ನಿಧಾನಗತಿ ಓವರ್: ಕಿವೀಸ್‌ ತಂಡಕ್ಕೆ ದಂಡ

ನಿಗದಿ ಅವಧಿಯಲ್ಲಿ ಲೆಕ್ಕಾಚಾರ ಹಾಕಿದ ಮೇಲೆ ನ್ಯೂಜಿಲೆಂಡ್‌ ಒಂದು ಓವರ್‌ ಕಡಿಮೆ ಮಾಡಿದ್ದು ಸ್ಪಷ್ಟವಾಗಿದೆ ಎಂದು ಮ್ಯಾಚ್‌ ರೆಫ್ರಿ ಡೇವಿಡ್‌ ಬೂನ್‌ ಅಭಿಪ್ರಾಯಪಟ್ಟಿದ್ದಾರೆ.ನಾಯಕ ಕೇನ್‌ ವಿಲಿಯಮ್ಸನ್‌ ತಪ್ಪೊಪ್ಪಿಕೊಂಡಿದ್ದು, ಪಂದ್ಯ ಸಂಭಾವನೆಯ ಶೇ 20ರಷ್ಟು ದಂಡ ವಿಧಿಸಲಾಗಿದೆ. ತಂಡದ ಇತರ ಆಟಗಾರರಿಗೆ ಶೇ 10ರಷ್ಟು ದಂಡ ವಿಧಿಸಲಾಗಿದೆ.

ರೋಮಾಂಚಕಾರಿಯಾಗಿ ಮುಕ್ತಾಯಗೊಂಡ ಪಂದ್ಯದಲ್ಲಿ ವಿಂಡೀಸರ ವಿರುದ್ಧ ಜಯಗಳಿಸಿದ ನ್ಯೂಜಿಲೆಂಡ್‌ ಸೆಮಿಫೈನಲ್‌ ಸಾಧ್ಯತೆ ಉಜ್ವಲಗೊಳಿಸಿದೆ. ಅದು ತನ್ನ ಮುಂದಿನ ಪಂದ್ಯವನ್ನು ಬುಧವಾರ ಪಾಕಿಸ್ತಾನ ವಿರುದ್ಧ ಆಡಬೇಕಿದೆ.