ಫೈನಲ್‌: ಕಿವೀಸ್ ಪಡೆಗೆ ವೋಕ್ಸ್‌, ಪ್ಲಂಕೆಟ್‌ ಕಾಟ; ಇಂಗ್ಲೆಂಡ್‌ಗೆ ಗುರಿ @ 242
ಲಂಡನ್‌: ‘ಕ್ರಿಕೆಟ್ ಕಾಶಿ’ ಲಾರ್ಡ್ಸ್‌ ಕ್ರಿಕೆಟ್ ಅಂಗಳದಲ್ಲಿ ನಡೆಯುತ್ತಿರುವ ವಿಶ್ವಕಪ್‌ ಕ್ರಿಕೆಟ್ ಟೂರ್ನಿಯ ಅಂತಿಮ ಹಣಾಹಣಿಯತ್ತ ಕ್ರಿಕೆಟ್ ಪ್ರಿಯರ ಗಮನ ನೆಟ್ಟಿದೆ. ಮಹತ್ತರ ಪಂದ್ಯದಲ್ಲಿ ಟಾಸ್‌ ಗೆದ್ದ ನ್ಯೂಜಿಲೆಂಡ್ ಬ್ಯಾಟಿಂಗ್‌ ನಡೆಸುತ್ತಿದೆ. ಬಹುಬೇಗ ವಿಕೆಟ್‌ ಉರುಳಿಸಿ ಅಲ್ಪ ಮೊತ್ತಕ್ಕೆ ಕಟ್ಟಿ ಹಾಕಲು ಅತಿಥೇಯ ಇಂಗ್ಲೆಂಡ್ ತಂಡ ಪ್ರಯತ್ನ ನಡೆಸಿತು.ಸಂಕಷ್ಟದ ಸಮಯದಲ್ಲಿ ಹೋರಾಡಿದ ಹೆನ್ರಿ ನಿಕೋಲ್ಸ್‌ ಮತ್ತು ಟಾಮ್‌ ಲಥಾಮ್‌ ಆಟ ತಂಡಕ್ಕೆ ಅತ್ಯಮೂಲ್ಯವಾಯಿತು. ಅಂತಿಮವಾಗಿ ಕಿವೀಸ್ ಪಡೆ 241ರನ್‌ ಕಲೆ ಹಾಕಿತು.
New Zealand finish on 241/8 - two more than they made against India in the semi-final!
— Cricket World Cup (@cricketworldcup) July 14, 2019
Can they pull off another heist?#CWC19 | #CWC19Final pic.twitter.com/ye0FtC3RG9
ನ್ಯೂಜಿಲೆಂಡ್ ನಿಗದಿತ 50 ಓವರ್‌ಗಳಲ್ಲಿ 8ವಿಕೆಟ್‌ ನಷ್ಟಕ್ಕೆ 241ರನ್‌ ಗಳಿಸಿತು.
ಕ್ಷಣಕ್ಷಣದ ಸ್ಕೋರ್‌:https://bit.ly/2JJUFtu
ಬಹುಬೇಗ ಗುಪ್ಟಿಲ್‌ ವಿಕೆಟ್‌ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ತಂಡಕ್ಕೆ ನಾಯಕಕೇನ್‌ ವಿಲಿಯಮ್ಸನ್‌(30)ಮತ್ತು ಹೆನ್ರಿ ನಿಕೋಲ್ಸ್‌(55) ಜತೆಯಾಟ ಆಸರೆಯಾಯಿತು. ತಾಳ್ಮೆಯ ಆಟದಿಂದಾಗಿ ತಂಡ 100 ರನ್‌ ಗಡಿ ದಾಟಿತು. ಲಿಯಾಮ್‌ ಪ್ಲಂಕೆಟ್‌ 22ನೇ ಓವರ್‌ನಲ್ಲಿಜತೆಯಾಟ ಮುರಿಯಲು ಯಶಸ್ವಿಯಾದರು. ತಂಡದ ಬೆನ್ನೆಲುಬುವಿಲಿಯಮ್ಸನ್‌ ಕ್ಯಾಚ್‌ ನೀಡಿ ಹೊರನಡೆದರು. ಕೆಲ ಸಮಯದಲ್ಲೇ ನಿಕೋಲ್ಸ್‌ ಸಹ ಪ್ಲಂಕೆಟ್‌ಗೆ ವಿಕೆಟ್‌ ಒಪ್ಪಿಸಿದರು.ಅನುಭವಿ ಆಟಗಾರರಾಸ್‌ ಟೇಲರ್‌(15) ಆಟಕ್ಕೆ ಮಾರ್ಕ್‌ ವುಡ್‌ ಕಡಿವಾಣ ಹಾಕಿದರು.
5️⃣0️⃣ for Henry Nicholls!
— Cricket World Cup (@cricketworldcup) July 14, 2019
It's been a gritty knock in trying circumstances. Can he push on to three figures?#CWC19 | #CWC19Final | #BackTheBlackCaps pic.twitter.com/bzEZxwTgss
ಇದನ್ನೂ ಓದಿ:ಕಿವೀಸ್ ಪಡೆಯ ಬೆನ್ನೆಲುಬು ಕೇನ್‌ ವಿಲಿಯಮ್ಸನ್‌
ಜಿಮ್ಮಿ ನೀಶಮ್‌(19) ವಿಕೆಟ್‌ ಕಬಳಿಸುವ ಮೂಲಕ ನ್ಯೂಜಿಲೆಂಡ್‌ನಮಧ್ಯ ಕ್ರಮಾಂಕಕ್ಕೂ ಪ್ಲಂಕೆಟ್‌ ತಡೆಯಾದರು. ಲಥಾಮ್‌ಗೆ ಜತೆಯಾಗಿದ್ದಗ್ರಾಂಡ್‌ಹೋಮ್‌(16) ಕ್ರಿಸ್‌ ವೋಕ್ಸ್‌ ಎಸೆತದಲ್ಲಿ ವಿಕೆಟ್‌ ಒಪ್ಪಿಸಿದರು. 47 ರನ್‌ ಗಳಿಸಿದ್ದ ಟಾಮ್‌ ಲಥಾಮ್‌(56 ಎಸೆತ, 2 ಬೌಂಡರಿ, 1 ಸಿಕ್ಸರ್‌) ಸಹ ವೋಕ್ಸ್‌ ಎಸೆತದಲ್ಲಿಯೇ ಆಟ ಮುಗಿಸಿದರು.
ಪ್ಲಂಕೆಟ್‌ 10 ಓವರ್‌ಗಳಲ್ಲಿ 42 ರನ್‌ ನೀಡಿ3 ವಿಕೆಟ್‌ ಪಡೆದರು. ಕ್ರಿಸ್‌ ವೋಕ್ಸ್‌ 9ಓವರ್‌ಗಳಲ್ಲಿ 37ರನ್‌ ನೀಡಿ 3ವಿಕೆಟ್‌ ಕಬಳಿಸಿದರೆ,ಮಾರ್ಕ್‌ ವುಡ್‌ ಮತ್ತು ಜೋಫ್ರಾ ಆರ್ಚರ್‌ ತಲಾ1 ವಿಕೆಟ್‌ ಗಳಿಸಿದರು.
Liam Plunkett strikes again! What a game he's having!
— Cricket World Cup (@cricketworldcup) July 14, 2019
Jimmy Neesham looks to go big but can't clear mid-on. New Zealand are 173/5.#CWC19 | #CWC19Final pic.twitter.com/N5c7QzHIY5
ಮಾರ್ಟಿನ್‌ ಗುಪ್ಟಿಲ್‌ ಮತ್ತು ಹೆನ್ರಿ ನಿಕೋಲ್ಸ್‌ ಆರಂಭಿರಾಗಿ ಕಣಕ್ಕಿಳಿದು ಜೋಫ್ರಾ ಆರ್ಚರ್‌ ಮತ್ತು ಕ್ರಿಸ್‌ ವೋಕ್ಸ್‌ ಎಸೆತಗಳನ್ನು ಸಮರ್ಥವಾಗಿ ಎದುರಿಸಿದರು. ಆದರೆ, ಬಿರುಸಿನ ಆಟವಾಡುತ್ತಿದ್ದ ಗುಪ್ಟಿಲ್‌(19 ರನ್‌, 1 ಸಿಕ್ಸರ್‌, 2 ಬೌಂಡರಿ), ವೋಕ್ಸ್‌ ಎಸೆತದಲ್ಲಿ ಎಲ್‌ಬಿಡಬ್ಯು ಆಗಿ ಹೊರನಡೆದರು.
ಅರ್ಧ ಗಂಟೆ ತಡವಾಗಿ ಟಾಸ್‌ ನಡೆಸಿದ ಕಾರಣ ಪಂದ್ಯದ ಆರಂಭ ಕೂಡ ತಡವಾಯಿತು. ಕಿವೀಸ್ ಮತ್ತು ಇಂಗ್ಲೆಂಡ್ ಪಡೆಯಲ್ಲಿ ಫೈನಲ್‌ ಹಣಾಹಣಿಗೆ ಯಾವುದೇ ಬದಲಾವಣೆ ಮಾಡಲಾಗಿಲ್ಲ. ಸೆಮಿಫೈನಲ್‌ನಲ್ಲಿ ಆಡಿದ್ದ ಆಟಗಾರರೇ ಇಲ್ಲೂ ಮುಂದುವರಿದಿದ್ದಾರೆ.
ರೌಂಡ್‌ ರಾಬಿನ್ ಲೀಗ್‌ ಪಂದ್ಯದಲ್ಲಿ ಇಂಗ್ಲೆಂಡ್ ಎದುರು ನ್ಯೂಜಿಲೆಂಡ್ ತಂಡವು ಹೀನಾಯ ಸೋಲನುಭವಿಸಿತ್ತು.
ಇವನ್ನೂಓದಿ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.