ಆದರೆ 53ನೇ ನಿಮಿಷದಲ್ಲಿ ಲಿಂಗ್ಡೊ ನೌಕಾಪಡೆ ತಂಡದ ರಕ್ಷಣಾ ಕೋಟೆಯನ್ನು ನುಚ್ಚುನೂರು ಮಾಡಿದರು. ಬಿಎಫ್ಸಿಗೆ ಮೊದಲ ಗೋಲಿನ ಕಾಣಿಕೆ ನೀಡಿದರು. ಅದೇ ಹುರುಪಿನಲ್ಲಿ ಹರ್ಮನ್ಪ್ರೀತ್ ಸಿಂಗ್ 61ನೇ ನಿಮಿಷದಲ್ಲಿ ಗೋಲು ಹೊಡೆದು ತಂಡವನ್ನು ಸಮಬಲಕ್ಕೆ ತಂದು ನಿಲ್ಲಿಸಿದರು. 75ನೇ ನಿಮಿಷದಲ್ಲಿ ಲಭಿಸಿದ ಪೆನಾಲ್ಟಿಯಲ್ಲಿ ಬೆಂಗಳೂರು ತಂಡದ ಅಜಯ್ ಚೆಟ್ರಿ ಗೋಲು ಹೊಡೆದು ಗೆಲುವಿನ ಕನಸು ಗರಿಗೆದರಲು ಕಾರಣರಾದರು. ಆರು ನಿಮಿಷಗಳ ನಂತರ ಹರ್ಮನ್ಪ್ರೀತ್ ಮತ್ತೊಂದು ಗೋಲು ಹೊಡೆದರು. ಅಷ್ಟಕ್ಕೇ ನಿಲ್ಲದ ಹರ್ಮನ್ಪ್ರೀತ್ ಕೊನೆಯ ಹಂತದಲ್ಲಿ ಮತ್ತೊಂದು ಗೋಲು ಹೊಡೆದರು. ನೌಕಾಪಡೆಯ ಆಟಗಾರ ವಿಜಯ್ ಕೂಡ ಒಂದು ಗೋಲು ಮಾಡಿದರಾದರೂ ಸೋಲು ತಪ್ಪಿಸಲಾಗಲಿಲ್ಲ.