ಯುವ ಕ್ರಿಕೆಟ್ | ಹಾರ್ದಿಕ್ ರಾಜ್ ಆಲ್‌ರೌಂಡ್ ಆಟ: ಭಾರತಕ್ಕೆ ಸರಣಿ

ಪುದುಚೇರಿ ಕ್ರಿಕೆಟ್ ಸಂಸ್ಥೆ ಕ್ರೀಡಾಂಗಣದಲ್ಲಿ ಗುರುವಾರ ನಡೆದ ಪಂದ್ಯದಲ್ಲಿ ಭಾರತ ಯುವ ತಂಡವು 7 ರನ್‌ಗಳಿಂದ ಗೆದ್ದಿತು. ಮೊದಲು ಬ್ಯಾಟಿಂಗ್ ಮಾಡಿದ ಆತಿಥೇಯ ತಂಡವು ರುದ್ರ ಪಟೇಲ್ (77; 81ಎ) ಮತ್ತು ಮೊಹಮ್ಮದ್ ಅಮಾನ್ (71; 72ಎ) ಅರ್ಧಶತಕಗಳ ಬಲದಿಂದ 50 ಓವರ್‌ಗಳಲ್ಲಿ 8 ವಿಕೆಟ್‌ಗಳಿಗೆ 324 ರನ್‌ ಗಳಿಸಿತು. 

ಗುರಿ ಬೆನ್ನಟ್ಟಿದ ಆಸ್ಟ್ರೇಲಿಯಾ ಯುವ ತಂಡದ ನಾಯಕ ಒಲಿವರ್ ಪೀಕೆ (111; 115ಎ, 4X9, 6X2) ಮತ್ತು ಸ್ಟೀವನ್ ಹೊಗನ್ (104; 84ಎ, 4X10, 6X4) ಅವರು ಶತಕ ಗಳಿಸಿದರು. ಇದರಿಂದಾಗಿತ ತಂಡವು ಗೆಲುವಿನ ಸನಿಹ ಸಾಗಿತ್ತು. ಆದರೆ ಹಾರ್ದಿಕ್, ಯುಧಜಿತ್ ಗುಹಾ (40ಕ್ಕೆ2) ಹಾಗೂ ಕಿರಣ ಚೊರಮಲೆ (59ಕ್ಕೆ2) ಅವರ ಬೌಲಿಂಗ್‌ ಮುಂದೆ ತಂಡವು ಗೆಲುವಿನ ಗುರಿ ಮುಟ್ಟಲಿಲ್ಲ. 

ಸಂಕ್ಷಿಪ್ತ ಸ್ಕೋರು:

ಭಾರತ: 50 ಓವರ್‌ಗಳಲ್ಲಿ 8ಕ್ಕೆ324 (ಮೊಹಮ್ಮದ್ ಅಮಾನ್ 71, ರುದ್ರ ಪಟೇಲ್ 77, ಹಾರ್ದಿಕ್ ರಾಜ್ 30)

ಆಸ್ಟ್ರೇಲಿಯಾ: 50 ಓವರ್‌ಗಳಲ್ಲಿ 7ಕ್ಕೆ317 (ಒಲಿವರ್ ಪೀಕ್ 111, ಸ್ಟೀವನ್ ಹಾಗನ್ 104, ಹಾರ್ದಿಕ್ ರಾಜ್ 55ಕ್ಕೆ3, ಕಿರಣ ಚೊರ್‌ಮಲೆ 59ಕ್ಕೆ2) ಫಲಿತಾಂಶ: ಭಾರತ 19 ವರ್ಷದೊಳಗಿನವರ ತಂಡಕ್ಕೆ 7 ರನ್‌ಗಳ ಜಯ.