ಗುರುವಾರ , ಡಿಸೆಂಬರ್ 3, 2020
19 °C

ಮೆಕ್ಸಿಕೊ ತಂಡಕ್ಕೆ ಜಯ

ಎಎಫ್‌ಪಿ Updated:

ಅಕ್ಷರ ಗಾತ್ರ : | |

ರೊಸ್ತೋವ್‌ ಆನ್‌ ಡಾನ್‌, ರಷ್ಯಾ: ಇಲ್ಲಿನ ರೊಸ್ತೋವ್‌ ಅರೆನಾದಲ್ಲಿ ಕೊರಿಯಾ ರಿಪಬ್ಲಿಕ್ ವಿರುದ್ಧ ನಡೆದ ಪಂದ್ಯದಲ್ಲಿ ಮೆಕ್ಸಿಕೊ ತಂಡ 2–1ರಿಂದ ಜಯಿಸುವ ಮೂಲಕ ಪ್ರೀ ಕ್ವಾರ್ಟರ್ ಹಂತಕ್ಕೆ ತಲುಪಿದೆ. 

‘ಎಫ್‌’ ಗುಂಪಿನ ಈ ಪಂದ್ಯದ ಆರಂಭದಿಂದಲೂ ಮೆಕ್ಸಿಕೊ ತಂಡವು ಬಿರುಸಿನ ಆಟ ಆಡಿತು. 26ನೇ ನಿಮಿಷದಲ್ಲಿ ಮೆಕ್ಸಿಕೊ ತಂಡಕ್ಕೆ ಪೆನಾಲ್ಟಿ ಸಿಕ್ಕಿತು. ಈ ಅವಕಾಶವನ್ನು ಸದುಪಯೋಗಪಡಿಸಿಕೊಂಡ ಕಾರ್ಲೋಸ್‌ ವೆಲಾ ಅವರು ತಂಡಕ್ಕೆ ಮುನ್ನಡೆ ತಂದುಕೊಟ್ಟರು. ನಂತರ ಕೊರಿಯಾ ರಿಪಬ್ಲಿಕ್‌ ತಂಡಕ್ಕೆ ಅನೇಕ ಬಾರಿ ಗೊಲು ಗಳಿಸುವ ಅವಕಾಶ ಸಿಕ್ಕಿತ್ತು. ಆದರೆ, ಮೆಕ್ಸಿಕೊ ತಂಡದ ರಕ್ಷಣಾ ವಿಭಾಗದ ಆಟಗಾರರು ಆ ಅವಕಾಶಗಳನ್ನು ವಿಫಲಗೊಳಿಸಿದರು. 

ಪಂದ್ಯದ ದ್ವಿತೀಯಾರ್ಧದಲ್ಲಿ ಮೆಕ್ಸಿಕೊ ತಂಡದ ಕ್ಸೇವಿಯರ್‌ ಹರ್ನಾಂಡೆಜ್ ಅವರು ಗೋಲು ದಾಖಲಿಸಿ (66ನೇ ನಿ.) ತಂಡದ ಮುನ್ನಡೆಯನ್ನು ಹೆಚ್ಚಿಸಿದರು. 

ಮೆಕ್ಸಿಕೊ ತಂಡದ ಚುರುಕಿನ ಆಟದಿಂದಾಗಿ ಕೊರಿಯಾ ರಿಪಬ್ಲಿಕ್‌ಗೆ ನಿಗದಿತ ಸಮಯದಲ್ಲಿ ಗೊಲು ಗಳಿಸಲು ಸಾಧ್ಯವಾಗಲಿಲ್ಲ. ಆದರೆ, 93ನೇ ನಿಮಿಷದಲ್ಲಿ ಆ ತಂಡದ ಸನ್‌ ಹುಂಗ್‌ ಮಿನ್‌ ಅವರು ಚೆಂಡನ್ನು ಗೋಲು ಪೆಟ್ಟಿಗೆಯೊಳಗೆ ತೂರಿಸಿ ಮುನ್ನಡೆಯನ್ನು ತಗ್ಗಿಸಿದರು. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು