ಎರಡೂ ತಂಡಗಳು 4–2–3–1ರ ವಿನ್ಯಾಸದಲ್ಲಿ ಅಂಗಣಕ್ಕೆ ಇಳಿದಿದ್ದವು. ಆದರೆ ಪುಣೆ ತಂಡದ ರಕ್ಷಣಾ ಪಡೆಯ ವೈಫಲ್ಯ 11ನೇ ನಿಮಿಷದಲ್ಲೇ ಜಾಹೀರಾಯಿತು.ಉದಾಂತ ಸಿಂಗ್, ದಿಮಾಸ್ ಡೆಲ್ಗಾಡೊ ಮತ್ತು ಹರ್ಮನ್ಜೋತ್ ಖಾಬ್ರಾ ಅವರು ಹೆಣೆದ ತಂತ್ರಗಳಿಗೆ ಎದುರಾಳಿ ತಂಡದ ಆಟಗಾರರು ಅವಾಕ್ಕಾದರು. ಪುಣೆ ಆಟಗಾರರ ಮಧ್ಯದಲ್ಲಿ ಚೆಂಡನ್ನು ಡ್ರಿಬಲ್ ಮಾಡುತ್ತ ಸಾಗಿದ ಉದಾಂತ ಮಿಂಚಿನ ವೇಗದಲ್ಲಿ ಗೋಲುಪೆಟ್ಟಿಗೆಯ ಒಳಗೆ ತೂರಿಬಿಟ್ಟರು. ಗ್ಯಾಲರಿಗಳಲ್ಲಿ ಮೆಕ್ಸಿಕನ್ ಅಲೆ ಎದ್ದಿತು.
