<p><strong>ಬೆಂಗಳೂರು:</strong> ಇಂಡಿಯನ್ ಸೂಪರ್ ಲೀಗ್ ಫುಟ್ಬಾಲ್ ಟೂರ್ನಿಯ ಪಾಯಿಂಟ್ ಪಟ್ಟಿಯ ಅಗ್ರಸ್ಥಾನದಲ್ಲಿರುವ ಮೋಹನ್ ಬಾಗನ್ ಹಾಗೂ ಆತಿಥೇಯ ಬೆಂಗಳೂರು ಫುಟ್ಬಾಲ್ ಕ್ಲಬ್ ತಂಡಗಳು ಶನಿವಾರ ನಡೆದ ಪಂದ್ಯದಲ್ಲಿ ಡ್ರಾ ಸಾಧಿಸಿದವು. </p>.<p>ಕಂಠೀರವ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಉಭಯ ತಂಡಗಳ ಆಟಗಾರರೂ ಜಿದ್ದಾಜಿದ್ದಿಯ ಪೈಪೋಟಿ ನಡೆಸಿದರು. ಆದರೆ ಪಂದ್ಯವು ಒಂದೂ ಗೋಲು ಇಲ್ಲದೇ ಡ್ರಾ ಆಯಿತು. </p>.<p>ಬಾಗನ್ ತಂಡವು ಇದುವರೆಗೆ ಆಡಿರುವ ಐದು ಪಂದ್ಯಗಳಲ್ಲಿ 4ರಲ್ಲಿ ಜಯಿಸಿ, 1ರಲ್ಲಿ ಡ್ರಾ ಮಾಡಿಕೊಂಡಿದೆ. 13 ಅಂಕಗಳನ್ನು ಗಳಿಸಿದೆ. ಬಿಎಫ್ಸಿ ತಂಡವು ಐದು ಪಂದ್ಯಗಳಲ್ಲಿ ಎರಡು ಗೆದ್ದು, ಎರಡರಲ್ಲಿ ಡ್ರಾ ಮತ್ತು ಒಂದರಲ್ಲಿ ಸೋತಿದೆ. ಒಟ್ಟು 8 ಅಂಕಗಳೊಂದಿಗೆ ಆರನೇ ಸ್ಥಾನದಲ್ಲಿದೆ. </p>.<p>ಈ ಪಂದ್ಯದಲ್ಲಿ ಚೆಂಡು ಬಾಗನ್ ತಂಡದ ನಿಯಂತ್ರಣದಲ್ಲಿಯೇ ಹೆಚ್ಚು ಹೊತ್ತು ಇತ್ತು. ಆದರೆ ಬಿಎಫ್ಸಿ ತಂಡವು ಐದು ಸಲ ಗುರಿಯತ್ತ ಚೆಂಡನ್ನು ಕಿಕ್ ಮಾಡಿದರೂ ಫಲ ಸಿಗಲಿಲ್ಲ. ಬಿಎಫ್ಸಿ ತಂಡವು 15 ಹಾಗೂ ಬಾಗನ್ 10 ಫೌಲ್ ಮಾಡಿತು. </p>.<p>ಉಭಯ ತಂಡಗಳಿಗೂ ಸೇರಿ ಒಟ್ಟು 7 ಕಾರ್ನರ್ಗಳು ಲಭಿಸಿದ್ದವು. ಆದರೆ ಇಬ್ಬರೂ ಗೋಲು ಗಳಿಸುವಲ್ಲಿ ಯಶಸ್ವಿಯಾಗಲಿಲ್ಲ. </p>.<p>ಡ್ರಾದಲ್ಲಿ ಕೇರಳ</p>.<p>ಕೋಲ್ಕತ್ತದ ಸಾಲ್ಟ್ ಲೇಕ್ ಕ್ರೀಡಾಂಗಣದಲ್ಲಿ ನಡೆದ ಇನ್ನೊಂದು ಪಂದ್ಯವೂ ಡ್ರಾ ಆಯಿತು. ಈಸ್ಟ್ ಬೆಂಗಾಲ್ ಮತ್ತು ಕೇರಳ ಬ್ಲಾಸ್ಟರ್ಸ್ 1–1ರಿಂದ ಡ್ರಾ ಸಾಧಿಸಿದವು. </p>.<p>10ನೇ ನಿಮಿಷದಲ್ಲಿ ಲಭಿಸಿದ ಪೆನಾಲ್ಟಿಯಲ್ಲಿ ಈಸ್ಟ್ ಬೆಂಗಾಲ್ ತಂಡದ ಯೂಸೂಫ್ ಇಝೇಜಾರಿ ಗೋಲು ಗಳಿಸಿದರು. </p>.<p>ಅಲ್ಲಿಂದ ಬೆಂಗಾಲ್ ತಂಡವು ಉತ್ತಮವಾಗಿ ಆಡಿ ಎದುರಾಳಿ ಗಳು ಗಳಿಸದಂತೆ ತಡೆದಿತ್ತು. ಆದರೆ ಇಂಜುರಿ ಸಮಯದಲ್ಲಿ ಕೇರಳದ ಮೊಹಮ್ಮದ್ ಅಜ್ಸಾಲ್ (90+2ನಿ) ಅವರು ಗೋಲು ಹೊಡೆದು ತಮ್ಮ ತಂಡದ ಸೋಲು ತಪ್ಪಿಸಿದರು. ಪಂದ್ಯ ಡ್ರಾ ಆಯಿತು.</p>.