ಗುರುವಾರ , ಮೇ 26, 2022
23 °C

ಚಾಂಪಿಯನ್ಸ್ ಲೀಗ್‌: ಸೌತಾಂಪ್ಡನ್‌ಗೆ ಮಣಿದ ಆರ್ಸೆನಲ್

ರಾಯಿಟರ್ಸ್ Updated:

ಅಕ್ಷರ ಗಾತ್ರ : | |

Prajavani

ಸೌತಾಂಪ್ಡನ್: ಮೊದಲಾರ್ಧದ ಕೊನೆಯ ನಿಮಿಷದಲ್ಲಿ ಜಾನ್ ಬೆಡ್ನಾರೆಕ್ ಗಳಿಸಿದ ಗೋಲಿನ ಮೂಲಕ ಸೌತಾಂಪ್ಟನ್ ತಂಡ ಪ್ರೀಮಿಯರ್ ಲೀಗ್ ಫುಟ್‌ಬಾಲ್ ಟೂರ್ನಿಯಲ್ಲಿ ರೋಚಕ ಜಯ ಗಳಿಸಿತು.

ಶನಿವಾರ ರಾತ್ರಿ ಸೇಂಟ್ ಮೇರಿಸ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಆರ್ಸೆನಲ್ 0–1ರಲ್ಲಿ  ಸೌತಾಂಪ್ಟನ್‌ಗೆ ಮಣಿಯಿತು. ಇದು ತಂಡದ ಸತತ ಮೂರನೇ ಸೋಲು.

ಪಂದ್ಯದ ನಂತರ ಮಾತನಾಡಿದ ಆರ್ಸೆನಲ್ ಮ್ಯಾನೇಜರ್ ಮೈಕೆಲ್ ಆರ್ಟೆಟಾ ‘ಇತ್ತೀಚಿನ ಪಂದ್ಯಗಳಲ್ಲಿ ತಂಡ ತೋರಿರುವ ನೀರಸ ಪ್ರದರ್ಶನ ಮುಂದಿನ ಹಾದಿಗೆ ಮಾರಕವಾಗಲಿದೆ’ ಎಂದು ಹೇಳಿದರು. 

ಪಂದ್ಯದುದ್ದಕ್ಕೂ ಆರ್ಸೆನಲ್ ಹಿಡಿತ ಸಾಧಿಸಿತ್ತು. ಆದರೂ ಚೆಂಡನ್ನು ಗುರಿ ಮುಟ್ಟಿಸಲು ಆ ತಂಡದ ಆಟಗಾರರಿಗೆ ಸಾಧ್ಯವಾಗಲಿಲ್ಲ. ಸೌತಾಂಪ್ಟನ್ ಗೋಲ್‌ಕೀಪರ್ ಫ್ರೇಜರ್ ಫೋರ್ಸ್ಟರ್ ಅವರು ಆರ್ಸೆನಲ್‌ ಫಾರ್ವರ್ಡ್ ವಿಭಾಗದ ಮುಂದೆ ಗೋಡೆಯಾಗಿ ನಿಂತರು. ಗುರಿಯತ್ತ 23 ಬಾರಿ ಚೆಂಡನ್ನು ಒದ್ದರೂ ಯಶಸ್ಸು ಕಾಣಲು ಆರ್ಸೆನಲ್ ವಿಫಲವಾಯಿತು. 44ನೇ ನಿಮಿಷದಲ್ಲಿ ಜಾನ್ ಬೆಡ್ನಾರೆಕ್ ಚೆಂಡನ್ನು ಗುರಿ ತಲುಪಿಸಿದರು.

‘ತಂಡದ ಸದ್ಯದ ಪರಿಸ್ಥಿತಿಯ ಬಗ್ಗೆ ಬೇಸರವಿದೆ. ಮೂರು ಪಂದ್ಯಗಳನ್ನು ವಿಭಿನ್ನ ಬಗೆಯಲ್ಲಿ ಸೋತಿದ್ದೇವೆ. ಸೌತಾಂಪ್ಟನ್ ಎದುರು ಸೋತ ವಿಧಾನವನ್ನು ವಿವರಿಸಲು ಸಾಧ್ಯವೇ ಇಲ್ಲ. ಈ ಪಂದ್ಯವನ್ನು ನೋಡಿದವರು ಆರ್ಸೆನಲ್ ಗೆದ್ದಿದೆ ಎಂದೇ ತಿಳಿದುಕೊಳ್ಳುವಂತಿತ್ತು’ ಎಂದು ಮೈಕೆಲ್ ಆರ್ಟೆಟಾ ಹೇಳದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.