ಜನವರಿ ಆರರಂದು ವಾಸ್ಕೊದ ತಿಲಕ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಉಭಯ ತಂಡಗಳು 1–1 ಗೋಲುಗಳ ಡ್ರಾ ಸಾಧಿಸಿದ್ದವು. ಈಸ್ಟ್ ಬೆಂಗಾಲ್ ತಂಡದ ನಾಯಕನೂ ಆಗಿರುವ ಫಾಕ್ಸ್ 56ನೇ ನಿಮಿಷದಲ್ಲಿ ಚೆಂಡನ್ನು ಡ್ರಿಬಲ್ ಮಾಡುತ್ತ ಬಂದು ಗುರಿಯತ್ತ ಒದ್ದಿದ್ದರು. ಆದರೆ ಯಶಸ್ಸು ಕಂಡಿರಲಿಲ್ಲ. ಎದುರಾಳಿ ತಂಡದ ಅಲೆಕ್ಸಾಂಡರ್ ಜೇಸುರಾಜ್ ಅತ್ಯುತ್ತಮವಾಗಿ ಟ್ಯಾಕಲ್ ಮಾಡಿದ್ದರು. ಅವರ ಮೇಲೆ ಫಾಕ್ಸ್ ಅಪಾಯಕಾರಿಯಾಗಿ ಎರಗಿದ್ದರು. ಹೀಗಾಗಿ ಅವರಿಗೆ ರೆಡ್ ಕಾರ್ಡ್ ತೋರಿಸಲಾಗಿತ್ತು.