<p>ಈಸ್ಟ್ ಬೆಂಗಾಲ್ ತಂಡವು ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ. ಕೇರಳ 12ನೇ ಸ್ಥಾನದಲ್ಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಇಂಡಿಯನ್ ಸೂಪರ್ ಲೀಗ್ ಫುಟ್ಬಾಲ್ ಟೂರ್ನಿಯ ಪಾಯಿಂಟ್ ಪಟ್ಟಿಯ ಅಗ್ರಸ್ಥಾನದಲ್ಲಿರುವ ಮೋಹನ್ ಬಾಗನ್ ಹಾಗೂ ಆತಿಥೇಯ ಬೆಂಗಳೂರು ಫುಟ್ಬಾಲ್ ಕ್ಲಬ್ ತಂಡಗಳು ಶನಿವಾರ ನಡೆದ ಪಂದ್ಯದಲ್ಲಿ ಡ್ರಾ ಸಾಧಿಸಿದವು. </p>.<p>ಕಂಠೀರವ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಉಭಯ ತಂಡಗಳ ಆಟಗಾರರೂ ಜಿದ್ದಾಜಿದ್ದಿಯ ಪೈಪೋಟಿ ನಡೆಸಿದರು. ಆದರೆ ಪಂದ್ಯವು ಒಂದೂ ಗೋಲು ಇಲ್ಲದೇ ಡ್ರಾ ಆಯಿತು. </p>.<p>ಬಾಗನ್ ತಂಡವು ಇದುವರೆಗೆ ಆಡಿರುವ ಐದು ಪಂದ್ಯಗಳಲ್ಲಿ 4ರಲ್ಲಿ ಜಯಿಸಿ, 1ರಲ್ಲಿ ಡ್ರಾ ಮಾಡಿಕೊಂಡಿದೆ. 13 ಅಂಕಗಳನ್ನು ಗಳಿಸಿದೆ. ಬಿಎಫ್ಸಿ ತಂಡವು ಐದು ಪಂದ್ಯಗಳಲ್ಲಿ ಎರಡು ಗೆದ್ದು, ಎರಡರಲ್ಲಿ ಡ್ರಾ ಮತ್ತು ಒಂದರಲ್ಲಿ ಸೋತಿದೆ. ಒಟ್ಟು 8 ಅಂಕಗಳೊಂದಿಗೆ ಆರನೇ ಸ್ಥಾನದಲ್ಲಿದೆ. </p>.<p>ಈ ಪಂದ್ಯದಲ್ಲಿ ಚೆಂಡು ಬಾಗನ್ ತಂಡದ ನಿಯಂತ್ರಣದಲ್ಲಿಯೇ ಹೆಚ್ಚು ಹೊತ್ತು ಇತ್ತು. ಆದರೆ ಬಿಎಫ್ಸಿ ತಂಡವು ಐದು ಸಲ ಗುರಿಯತ್ತ ಚೆಂಡನ್ನು ಕಿಕ್ ಮಾಡಿದರೂ ಫಲ ಸಿಗಲಿಲ್ಲ. ಬಿಎಫ್ಸಿ ತಂಡವು 15 ಹಾಗೂ ಬಾಗನ್ 10 ಫೌಲ್ ಮಾಡಿತು. </p>.<p>ಉಭಯ ತಂಡಗಳಿಗೂ ಸೇರಿ ಒಟ್ಟು 7 ಕಾರ್ನರ್ಗಳು ಲಭಿಸಿದ್ದವು. ಆದರೆ ಇಬ್ಬರೂ ಗೋಲು ಗಳಿಸುವಲ್ಲಿ ಯಶಸ್ವಿಯಾಗಲಿಲ್ಲ. </p>.<p>ಡ್ರಾದಲ್ಲಿ ಕೇರಳ</p>.<p>ಕೋಲ್ಕತ್ತದ ಸಾಲ್ಟ್ ಲೇಕ್ ಕ್ರೀಡಾಂಗಣದಲ್ಲಿ ನಡೆದ ಇನ್ನೊಂದು ಪಂದ್ಯವೂ ಡ್ರಾ ಆಯಿತು. ಈಸ್ಟ್ ಬೆಂಗಾಲ್ ಮತ್ತು ಕೇರಳ ಬ್ಲಾಸ್ಟರ್ಸ್ 1–1ರಿಂದ ಡ್ರಾ ಸಾಧಿಸಿದವು. </p>.<p>10ನೇ ನಿಮಿಷದಲ್ಲಿ ಲಭಿಸಿದ ಪೆನಾಲ್ಟಿಯಲ್ಲಿ ಈಸ್ಟ್ ಬೆಂಗಾಲ್ ತಂಡದ ಯೂಸೂಫ್ ಇಝೇಜಾರಿ ಗೋಲು ಗಳಿಸಿದರು. </p>.<p>ಅಲ್ಲಿಂದ ಬೆಂಗಾಲ್ ತಂಡವು ಉತ್ತಮವಾಗಿ ಆಡಿ ಎದುರಾಳಿ ಗಳು ಗಳಿಸದಂತೆ ತಡೆದಿತ್ತು. ಆದರೆ ಇಂಜುರಿ ಸಮಯದಲ್ಲಿ ಕೇರಳದ ಮೊಹಮ್ಮದ್ ಅಜ್ಸಾಲ್ (90+2ನಿ) ಅವರು ಗೋಲು ಹೊಡೆದು ತಮ್ಮ ತಂಡದ ಸೋಲು ತಪ್ಪಿಸಿದರು. ಪಂದ್ಯ ಡ್ರಾ ಆಯಿತು.</p>.<p>ಈಸ್ಟ್ ಬೆಂಗಾಲ್ ತಂಡವು ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ. ಕೇರಳ 12ನೇ ಸ್ಥಾನದಲ್ಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
