ಬೆಂಗಳೂರು ತಂಡ, ಆರನೇ ಆವೃತ್ತಿಯಲ್ಲಿ ಇದುವರೆಗೆ ಎದುರಾಳಿಗಳಿಗೆ ಕೇವಲ ಒಂದು ಗೋಲು ಬಿಟ್ಟುಕೊಟ್ಟಿದೆ. ಅದೂ ಫೀಲ್ಡ್ ಗೋಲಲ್ಲ. ಇನ್ನೊಂದು ಕಡೆ ಹೈದರಾಬಾದ್ ವಿರುದ್ಧ ಎದುರಾಳಿಗಳು 12 ಗೋಲುಗಳನ್ನು ಗಳಿಸಿದ್ದಾರೆ. ಬಿಎಫ್ಸಿಯ ದಿಮಾಸ್ ಡೆಲ್ಗಾಡೊ, ಆರಂಭದ ಪರದಾಟದ ನಂತರ ಲಯಕ್ಕೆ ಮರಳಿದ್ದಾರೆ. ಎರಡು ಗೋಲುಗಳಿಗೆ ಬುನಾದಿ ಹಾಕಿಕೊಟ್ಟಿದ್ದಾರೆ. ನಾಯಕ ಸುನಿಲ್ ಚೆಟ್ರಿ, ಎರಡು ಪಂದ್ಯಗಳಲ್ಲಿ ಎರಡು ಗೋಲು ಗಳಿಸಿರುವೂದೂ ತಂಡದ ಉತ್ಸಾಹ ವೃದ್ಧಿಸಿದೆ.
