ರಾಮನಗರ: ವಿಧಾನಸಭಾ ಚುನಾವಣೆ–2018ಕ್ಕೆ ಸಂಬಂಧಿಸಿದಂತೆ ಅಭ್ಯರ್ಥಿಗಳ ಚುನಾವಣಾ ವೆಚ್ಚದ ವಿವರ ನೀಡುವಂತೆ ಚುನಾವಣಾ ಅಧಿಕಾರಿಗಳು ಸೂಚಿಸಿದ್ದಾರೆ.
ಅಭ್ಯರ್ಥಿಗಳು ಖರ್ಚಿನ ಲೆಕ್ಕ ಪತ್ರಗಳನ್ನು ಅಫಿಡೆವಿಟ್ ಸಹಿತ ಅನುಬಂಧ 1 ರಿಂದ 9ರ ವರೆಗಿನ ಸಂಕ್ಷಿಪ್ತ ವಿವರವನ್ನು ತುಂಬಿ ಪೂರಕ ದಾಖಲೆಗಳೊಂದಿಗೆ ಉಪವಿಭಾಗಾಧಿಕಾರಿ ಕಚೇರಿಯಲ್ಲಿ ಚುನಾವಣಾ ಲೆಕ್ಕ ವೀಕ್ಷಕ, ಲೆಕ್ಕಸಿಬ್ಬಂದಿ ವಿಭಾಗಕ್ಕೆಇದೇ 30ರ ಒಳಗೆ ಹಾಜರು ಪಡಿಸಬೇಕು.
ನಿಗದಿತ ಅವಧಿಯೊಳಗೆ ದಾಖಲೆ ಸಲ್ಲಿಸದಿದ್ದಲ್ಲಿ ಮತ್ತು ತಪ್ಪು ಮಾಹಿತಿ ನೀಡಿದಲ್ಲಿ ಜನತಾ ಪ್ರಾತಿನಿಧ್ಯ ಕಾಯ್ದೆ 1951ರಡಿ ಕ್ರಮ ವಹಿಸಲು ಚುನಾವಣಾ ಆಯೋಗಕ್ಕೆ ವರದಿ ಸಲ್ಲಿಸಲಾಗುವುದು ಎಂದು ಚುನಾವಣಾಧಿಕಾರಿಗಳು ತಿಳಿಸಿದ್ದಾರೆ.
