ಈಜಿಪ್ಟ್‌ ಫುಟ್‌ಬಾಲ್‌ ತಂಡದ ಎಸ್ಸಾಮ್‌ ಎಲ್‌ ಹೈದರಿ ವಿದಾಯ

7

ಈಜಿಪ್ಟ್‌ ಫುಟ್‌ಬಾಲ್‌ ತಂಡದ ಎಸ್ಸಾಮ್‌ ಎಲ್‌ ಹೈದರಿ ವಿದಾಯ

Published:
Updated:
Deccan Herald

ಕೈರೋ : ಈಜಿಪ್ಟ್‌ ಫುಟ್‌ಬಾಲ್‌ ತಂಡದ ಎಸ್ಸಾಮ್‌ ಎಲ್‌ ಹೈದರಿ ಅವರು ಅಂತರರಾಷ್ಟ್ರೀಯ ಫುಟ್‌ಬಾಲ್‌ಗೆ ವಿದಾಯ ಹೇಳಿದ್ದಾರೆ. 

45 ವರ್ಷದ ಈ ಆಟಗಾರ, ‘22 ವರ್ಷಗಳು, ನಾಲ್ಕು ತಿಂಗಳು ಹಾಗೂ 12 ದಿನಗಳ ನಂತರ ಫುಟ್‌ಬಾಲ್‌ಗೆ ವಿದಾಯ ಹೇಳಲು ನಿರ್ಧರಿಸಿದ್ದೇನೆ. ನಿವೃತ್ತಿಗೆ ಇದು ಸೂಕ್ತ ಸಮಯ’ ಎಂದು ಫೇಸ್‌ಬುಕ್‌ನಲ್ಲಿ ಸೋಮವಾರ ತಡರಾತ್ರಿ ಪೋಸ್ಟ್‌ ಮಾಡಿದ್ದಾರೆ. 

ಇತ್ತೀಚೆಗೆ ರಷ್ಯಾದಲ್ಲಿ ನಡೆದ ಫಿಫಾ ವಿಶ್ವಕಪ್‌ನಲ್ಲಿ ಆಡಿದ ಹಿರಿಯ ವಯಸ್ಸಿನ ಆಟಗಾರ ಎಂಬ ಹಿರಿಮೆಗೆ ಹೈದರಿ ಪಾತ್ರರಾಗಿದ್ದರು.

1996ರಲ್ಲಿ ಅಂತರರಾಷ್ಟ್ರೀಯ ಫುಟ್‌ಬಾಲ್‌ಗೆ ಅವರು ಪದಾರ್ಪಣೆ ಮಾಡಿದ್ದರು. ಅಂದಿನಿಂದ ಇಲ್ಲಿಯವರೆಗೂ ಅವರು 159 ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಆಡಿದ್ದಾರೆ. 

ವಿಶ್ವಕಪ್‌ನ ಲೀಗ್‌ ಹಂತದಲ್ಲಿ ಸೌದಿ ಅರೇಬಿಯಾ ಎದುರಿನ ಹಣಾಹಣಿಯು ಅವರ ಕೊನೆಯ ಪಂದ್ಯವಾಗಿದೆ. 

ಎಸ್ಸಾಮ್‌ ಅವರು ಬಹುಕಾಲದಿಂದ ಈಜಿಪ್ಟ್‌ನ ಇಸ್ಮೈಲಿ ಕ್ಲಬ್‌ಗಾಗಿ ಆಡುತ್ತಿದ್ದಾರೆ. ಇನ್ನು ಮುಂದೆಯೂ ಅವರು ಕ್ಲಬ್‌ ಫುಟ್‌ಬಾಲ್‌ನಲ್ಲಿ ಮುಂದುವರಿಯಲಿದ್ದಾರೆ. ಆಫ್ರಿಕನ್‌ ಕಪ್‌ ಟೂರ್ನಿಯಲ್ಲಿ ಈಜಿಪ್ಟ್‌ ತಂಡವು 2006 ಹಾಗೂ 2010ರಲ್ಲಿ ಚಾಂಪಿಯನ್‌ ಆದ ವೇಳೆ ಎಸ್ಸಾಮ್‌ ಅವರು ತಂಡದ ಗೋಲ್‌ಕೀಪರ್‌ ಆಗಿದ್ದರು. ಈ ಟೂರ್ನಿಗಳಲ್ಲಿ ಅನೇಕ ಬಾರಿ ಗೋಲುಗಳನ್ನು ತಡೆದು ತಂಡದ ಜಯಕ್ಕೆ ಕಾರಣರಾಗಿದ್ದರು. 

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !