ಫುಟ್‌ಬಾಲ್ | ಸ್ಯಾಂಚೇಜ್ ಕಾಲ್ಚಳಕ: ಬಿಎಫ್‌ಸಿ ಜಯಭೇರಿ

ಕೋಲ್ಕತ್ತ: ಬ್ರಯನ್ ಸ್ಯಾಂಚೇಜ್ ಅವರ ‘ಗೋಲ್ ಡಬಲ್’ ಬಲದಿಂದ ಬೆಂಗಳೂರು ಫುಟ್ಬಾಲ್ ಕ್ಲಬ್ ತಂಡವು ಇಂಡಿಯನ್ ಸೂಪರ್ ಲೀಗ್ ಪಂದ್ಯದಲ್ಲಿ ಇಂಟರ್ ಕಾಶಿ ವಿರುದ್ಧ ಭರ್ಜರಿ ಜಯ ಸಾಧಿಸಿತು. ಇದರೊಂದಿಗೆ ಪಾಯಿಂಟ್ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನಕ್ಕೇರಿತು.

. ಕಿಶೋರ್ ಭಾರತಿ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಬಿಎಫ್ಸಿ ತಂಡವು 3–1ರಿಂದ ಇಂಟರ್ ಕಾಶಿಯನ್ನು ಪರಾಭವಗೊಳಿಸಿತು.

. ಬಿಎಫ್ಸಿ ಆಟಗಾರರು ಆರಂಭದಿಂದಲೇ ತಮ್ಮ ಚುರುಕಾದ ಆಟದ ಮೂಲಕ ಮುನ್ನಡೆ ಸಾಧಿಸುವ ಲಕ್ಷಣ ತೋರಿದ್ದರು. ಅದಕ್ಕೆ ತಕ್ಕಂತೆ ಆಶಿಕ್ ಕುರುಣಿಯನ್ 20ನೇ ನಿಮಿಷದಲ್ಲಿ ಗೋಲು ಗಳಿಸಿದರು. ತಂಡಕ್ಕೆ 1–0 ಮುನ್ನಡೆ ನೀಡಿದರು.

. ಆದರೆ ಇದಕ್ಕೆ ತಿರುಗೇಟು ನೀಡುವಲ್ಲಿ ಎದುರಾಳಿ ಬಳಗ ಯಶಸ್ವಿಯಾಯಿತು. ಅಲ್ಫ್ರೆಡ್ ಪ್ಲನಾಸ್ (38ನೇ ನಿ) ಅವರು ಗೋಲು ಗಳಿಸಿ ಸಮಬಲ ಸಾಧಿಸಿದರು.

. ನಂತರದ ಅರ್ಧ ತಾಸಿನ ಆಟದಲ್ಲಿ ಉಭಯ ತಂಡಗಳ ಆಟಗಾರರು ಜಿದ್ದಾಜಿದ್ದಿ ನಡೆಸಿದರು. ಆದರೆ ಮತ್ತೊಂದು ಗೋಲು ಗಳಿಸಲು ಸಾಧ್ಯವಾಗಲಿಲ್ಲ. ಹೆಚ್ಚಿನ ಅವಧಿಯಲ್ಲಿ ಬಿಎಫ್ಸಿ ತಂಡವೇ ಚೆಂಡಿನ ಮೇಲೆ ನಿಯಂತ್ರಣ ಸಾಧಿಸಿತ್ತು. ಆದರೆ ಇಂಟರ್ ಕಾಶಿಯ ರಕ್ಷಣಾ ಪಡೆಯು ಉತ್ತಮವಾಗಿ ಆಡಿತು.

. ಆದರೆ ಅರ್ಜೆಂಟೀನಾದ ಮಿಡ್ಫೀಲ್ಡರ್ ಬ್ರಯನ್ ಸ್ಯಾಂಚೇಸ್ 69ನೇ ನಿಮಿಷದಲ್ಲಿ ಕಾಶಿಯ ರಕ್ಷಣಾ ಗೋಡೆಯನ್ನು ದಾಟಿ ಗೋಲು ಗಳಿಸುವಲ್ಲಿ ಯಶಸ್ವಿಯಾದರು. ಇದರಿಂದಾಗಿ ಬೆಂಗಳೂರಿಗೆ ಮುನ್ನಡೆ ಲಭಿಸಿತು. ಈ ಹಂತದಲ್ಲಿ ಕಾಶಿ ತಂಡದ ಆಟಗಾರರು ಸಮಬಲ ಸಾಧಿಸಲು ತುರುಸಿನ ಪೈಪೋಟಿ ನೀಡಿದರು. ಆದರೆ ಬಿಎಫ್ಸಿ ತಂಡದ ಗೋಲ್ಕೀಪರ್ ಗುರುಪ್ರೀತ್ ಸಿಂಗ್ ಸಂಧು ಅವರ ದಿಟ್ಟ ಆಟದಿಂದಾಗಿ ಕಾಶಿ ಬಳಗವು ನಿರಾಶೆ ಅನುಭವಿಸಿತು.

