ಬುಧವಾರ, ಫೆಬ್ರವರಿ 19, 2020
29 °C
ರಾಷ್ಟ್ರೀಯ ಮಹಿಳಾ ಲೀಗ್‌ ಫುಟ್‌ಬಾಲ್‌

ಬರೋಡಾ ಎಫ್‌ಸಿ ಜಯಭೇರಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ಆಟದ ಎಲ್ಲಾ ವಿಭಾಗಗಳಲ್ಲಿ ಆಧಿಪತ್ಯ ಸಾಧಿಸಿದ ಬರೋಡಾ ಎಫ್‌ಸಿ ತಂಡ ರಾಷ್ಟ್ರೀಯ ಮಹಿಳಾ ಫುಟ್‌ಬಾಲ್‌ ಲೀಗ್‌ನ ಪಂದ್ಯದಲ್ಲಿ ಗೆದ್ದಿದೆ.

ಅಶೋಕನಗರದಲ್ಲಿರುವ ಬೆಂಗಳೂರು ಫುಟ್‌ಬಾಲ್‌ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ‘ಎ’ ಗುಂಪಿನ ಪೈ‍ಪೋಟಿಯಲ್ಲಿ ಬರೋಡಾ ಎಫ್‌ಸಿ 4–0 ಗೋಲುಗಳಿಂದ ಕ್ರಿಪ್‌ಶಾ ಎಫ್‌ಸಿ ತಂಡವನ್ನು ಸೋಲಿಸಿತು.

ಮೊದಲಾರ್ಧದಲ್ಲಿ ಉಭಯ ತಂಡಗಳು ಸಮಬಲದಿಂದ ಸೆಣಸಿದವು. ವಿರಾಮದ ನಂತರ ಬರೋಡಾ ತಂಡ ಮೇಲುಗೈ ಸಾಧಿಸಿತು. ಅಸೆಮ್‌ ರೋಜಾ ದೇವಿ 57ನೇ ನಿಮಿಷದಲ್ಲಿ ತಂಡದ ಖಾತೆ ತೆರೆದರು. 77ನೇ ನಿಮಿಷದಲ್ಲಿ ಅಂಜು ತಮಂಗ್‌ ಗೋಲು ಬಾರಿಸಿ 2–0 ಮುನ್ನಡೆಗೆ ಕಾರಣರಾದರು.

80ನೇ ನಿಮಿಷದಲ್ಲಿ ಲಭಿಸಿದ ಪೆನಾಲ್ಟಿ ಅವಕಾಶದಲ್ಲಿ ರತನ್‌ಬಾಲಾ ದೇವಿ ಚೆಂಡನ್ನು ಗುರಿ ಮುಟ್ಟಿಸಿದರು. ಹೆಚ್ಚುವರಿ ಅವಧಿಯಲ್ಲಿ (90+2) ರಂಜನಾ ಚಾನು ಗೋಲು ಹೊಡೆದು ಗೆಲುವಿನ ಅಂತರ ಹೆಚ್ಚಿಸಿದರು.

‘ಬಿ’ ಗುಂಪಿನ ಹಣಾಹಣಿಯಲ್ಲಿ ಕೆಂಕ್ರೆ ಎಫ್‌ಸಿ 3–1 ಗೋಲುಗಳಿಂದ ಬಿದೇಶ್‌ ಇಲೆವನ್‌ ಸ್ಪೋರ್ಟ್ಸ್‌ ಕ್ಲಬ್‌ ತಂಡವನ್ನು ಪರಾಭವಗೊಳಿಸಿತು.

ಕೆಂಕ್ರೆ ತಂಡದ ಸೌಮ್ಯಾ ಗುಗುಲೊತ್‌ (18ನೇ ನಿ.), ಜ್ಯೋತಿ (54) ಮತ್ತು ಪೂಜಾ ಕರ್ಮಾಕರ್‌ (89) ಅವರು ಗೋಲು ಬಾರಿಸಿದರು. ಬಿದೇಶ್‌ ತಂಡದ ಮಾಕ್ರೆನಾ ದಿಯಾಸ್‌ 90+3ನೇ ನಿಮಿಷದಲ್ಲಿ ಗೋಲು ದಾಖಲಿಸಿ ಸೋಲಿನ ಅಂತರ ತಗ್ಗಿಸಲಷ್ಟೇ ಶಕ್ತರಾದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು