ಪಣಜಿ: ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ ಬಾಲ್ ಫ್ರ್ಯಾಂಚೈಸ್ ಎಸ್ಸಿ ಈಸ್ಟ್ ಬೆಂಗಾಲ್, ಶುಕ್ರವಾರ ನೈಜಿರೀಯಾದ ಯುವ ಆಟಗಾರ ಬ್ರೈಟ್ ಎನೊಬಕರೆ ಅವರನ್ನು ತಂಡಕ್ಕೆ ಸೇರಿಸಿಕೊಂಡಿದೆ.
22 ವರ್ಷದ ಬ್ರೈಟ್, ಈ ಹಿಂದೆ ಗ್ರೀಕ್ ಕ್ಲಬ್ ಎಇಕೆ ಅಥೆನ್ಸ್, ವೊಲ್ವರ್ ಹ್ಯಾಂಪ್ಟನ್ ತಂಡದ ಪರ ಆಡಿದ್ದಾರೆ.
‘ಬ್ರೈಟ್ ಜೊತೆ ಒಪ್ಪಂದ ಮಾಡಿ ಕೊಂಡಿದ್ದು ಖುಷಿಯ ಸಂಗತಿ. ನಾನು ಅವರೊಂದಿಗೆ ಚರ್ಚೆ ನಡೆಸಿದ್ದು, ತಂಡದ ಯಶಸ್ಸಿಗೆ ಅನುಸರಿಬೇಕಾದ ವಿಷಯಗಳನ್ನು ಹಂಚಿಕೊಂಡಿದ್ದೇನೆ‘ ಎಂದು ಕೋಚ್ ರಾಬಿ ಹೇಳಿದ್ದಾರೆ.