. ಇಂಜುರಿ ಸಮಯದಲ್ಲಿ ಮತ್ತೆ ತಮ್ಮ ಕಾಲ್ಚಳಕ ತೋರಿದ ಬ್ರಯನ್ (90+8ನಿ) ಗೋಲು ಗಳಿಸಿದರು.

. ಬಿಎಫ್ಸಿ ತಂಡವು ಇದುವರೆಗೆ ಒಟ್ಟು 6 ಪಂದ್ಯಗಳಲ್ಲಿ ಆಡಿ, 3ರಲ್ಲಿ ಜಯಿಸಿದೆ. ಒಂದರಲ್ಲಿ ಸೋತಿದೆ. ಎರಡರಲ್ಲಿ ಡ್ರಾ ಮಾಡಿಕೊಂಡಿದೆ. ಒಟ್ಟು 11 ಅಂಕಗಳು ತಂಡದ ಖಾತೆಯಲ್ಲಿವೆ.

. ಇಂಟರ್ ಕಾಶಿ ತಂಡವು 6 ಪಂದ್ಯಗಳಲ್ಲಿ 1 ಮಾತ್ರ ಜಯಿಸಿದೆ. 2 ಡ್ರಾ ಆಗಿವೆ. ಉಳಿದ ಪಂದ್ಯಗಳಲ್ಲಿ ಸೋತಿದೆ. ಒಟ್ಟು 5 ಅಂಕಗಳನ್ನು ಗಳಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಫುಟ್‌ಬಾಲ್ | ಸ್ಯಾಂಚೇಜ್ ಕಾಲ್ಚಳಕ: ಬಿಎಫ್‌ಸಿ ಜಯಭೇರಿ

ಚಿನಕುರುಳಿ: ಬುಧವಾರ, 20 ಮೇ 2026

ಜಾಗತಿಕ ವೇದಿಕೆಯಲ್ಲಿ ದೇಶದ ಘನತೆ ರಕ್ಷಿಸಲು ಪ್ರಧಾನಿ ಮೋದಿ ಪಣ: ಶರದ್ ಪವಾರ್

ಗುಂಡಣ್ಣ ಕಾರ್ಟೂನು: ಬುಧವಾರ, 20 ಮೇ 2026

ಚುರುಮುರಿ: ಒಡವೆ ವೈರಾಗ್ಯ

ಮಾಳವಿಕಾ, ಅಶ್ಮಿತಾ ಮುನ್ನಡೆ; ಲಕ್ಷ್ಯ, ಪ್ರಣಯ್ ನಿರ್ಗಮನ

ಹಾಕಿ ಕೋಚ್‌ ಬಲದೇವ್‌ಗೆ 25ರಂದು ಪದ್ಮಶ್ರೀ ಪ್ರದಾನ

ಕ್ವಾರ್ಟರ್‌ಫೈನಲ್‌ಗೆ ಮುಕುಂದ್‌ ಲಗ್ಗೆ

ಸೂಪರ್ ಕಿಂಗ್ಸ್‌ಗೆ ‘ಕೊನೆ’ ಅವಕಾಶ

ಒಳನೋಟ: ಆಮೆಗತಿಯಲ್ಲಿ ಸಾಗುವ ‘ಸರ್ವೆ’

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

ಚಿನಕುರುಳಿ: ಬುಧವಾರ, 20 ಮೇ 2026

ಜಾಗತಿಕ ವೇದಿಕೆಯಲ್ಲಿ ದೇಶದ ಘನತೆ ರಕ್ಷಿಸಲು ಪ್ರಧಾನಿ ಮೋದಿ ಪಣ: ಶರದ್ ಪವಾರ್

ಗುಂಡಣ್ಣ ಕಾರ್ಟೂನು: ಬುಧವಾರ, 20 ಮೇ 2026

ಚುರುಮುರಿ: ಒಡವೆ ವೈರಾಗ್ಯ