ರೊನಾಲ್ಡೊ ‘701’

Last Updated 20 ಅಕ್ಟೋಬರ್ 2019, 15:41 IST

ಅಕ್ಷರ ಗಾತ್ರ

ಮಿಲಾನ್‌: ಪೋರ್ಚುಗಲ್‌ನ ಫುಟ್‌ಬಾಲ್‌ ತಾರೆ ಕ್ರಿಸ್ಟಿಯಾನೊ ರೊನಾಲ್ಡೊ, ಶನಿವಾರ ರಾತ್ರಿ ವೃತ್ತಿಬದುಕಿನಲ್ಲಿ 701 ಗೋಲುಗಳನ್ನು ಗಳಿಸಿದ ಸಾಧನೆ ಮಾಡಿದರು.

ಸೀರಿ ‘ಎ’ ಫುಟ್‌ಬಾಲ್‌ ಲೀಗ್‌ನ ಬೊಲೊಗ್ನಾ ಎದುರಿನ ಪಂದ್ಯದಲ್ಲಿ ಯುವೆಂಟಸ್‌ ಪರ ಕಣಕ್ಕಿಳಿದಿದ್ದ ಅವರು 19ನೇ ನಿಮಿಷದಲ್ಲಿ ಕಾಲ್ಚಳಕ ತೋರಿದರು.

ಈ ಹಣಾಹಣಿಯಲ್ಲಿ 2–1 ಗೋಲುಗಳಿಂದ ಗೆದ್ದ ಯುವೆಂಟಸ್‌ ಪಾಯಿಂಟ್ಸ್‌ ಪಟ್ಟಿಯಲ್ಲಿ ಅಗ್ರಸ್ಥಾನವನ್ನು ಇನ್ನಷ್ಟು ಭದ್ರಪಡಿಸಿಕೊಂಡಿತು.

ಪಂದ್ಯದ ಆರಂಭದಿಂದಲೇ ಆಕ್ರಮಣಕಾರಿ ಆಟಕ್ಕೆ ಅಣಿಯಾದ ಯುವೆಂಟಸ್‌ಗೆ 34 ವರ್ಷ ವಯಸ್ಸಿನ ರೊನಾಲ್ಡೊ ಮುನ್ನಡೆ ತಂದುಕೊಟ್ಟರು.

26ನೇ ನಿಮಿಷದಲ್ಲಿ ಬೊಲೊಗ್ನ ತಂಡದ ಡ್ಯಾನಿಲೊ ಅವರು ಗೋಲು ಬಾರಿಸಿ 1–1 ಸಮಬಲಕ್ಕೆ ಕಾರಣರಾದರು.

54ನೇ ನಿಮಿಷದಲ್ಲಿ ಚೆಂಡನ್ನು ಗುರಿ ಮುಟ್ಟಿಸಿದ ಮಿರಾಲೆಮ್‌ ಪಜಾನಿಕ್‌, ಯುವೆಂಟಸ್‌ ತಂಡದ ಸಂಭ್ರಮಕ್ಕೆ ಕಾರಣರಾದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.