ಮಂಗಳವಾರ, ಆಗಸ್ಟ್ 16, 2022
30 °C
ಇಂಡಿಯನ್‌ ಸೂಪರ್ ಲೀಗ್‌ ಫುಟ್‌ಬಾಲ್‌ ಟೂರ್ನಿ

ಮೊದಲ ಜಯದ ತವಕದಲ್ಲಿ ಗೋವಾ, ಕೇರಳ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಮಡಗಾಂವ್‌: ಮೊದಲ ಜಯದ ನಿರೀಕ್ಷೆ ಹೊತ್ತಿರುವ ಎಫ್‌ಸಿ ಗೋವಾ ಹಾಗೂ ಕೇರಳ ಬ್ಲಾಸ್ಟರ್ಸ್‌ ತಂಡಗಳು ಇಂಡಿಯನ್‌ ಸೂಪರ್‌ ಲೀಗ್‌ (ಐಎಸ್‌ಎಲ್‌) ಫುಟ್‌ಬಾಲ್‌ ಟೂರ್ನಿಯಲ್ಲಿ ಭಾನುವಾರ ಸೆಣಸಲಿವೆ.

ಕೇರಳ ಬ್ಲಾಸ್ಟರ್ಸ್ ವಿರುದ್ಧ ಈ ಹಿಂದಿನ ಸತತ ಆರು ಪಂದ್ಯಗಳಲ್ಲಿ ಸೋಲು ಕಾಣದ ಗೋವಾ ತಂಡವು ಅದೇ ಲಯದೊಂದಿಗೆ ಮುಂದುವರಿಯುವ ವಿಶ್ವಾಸದಲ್ಲಿದೆ. ಇಲ್ಲಿಯ ಫಟೋಡಾ ಕ್ರೀಡಾಂಗಣದಲ್ಲಿ ಪಂದ್ಯ ನಡೆಯಲಿದೆ.

ಈ ಆವೃತ್ತಿಯಲ್ಲಿ ಉಭಯ ತಂಡಗಳು ತಲಾ ಮೂರು ಪಂದ್ಯಗಳಲ್ಲಿ ಆಡಿದ್ದು, ಎರಡೆರಡು ಪಾಯಿಂಟ್ಸ್ ಕಲೆಹಾಕಿವೆ. ಎಫ್‌ಸಿ ಗೋವಾ ಎಂಟನೇ ಸ್ಥಾನದಲ್ಲಿದ್ದರೆ, ಕೇರಳ ಬ್ಲಾಸ್ಟರ್ಸ್ ಒಂಬತ್ತನೇ ಸ್ಥಾನದಲ್ಲಿದೆ.

ಟೂರ್ನಿಯಲ್ಲಿ ಕೇರಳ ತಂಡವು ಉತ್ತಮ ಆಟವಾಡಿದ್ದರೂ, ಗೋಲು ಗಳಿಸಲು ಅವಕಾಶಗಳನ್ನು ಸೃಷ್ಟಿಸಿಕೊಳ್ಳುವಲ್ಲಿ ಎಡವುತ್ತಿದೆ.

‘ಪ್ರತಿ ತಂಡಕ್ಕೂ ವಿಭಿನ್ನ ಸವಾಲುಗಳು ಇರುತ್ತವೆ. ಆದರೆ ಎಫ್‌ಸಿ ಗೋವಾ ಹಾಗೂ ನಮ್ಮ ತಂಡದ ಆಟದ ಶೈಲಿ ಹೆಚ್ಚಾಗಿ ಒಂದೇ ರೀತಿಯಲ್ಲಿದೆ. ಕಠಿಣ ಪೈಪೋಟಿ ನಡೆಯುವ ನಿರೀಕ್ಷೆಯಿದೆ‘ ಎಂದು ಕೇರಳ ತಂಡದ ಮುಖ್ಯ ಕೋಚ್‌ ಕಿಬು ವಿಕುನಾ ಹೇಳಿದ್ದಾರೆ.

ಜುವಾನ್ ಫರ್ನಾಂಡೊ ತರಬೇತಿಯಲ್ಲಿ ಪಳಗಿರುವ ಎಫ್‌ಸಿ ಗೋವಾ ಆಟಗಾರರೂ ಇದುವರೆಗೆ ಚೆಂಡಿನ ಮೇಲೆ ಹೆಚ್ಚು ಹತೋಟಿ ಸಾಧಿಸಿದ್ದಾರೆ. ಆದರೂ ಈ ಹಿಂದಿನ ಎರಡು ಪಂದ್ಯಗಳ ನಿರ್ಣಾಯಕ ಹಂತದಲ್ಲಿ ಎದುರಾಳಿಗಳಿಗೆ ಪಾಯಿಂಟ್ಸ್ ಬಿಟ್ಟುಕೊಟ್ಟಿದ್ದಾರೆ. ಹೀಗಾಗಿ ತಂಡದ ಡಿಫೆನ್ಸ್ ವಿಭಾಗ ಬಲಗೊಳ್ಳಬೇಕಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು