ಬೆಂಗಳೂರು: ಫುಟ್ಬಾಲ್ ಕ್ರೀಡೆಯ ಬೆಳವಣಿಗೆಯ ನಿಟ್ಟಿನಲ್ಲಿ ಎಫ್ಸಿ ಬೆಂಗಳೂರು ಯುನೈಟೆಡ್ ತಂಡದೊಂದಿಗೆ ಸ್ಪೇನ್ನ ಮುಂಚೂಣಿ ಕ್ಲಬ್ ಸೆವಿಲ್ಲಾ ಎಫ್ಸಿ ಒಪ್ಪಂದವನ್ನು ಅಂತಿಮಗೊಳಿಸಿವೆ.
ಭಾರತದಲ್ಲಿ ತನ್ನ ಬ್ರ್ಯಾಂಡ್ ಬೆಳವಣಿಗೆಯನ್ನು ಇನ್ನಷ್ಟು ವೃದ್ಧಿಸಿಕೊಳ್ಳಲು ಸೆವಿಲ್ಲಾ ಈ ನಿರ್ಧಾರಕ್ಕೆ ಬಂದಿದೆ. 2021ರ ಜನವರಿಯಲ್ಲೇ ಉಭಯ ಕ್ಲಬ್ಗಳು ಈ ಒಪ್ಪಂದಕ್ಕೆ ಸಹಿ ಹಾಕಿದ್ದವು.
ಅಧ್ಯಕ್ಷ ಜೋಸ್ ಕ್ಯಾಸ್ಟ್ರೊ ಕಾರ್ಮೊನಾ, ಕಾರ್ಯನಿರ್ವಹಣಾಧಿಕಾರಿ ಜೋಸ್ ಮರಿಯಾ ಕ್ರೂಜ್ ಅವರನ್ನೊಳಗೊಂಡ ಸೆವಿಲ್ಲಾ ಪ್ರತಿನಿಧಿಗಳ ತಂಡವು ಬುಧವಾರ ಇಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿತು.
‘ಮುಂದಿನ ವರ್ಷ ಐ ಲೀಗ್ ಟೂರ್ನಿಗೆ ಪ್ರವೇಶ ಪಡೆಯುವ ಹಂಬಲದಲ್ಲಿರುವ ಎಫ್ಸಿಬಿಯುಗೆ ಕೋಚ್, ಅಕಾಡೆಮಿ ಮತ್ತಿತರ ನೆರವು ನೀಡಲಿದ್ದೇವೆ‘ ಎಂದು ಜೋಸ್ ಮರಿಯಾ ಕ್ರೂಜ್ ತಿಳಿಸಿದ್ದಾರೆ.