ಸಾಮಾಜಿಕ ಜಾಲತಾಣಗಳಲ್ಲಿ ಚಾಹಲ್ ಕಿರಿಕಿರಿ: ಗೇಲ್ ಗರಂ

ಚಾಹಲ್ ಅವರನ್ನು ತಮ್ಮ ಖಾತೆಗಳಲ್ಲಿ ಬ್ಲಾಕ್ ಮಾಡಿರುವುದಾಗಿಯೂ ಗೇಲ್ ಹೇಳಿದ್ದಾರೆ.

‘ಚಾಹಲ್ ನೀವು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕುವ ಪೋಸ್ಟ್‌ಗಳು ನನಗೆ ಕಿರಿಕಿರಿ ಉಂಟು ಮಾಡುತ್ತಿವೆ. ನಾನು ಟಿಕ್‌ಟಾಕ್‌ನವರಿಗೂ ಚಾಹಲ್ ಅಕೌಂಟ್ ರದ್ದುಗೊಳಿಸುವಂತೆ ಮನವಿ ಮಾಡಲಿದ್ದೇನೆ. ಈಗೀಂದಿಗಲೇ ಎಲ್ಲ ತಾಣಗಳಿಂದ ನಿಮ್ಮ ಖಾತೆಗಳನ್ನು ರದ್ದುಗೊಳಿಸಿಕೊಳ್ಳಿ’ ಎಂದು ಇನ್ಸ್ಟಾಗ್ರಾಮ್‌ ಲೈವ್‌ನಲ್ಲಿ ಗೇಲ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಈಚೆಗೆ ದಕ್ಷಿಣ ಆಫ್ರಿಕಾದ ಆಟಗಾರ ಎಬಿ ಡಿವಿಲಿಯರ್ಸ್‌ ಅವರೊಂದಿಗಿನ ಸಂವಾದದಲ್ಲಿ ಬಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಕೂಡ ಚಾಹಲ್ ವಿಡಿಯೊಗಳ ಬಗ್ಗೆ ಮಾತನಾಡಿದ್ದರು.

‘ಟಿಕ್‌ಟಾಕ್‌ನಲ್ಲಿ ಚಾಹಲ್ ವಿಡಿಯೊ ನೋಡಿ. ಶುದ್ಧ ಕೊಡಂಗಿಯಂತೆ ಆಡುತ್ತಾನೆ. 29 ವರ್ಷದ ಚಾಹಲ್, ಅಂತರರಾಷ್ಟ್ರೀಯ ಕ್ರಿಕೆಟಿಗ ಎಂಬುದನ್ನು ನಂಬಲಾಗುವುದಿಲ್ಲ’ ಎಂದಿದ್ದರು.