ನವದೆಹಲಿ: ಕ್ರೀಡಾ ಪೋಷಾಕುಗಳ ಸಂಸ್ಥೆ ಅಡಿಡಾಸ್ ಈ ಬಾರಿಯ ವಿಶ್ವಕಪ್ ಫುಟ್ಬಾಲ್ ಟೂರ್ನಿಯ ಅಧಿಕೃತ ಚೆಂಡನ್ನು ಶುಕ್ರವಾರ ಬಿಡುಗಡೆ ಮಾಡಿದೆ. ಕತಾರ್ನಲ್ಲಿ ನಡೆಯಲಿರುವ ಟೂರ್ನಿಯ ಚೆಂಡಿಗೆ ಅಲ್ ರಿಹ್ಲಾ ಎಂದು ಹೆಸರಿಡಲಾಗಿದೆ.
ಫಿಫಾ ವಿಶ್ವಕಪ್ ಟೂರ್ನಿಗಾಗಿ ಅಡಿಡಾಸ್ ಸತತ 14ನೇ ಬಾರಿ ಚೆಂಡು ಸಿದ್ಧಗೊಳಿಸಿದ್ದು ಅಲ್ ರಿಹ್ಲಾ ಎಂದರೆ ಅರೆಬಿಕ್ ಭಾಷೆಯಲ್ಲಿ ಪಯಣ ಎಂದು ವಿವರಿಸಲಾಗಿದೆ. ಈ ಬಾರಿ ಚೆಂಡು ತಯಾರಿಯಲ್ಲಿ ಪರಿಸರ ರಕ್ಷಣೆಗೆ ಒತ್ತು ನೀಡಲಾಗಿದೆ. ಜಲಾಧಾರಿತ ಶಾಯಿ ಮತ್ತು ಅಂಟು ಮಾತ್ರ ಬಳಸಿ ಈ ಚೆಂಡು ತಯಾರಿಸಲಾಗಿದೆ.
ವಿಶ್ವಕಪ್ನ 92 ವರ್ಷಗಳ ಇತಿಹಾಸದಲ್ಲಿ ವಿಶ್ವದಾದ್ಯಂತ ಸಂಕಷ್ಟದಲ್ಲಿರುವವ ನೆರವಿಗೆ ಸ್ಪಂದಿಸಲು ನೇರವಾಗಿ ನಿಧಿ ಸಂಗ್ರಹಿಸುವ ಮೊದಲ ಚೆಂಡು ಆಗಿದೆ. ಅಲ್ ರಿಹ್ಲಾ ಮಾರಾಟದಿಂದ ಬರುವ ಆದಾಯದ ಶೇಕಡಾ ಒಂದಂಶವನ್ನು ನಿಧಿಗಾಗಿ ನೀಡಲಾಗುವುದು ಎಂದು ತಿಳಿಸಲಾಗಿದೆ.