ಬೆಂಗಳೂರು: ಸತತ ನಾಲ್ಕು ಪಂದ್ಯಗಳಲ್ಲಿ ಗೆದ್ದು ಆತ್ಮವಿಶ್ವಾಸದ ಗಣಿಯಾಗಿರುವ ಬೆಂಗಳೂರು ಎಫ್‌ಸಿ ತಂಡವು ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಟೂರ್ನಿಯ ಪಂದ್ಯದಲ್ಲಿ ಭಾನುವಾರ ಎಟಿಕೆ ಮೋಹನ್‌ ಬಾಗನ್ ಸವಾಲು ಸವಾಲು ಎದುರಿಸಲಿದೆ.
ಪ್ಲೇ ಆಫ್ ಪ್ರವೇಶದ ಅಂಚಿನಲ್ಲಿರುವ ಸುನಿಲ್ ಚೆಟ್ರಿ ನಾಯಕತ್ವದ ಬೆಂಗಳೂರು ಎಫ್‌ಸಿ (ಬಿಎಫ್‌ಸಿ), ಕೋಲ್ಕತ್ತದ ಸಾಲ್ಟ್‌ಲೇಕ್ ಕ್ರೀಡಾಂಗಣದಲ್ಲಿ ನಡೆಯಲಿರುವ ಈ ಪಂದ್ಯದಲ್ಲೂ ಗೆಲುವಿನ ವಿಶ್ವಾಸದಲ್ಲಿದೆ.
ಈ ಆವೃತ್ತಿಯಲ್ಲಿ ಉಭಯ ತಂಡಗಳು ಮುಖಾಮುಖಿಯಾದ ಮೊದಲ ಪಂದ್ಯದಲ್ಲಿ ಎಟಿಕೆಎಂಬಿ 1–0ಯಿಂದ ಜಯಿಸಿತ್ತು. ಟೂರ್ನಿಯಲ್ಲಿ ತಂಡದ ಪರ ಅತಿ ಹೆಚ್ಚು (7) ಗೋಲು ಗಳಿಸಿರುವ ಡಿಮಿಟ್ರಿ ಪೆಟ್ರಾಟೊಸ್‌ ಅವರನ್ನು ಬೆಂಗಳೂರು ತಂಡ ಕಟ್ಟಿಹಾಕಬೇಕಿದೆ. ಉತ್ತಮ ಲಯದಲ್ಲಿರುವ ಶಿವಶಕ್ತಿ ನಾರಾಯಣನ್‌ ಮತ್ತು ರಾಯ್‌ಕೃಷ್ಣ ಅವರು ಬಿಎಫ್‌ಸಿ ತಂಡದ ಶಕ್ತಿಯಾಗಿದ್ದಾರೆ.
