7

ಇಂಗ್ಲೆಂಡ್‌ ತಂಡದ ಸಾಧನೆ ಅಪೂರ್ವ: ವೇಯ್ನ್‌ ರೂನಿ

Published:
Updated:
ವೇಯ್ನ್‌ ರೂನಿ

ವಾಷಿಂಗ್ಟನ್‌: ‘ಈ ಬಾರಿಯ ವಿಶ್ವಕಪ್‌ ಟೂರ್ನಿಯಲ್ಲಿ ಇಂಗ್ಲೆಂಡ್‌ ತಂಡವು ಅಪೂರ್ವವಾದ ಸಾಧನೆ ಮಾಡಿದೆ’ ಎಂದು ಇಂಗ್ಲೆಂಡ್‌ನ ಹಿರಿಯ ಫುಟ್‌ಬಾಲ್‌ ಆಟಗಾರ ವೇಯ್ನ್‌ ರೂನಿ ಹೇಳಿದ್ದಾರೆ. 

ಇಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು, ‘ವಿಶ್ವಕಪ್‌ನಂತಹ ಮಹತ್ವದ ಟೂರ್ನಿಯಲ್ಲಿ ಹೇಗೆ ಆಡಬೇಕು ಎಂಬುದನ್ನು ಜಗತ್ತಿಗೆ ತೋರಿಸಿಕೊಟ್ಟಿದೆ ಇಂಗ್ಲೆಂಡ್‌ ತಂಡ. ಇಲ್ಲಿಯವರೆಗೂ ತಂಡವು ಅತ್ಯುತ್ತಮವಾಗಿ ಆಡಿ ಸೆಮಿಫೈನಲ್‌ ಪ್ರವೇಶಿಸಿದೆ. ಇದೇ ರೀತಿ ಸ್ಥಿರ ಸಾಮರ್ಥ್ಯ ತೋರಿದರೆ ವಿಶ್ವಕಪ್‌ ಗೆಲ್ಲುವ ವಿಶ್ವಾಸವಿದೆ’ ಎಂದು ಹೇಳಿದ್ದಾರೆ. 

‘ತಂಡ ಆಡಿರುವ ಪ್ರತಿ ಪಂದ್ಯವನ್ನು ನೋಡಿದ್ದೇನೆ. ಆಟಗಾರರ ಸಾಮರ್ಥ್ಯ ಹಾಗೂ ಹೋರಾಟ ಖುಷಿ ತಂದಿದೆ. ಸೆಮಿಫೈನಲ್‌ ಪಂದ್ಯದಲ್ಲಿ ತಂಡಕ್ಕೆ ಯಶಸ್ಸು ಸಿಗಲಿ ಎಂದು ಆಶಿಸುತ್ತೇನೆ’ ಎಂದು ಅವರು ತಿಳಿಸಿದ್ದಾರೆ. 

ಇಂಗ್ಲೆಂಡ್‌ ಫುಟ್‌ಬಾಲ್‌ ಜಗತ್ತಿನ ಶ್ರೇಷ್ಠ ಆಟಗಾರ ಎಂಬ ಹೆಗ್ಗಳಿಕೆ ಹೊಂದಿರುವ ರೂನಿ ಅವರು ಅನೇಕ ವರ್ಷಗಳ ಕಾಲ ಪ್ರತಿಷ್ಠಿತ ಮ್ಯಾಂಚೆಸ್ಟರ್‌ ಯುನೈಟೆಡ್‌ ಕ್ಲಬ್‌ನಲ್ಲಿ ಆಡಿದ್ದರು. ಇಂಗ್ಲೆಂಡ್‌ ತಂಡ ಹಾಗೂ ಮ್ಯಾಂಚೆಸ್ಟರ್‌ ಯುನೈಟೆಡ್‌ ಕ್ಲಬ್‌ ಪರವಾಗಿ ಹೆಚ್ಚು ಗೋಲು ಗಳಿಸಿರುವ ದಾಖಲೆ ಕೂಡ ಇವರ ಹೆಸರಲ್ಲಿದೆ. 

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !