ಮೆಸ್ಸಿ ಪಂದ್ಯದ ಮೊದಲ ಅರ್ಧಗಂಟೆಯಲ್ಲಿ ಶಾಂತಚಿತ್ತ ಹಾಗೂ ತಾಳ್ಮೆಯಿಂದ ಆಡಿದರು. 34ನೇ ನಿಮಿಷದಲ್ಲಿ ಅವರು ತಮ್ಮನ್ನು ಸುತ್ತುವರಿದ ಆಸ್ಟ್ರೇಲಿಯಾದ ರಕ್ಷಣಾ ಪಡೆಯನ್ನು ತಪ್ಪಿಸಿ ಇನ್ಸೈಡ್ ಭಾಗದತ್ತ ಪಾಸ್ ಕೊಟ್ಟರು. ಅಲ್ಲಿದ್ದ ನಿಕೊಲಾಸ್ ಒಟಾಮೆಂಡಿ ಚೆಂಡನ್ನು ಮತ್ತೆ ಓಡುತ್ತಿದ್ದ ಮೆಸ್ಸಿಗೆ ಪಾಸ್ ಕೊಟ್ಟರು. ತಮ್ಮ ಮುಂದಿದ್ದ ಆಸ್ಟ್ರೇಲಿಯಾದ ಎತ್ತರಕಾಯದ ಹ್ಯಾರಿ ಸೌಟರ್ ಅವರನ್ನು ವಂಚಿಸಿದ ಮೆಸ್ಸಿ ಚೆಂಡನ್ನು ಗುರಿ ಸೇರಿಸಿದರು.