ಲಾಸೇನ್: ಇರಾನ್ ವಿರುದ್ಧ ವಿಶ್ವಕಪ್ ಅರ್ಹತಾ ಪಂದ್ಯಕ್ಕೆ ಮುನ್ನ ಚೀನಾದ ರಾಷ್ಟ್ರಗೀತೆ ನುಡಿಸುವ ಸಂದರ್ಭದಲ್ಲಿ ಸ್ಥಳೀಯರು ಕೂಗೆಬ್ಬಿಸಿ ಶಿಳ್ಳೆ ಹಾಕಿದ ಪ್ರಕರಣಕ್ಕೆ ಸಂಬಂಧಿಸಿ ಹಾಂಗ್ಕಾಂಗ್ ಫುಟ್ಬಾಲ್ ಫೆಡರೇಷನ್ಗೆ ಫಿಫಾ ಶಿಸ್ತು ಆಯೋಗ ಬುಧವಾರ ₹ 10.68 ಲಕ್ಷ (13,700 ಯೂರೊ) ದಂಡ ವಿಧಿಸಿದೆ.
ಸೆ. 10ರಂದು ಈ ಪಂದ್ಯ ನಡೆದಿದ್ದು, ಆತಿಥೇಯ ಹಾಂಗ್ಕಾಂಗ್ 0–2 ರಿಂದ ಇರಾನ್ಗೆ ಮಣಿದಿತ್ತು.
ಹಾಂಗ್ಕಾಂಗ್ ಸ್ವತಂತ್ರ ತಂಡ ಕಣಕ್ಕಿಳಿಸುತ್ತಿದೆ. ಆದರೆ ಅದು ಚೀನಾದ ಆಡಳಿತಾತ್ಮಕ ಭಾಗವಾಗಿರುವ ಕಾರಣ ಚೀನಾ ರಾಷ್ಟ್ರಗೀತೆ ನುಡಿಸಲಾಗುತಿತ್ತು. ಹಾಂಗ್ಕಾಂಗ್ನಲ್ಲಿ ಚೀನಾ ವಿರುದ್ಧ ಕೆಲಸಮಯದಿಂದ ಪ್ರತಿಭಟನೆ ನಡೆಯುತ್ತಿದೆ.