ಲಾ ಪಾಜ್‌: ಬೊಲಿವಿಯಾ ಫುಟ್‌ಬಾಲ್‌ ಕ್ಲಬ್‌ ಅಧ್ಯಕ್ಷ ಸೇಸರ್‌ ಸಾಲಿನಾಸ್ (58) ಅವರುಕೋವಿಡ್‌–19 ಸೋಂಕಿನಿಂದ ಮೃತಪಟ್ಟಿದ್ದಾರೆ. ಅಲ್ಲಿಯ ಫುಟ್‌ಬಾಲ್‌ ಫೆಡರೇಷನ್‌ ಭಾನುವಾರ ಸಾಮಾಜಿಕ ಜಾಲತಾಣಗಳ ಮೂಲಕಈ ವಿಷಯವನ್ನು ತಿಳಿಸಿದೆ.
ಕೊರೊನಾ ಸೋಂಕು ದೃಢಪಟ್ಟಿದ್ದ ಸಾಲಿನಾಸ್ ಅವರನ್ನು ಚಿಕಿತ್ಸೆಗಾಗಿ ಲಾ ಪಾಜ್‌ನ ಖಾಸಗಿ ಕ್ಲಿನಿಕ್‌ಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಕೊನೆಯುಸಿರೆಳೆದಿದ್ದಾರೆ.
ಬೊಲಿವಿಯದ ಫುಟ್‌ಬಾಲ್‌ ಕ್ಲಬ್‌ ’ದ ಸ್ಟ್ರಾಂಗೆಸ್ಟ್‌‘ನ ಮಾಜಿ ಅಧ್ಯಕ್ಷರಾಗಿದ್ದ ಸಾಲಿನಾಸ್, ತರುವಾಯ 2018ರಲ್ಲಿ ರಾಷ್ಟ್ರೀಯ ಫೆಡರೇಷನ್‌ ಅಧ್ಯಕ್ಷ ಗಾದಿಗೆ ಏರಿದ್ದರು. ಆ ಮೂಲಕ ದಕ್ಷಿಣ ಅಮೆರಿಕಾ ಫುಟ್‌ಬಾಲ್‌ ಫೆಡರೇಷನ್‌ ’ಕಾನ್‌ಮೆಬಾಲ್‌‘ನ ಕಾರ್ಯಕಾರಿ ಸಮಿತಿಯಲ್ಲೂ ಸ್ಥಾನ ಪಡೆದಿದ್ದರು.
