು.

*ಧೋನಿ, ಹರಭಜನ್‌ ಸಿಂಗ್‌ ಮತ್ತು ಅಜಿತ್‌ ಅಗರ್‌ಕರ್‌ ಶೂನ್ಯಕ್ಕೆ ಔಟಾದರು. ‘ಬಾಲಂಗೋಚಿ’ಗಳಾದ ಜಹೀರ್‌ ಖಾನ್‌ (ಔಟಾಗದೆ 15) ಮತ್ತು ಮುನಾಫ್‌ (15) ಹತ್ತನೇ ವಿಕೆಟ್‌ಗೆ ಸೇರಿಸಿದ 32ರನ್‌ಗಳಿಂದಾಗಿ ತಂಡವು 49.3 ಓವರ್‌ಗಳಲ್ಲಿ 191ರನ್‌ ದಾಖಲಿಸಲು ಶಕ್ತವಾಯಿತು.

 *ಬಾಂಗ್ಲಾದ ಯುವ ಪಡೆ ಈ ಗುರಿಯನ್ನು 48.3 ಓವರ್‌ಗಳಲ್ಲಿ 5 ವಿಕೆಟ್‌ ಕಳೆದುಕೊಂಡು ಮುಟ್ಟಿತು. ತಮಿಮ್‌ ಇಕ್ಬಾಲ್‌ (51), ಮುಷ್ಫಿಕುರ್‌ ರಹೀಮ್‌ (ಔಟಾಗದೆ 56) ಮತ್ತು ಶಕೀಬ್‌ ಅಲ್‌ ಹಸನ್‌ (53) ಪದಾರ್ಪಣೆ ಪಂದ್ಯದಲ್ಲೇ ಅರ್ಧಶತಕ ಬಾರಿಸಿ ತಂಡಕ್ಕೆ ಸ್ಮರಣೀಯ ಗೆಲುವು ತಂದುಕೊಟ್ಟಿದ್ದರು.

*ಕಿಂಗ್ಸ್‌ಟನ್‌ನಲ್ಲಿ ಮಾರ್ಚ್‌ 15ರಂದು ನಡೆದಿದ್ದ ಐರ್ಲೆಂಡ್‌ ಮತ್ತು ಜಿಂಬಾಬ್ವೆ ನಡುವಣ ‘ಡಿ’ ಗುಂಪಿನ ಪಂದ್ಯ ರೋಚಕ ‘ಟೈ’ ಆಗಿತ್ತು.

 *ಮೊದಲು ಬ್ಯಾಟ್‌ ಮಾಡಿದ್ದ ಐರ್ಲೆಂಡ್‌, ಜೆರೆಮಿ ಬ್ರಾಯ್‌ (ಔಟಾಗದೆ 115) ಶತಕದ ನೆರವಿನಿಂದ 50 ಓವರ್‌ಗಳಲ್ಲಿ 9 ವಿಕೆಟ್‌ಗೆ 221ರನ್‌ ಗಳಿಸಿತ್ತು.

*ಜಿಂಬಾಬ್ವೆ ಕೂಡಾ ಇಷ್ಟೇ ರನ್‌ ಗಳಿಸಿ ಆಲೌಟ್‌ ಆಗಿತ್ತು. ಅಂತಿಮ ಓವರ್‌ನಲ್ಲಿ ತಂಡದ ಗೆಲುವಿಗೆ 9ರನ್‌ಗಳು ಬೇಕಿದ್ದವು. ಆ್ಯಂಡ್ರ್ಯೂ ವೈಟ್‌ ಹಾಕಿದ ಓವರ್‌ನ ಮೊದಲ ಮೂರು ಎಸೆತಗಳಲ್ಲಿ ಸ್ಟುವರ್ಟ್‌ ಮತ್ಸಿಕೆನ್ಯೆರಿ ಐದು ರನ್‌ ಗಳಿಸಿದರು. ನಂತರದ ಎರಡು ಎಸೆತಗಳಲ್ಲಿ ಮೂರು ರನ್‌ಗಳು ಬಂದವು. ಅಂತಿಮ ಎಸೆತದಲ್ಲಿ ಒಂದು ರನ್‌ ಬೇಕಿದ್ದಾಗ ಎಡ್‌ ರೇನ್ಸ್‌ಫೋರ್ಡ್‌ ರನ್‌ಔಟ್‌ ಆಗಿದ್ದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 3

    Happy
  • 0

    Amused
  • 0

    Sad
  • 0

    Frustrated
  • 3

    Angry

Comments:

0 comments

Write the first review for this !