ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಫುಟ್‌ಬಾಲ್‌ ಆಟಗಾರ ಅನ್ವರ್‌ ಅಲಿ ಬಾಳಲ್ಲಿ ಆಶಾಕಿರಣ

Last Updated 12 ಅಕ್ಟೋಬರ್ 2020, 19:30 IST
ಅಕ್ಷರ ಗಾತ್ರ

ಹೈಪರ್‌ಟ್ರೋಫಿಕ್‌ ಕಾರ್ಡಿಯೊಮಯೋಪಥಿ ಎಂಬ ಅಪರೂಪದ ಹೃದ್ರೋಗ ಇದೆ ಎಂಬ ಕಾರಣಕ್ಕೆ ವೃತ್ತಿಜೀವನ ಮುಗಿದೇಹೋಯಿತು ಎನ್ನುವ ಆತಂಕದಲ್ಲಿದ್ದ ಫುಟ್‌ಬಾಲ್‌ ಜೂನಿಯರ್‌ ತಂಡದ ಆಟಗಾರ ಅನ್ವರ್‌ ಅಲಿಯ ಬದುಕಿನಲ್ಲಿಈಗ ಭರವಸೆಯ ಬೆಳಕು ಮೂಡಿದೆ. ಸ್ಪರ್ಧಾತ್ಮಕ ಫುಟ್‌ಬಾಲ್‌ಗೆ ಮರಳುವ ಕ್ಷಣಕ್ಕಾಗಿ ಅವರು ಕಾಯುತ್ತಿದ್ದಾರೆ.

2017ರಲ್ಲಿ ನಡೆದ ಫಿಫಾ 17 ವರ್ಷದೊಳಗಿನವರ ವಿಶ್ವಕಪ್‌ ಟೂರ್ನಿಯಲ್ಲಿ ಭಾರತ ತಂಡದ ಅವಿಭಾಜ್ಯ ಅಂಗವಾಗಿದ್ದರುಅಲಿ. ಹೃದಯದ ಸಮಸ್ಯೆಗೆ ಒಳಗಾಗಿದ್ದ ಕಾರಣ ಕಣಕ್ಕೆ ಇಳಿಯದಂತೆಅಖಿಲ ಭಾರತ ಫುಟ್‌ಬಾಲ್‌ ಫೆಡರೇಷನ್‌ (ಎಐಎಫ್‌ಎಫ್) ಅವರಿಗೆ‌ ಸೂಚಿಸಿದೆ. ಆಡಿದರೆ ಅವರ ಜೀವಕ್ಕೆ ಅಪಾಯವಿದೆ ಎಂದು ಎಐಎಫ್‌ಎಫ್‌ ಹಾಗೂ ಏಷ್ಯನ್‌ ಫುಟ್‌ಬಾಲ್‌ ಕಾನ್ಫೆಡರೇಷನ್‌ನ ವೈದ್ಯಕೀಯ ಸಮಿತಿಗಳು ಸೆಪ್ಟೆಂಬರ್‌ನಲ್ಲಿ ಎಚ್ಚರಿಕೆ ನೀಡಿದ್ದವು. ಈ ಹಿನ್ನೆಲೆಯಲ್ಲಿಅಲಿದೆಹಲಿ ಹೈಕೋರ್ಟ್‌ ಮೊರೆ ಹೋಗಿದ್ದರು. ಹೃದಯದ ಸಮಸ್ಯೆ ಕುರಿತು ವೈದ್ಯಕೀಯ ತಜ್ಞರ ಸಮಿತಿ ತೀರ್ಮಾನ ಪ್ರಕಟಿಸುವವರೆಗೆಅಲಿಅವರಿಗೆ ಅವರ ತಂಡವಾದ ಮೊಹಮ್ಮಡನ್‌ ಸ್ಪೋರ್ಟಿಂಗ್‌ ಕ್ಲಬ್‌ನಲ್ಲಿ ತರಬೇತಿ ಪಡೆಯಲು ಅವಕಾಶ ಮಾಡಿಕೊಡುವಂತೆ ನ್ಯಾಯಾಲಯ‌ ಎಐಎಫ್‌ಎಫ್‌ಗೆ ಸೂಚಿಸಿತ್ತು.

ಅನ್ವರ್‌ಅಲಿಸ್ಪರ್ಧಾತ್ಮಕ ಟೂರ್ನಿಗಳಲ್ಲಿ ಆಡಬಹುದು ಎಂದು ಇಂಗ್ಲೆಂಡ್‌ನ ಫುಟ್‌ಬಾಲ್‌ ಸಂಸ್ಥೆಯ (ಎಫ್‌ಎ) ಕಾರ್ಡಿಯಾಲಜಿ ಒಕ್ಕೂಟದ ತಂಡವು ಅಭಿಪ್ರಾಯಪಟ್ಟಿದೆ.ಪಂಜಾಬ್‌ನ 20 ವರ್ಷದಅಲಿಭಾನುವಾರ ನಡೆದ ಎಐಎಫ್‌ಎಫ್‌ನ ವೈದ್ಯಕೀಯ ಸಮಿತಿಯ ಸಭೆಗೆ ಹಾಜರಾಗಿದ್ದರು. ಎಫ್‌ಎ ಕಾರ್ಡಿಯಾಲಜಿ ಒಕ್ಕೂಟ ತಂಡದ ಮುಖ್ಯಸ್ಥ ಸಂಜಯ್‌ ಶರ್ಮಾ ವಿಡಿಯೊ ಕಾನ್ಫರೆನ್ಸ್ ಮೂಲಕ ಸಭೆಯಲ್ಲಿ ಭಾಗವಹಿಸಿ, ತಮ್ಮ ಅಭಿಪ್ರಾಯವನ್ನು ಸಮಿತಿಯ ಮುಂದಿಟ್ಟಿದ್ದಾರೆ. ಈ ಕುರಿತು ಪರಿಶೀಲನೆ ನಡೆಸಿ ಮುಂದಿನ ಸಭೆಯಲ್ಲಿ ನಿರ್ಧಾರ ಕೈಗೊಳ್ಳುವುದಾಗಿ ಎಐಎಫ್‌ಎಫ್‌ ವೈದ್ಯಕೀಯ ಸಮಿತಿ ಹೇಳಿದೆ.

ಲಂಡನ್‌ ಮ್ಯಾರಥಾನ್‌ನ ಮುಖ್ಯ ವೈದ್ಯಕೀಯ ನಿರ್ದೇಶಕರಾಗಿರುವಸಂಜಯ್‌ ಶರ್ಮಾ, 2012ರ ಲಂಡನ್‌ ಒಲಿಂಪಿಕ್ಸ್‌ನಲ್ಲಿ ಮುಖ್ಯ ಹೃದ್ರೋಗ ತಜ್ಞರಾಗಿಯೂ ಕೆಲಸ ಮಾಡಿದ್ದರು.

'ಅಲಿಅವರ ಹೃದ್ರೋಗ ಸ್ಥಿತಿ ಸಂಪೂರ್ಣ ಲಕ್ಷಣರಹಿತವಾಗಿದೆ. ಹೀಗಾಗಿ ಅವರು ಫುಟ್‌ಬಾಲ್‌ ಆಡಬಹುದು ಎಂದು ಶರ್ಮಾ ಹೇಳಿದ್ದಾರೆ‘ ಎಂದು ಮಿನರ್ವಾ ಪಂಜಾಬ್‌ ಫುಟ್‌ಬಾಲ್ ಅಕಾಡೆಮಿ ಉಲ್ಲೇಖಿಸಿದೆ. ಇದೇ ಅಕಾಡೆಮಿಯ ಮೂಲಕಅಲಿವೃತ್ತಿಜೀವನ ಆರಂಭಿಸಿದ್ದರು

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT