ಫುಟ್‌ಬಾಲ್‌: ಭಾರತಕ್ಕೆ ಸೋಲು

7

ಫುಟ್‌ಬಾಲ್‌: ಭಾರತಕ್ಕೆ ಸೋಲು

Published:
Updated:

ನವದೆಹಲಿ: ಲಭಿಸಿದ ಅವಕಾಶಗಳನ್ನು ಕೈಚೆಲ್ಲಿದ ಭಾರತದ 16 ವರ್ಷದೊಳಗಿನವರ ಫುಟ್‌ಬಾಲ್ ತಂಡವು ಸೋಮವಾರ ಆತಿಥೇಯ ಮಲೇಷ್ಯಾ ಎದುರು ಶರಣಾಯಿತು.

ಕ್ವಾಲಾಲಂಪುರದಲ್ಲಿ ನಡೆದ ಸೌಹಾರ್ದ ಪಂದ್ಯದಲ್ಲಿ  ಮಲೇಷ್ಯಾ ತಂಡವು 3–0 ಗೋಲುಗಳಿಂದ ಭಾರತ ತಂಡವನ್ನು ಮಣಿಸಿತು. 26ನೇ ನಿಮಿಷದಲ್ಲಿ ಆತಿಥೇಯ ತಂಡದ ಮೊಹಮ್ಮದ್‌ ನಜಮುದೀನ್‌ ಗೋಲು ದಾಖಲಿಸಿ ತಂಡ 1–0 ಮುನ್ನಡೆ ಸಾಧಿಸಲು ನೆರವಾದರು. 

ದ್ವಿತೀಯಾರ್ಧದಲ್ಲಿ ಭಾರತ ತಂಡಕ್ಕೆ ಗೋಲು ಗಳಿಸುವ ಸಾಕಷ್ಟು ಅವಕಾಶಗಳಿದ್ದವು. 55ನೇ ನಿಮಿಷದಲ್ಲಿ ಸಿಕ್ಕ ಫ್ರೀ ಕಿಕ್‌ ಅವಕಾಶವನ್ನು ಬಳಸಿಕೊಳ್ಳುವಲ್ಲಿ ಬೇಕೆ ವಿಫಲವಾದರು. ಮೂರು ನಿಮಿಷಗಳ ನಂತರ ಬೇಕೆ ಅವರು ಚೆಂಡನ್ನು ಡ್ರಿಬಲ್‌ ಮಾಡುತ್ತ ಗುರಿಯತ್ತ ಮುನ್ನುಗ್ಗಿದರು. ಆದರೆ, ಚೆಂಡು ಗುರಿ ಸೇರಲಿಲ್ಲ. 

ವಿಕ್ರಮ್‌ ಅವರು ಗೋಲುಪೆಟ್ಟಿಗೆತ್ತ ಒದ್ದ ಚೆಂಡನ್ನು ಮಲೇಷ್ಯಾದ ಗೋಲ್‌ಕೀಪರ್‌ ತಡೆದರು. 88ನೇ ನಿಮಿಷದಲ್ಲಿ ಮಲೇಷ್ಯಾ ಎರಡನೇ ಗೋಲು ಗಳಿಸಿತು. 92ನೇ ನಿಮಿಷದಲ್ಲಿ ಮೂರನೇ ಗೋಲು ದಾಖಲಿಸಿದ ಈ ತಂಡ ಗೆಲುವಿನ ಅಂತರ ಹೆಚ್ಚಿಸಿಕೊಂಡಿತು.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !