<p><strong>ಬೆಂಗಳೂರು</strong>: ಕರ್ನಾಟಕದ ಬಾಲಕಿಯರು ಗುಜರಾತ್ನ ಗಾಂಧಿಗ್ರಾಮದಲ್ಲಿ ನಡೆಯುತ್ತಿರುವ 87ನೇ ಸಬ್ ಜೂನಿಯರ್ ಮತ್ತು ಕೆಡೆಟ್ ರಾಷ್ಟ್ರೀಯ ಟೇಬಲ್ ಟೆನಿಸ್ ಚಾಂಪಿಯನ್ಷಿಪ್ನಲ್ಲಿ ಬುಧವಾರ 4 ಕಂಚಿನ ಪದಕಗಳನ್ನು ಗೆದ್ದರು. ಉದಯೋನ್ಮುಖ ಆಟಗಾರ್ತಿ ತನಿಷ್ಕಾ ಕಪಿಲ್ ಕಾಲಭೈರವ ಅವರು ಕಂಚು ಟ್ರಿಪಲ್ ಸಾಧಿಸಿದರು.</p>.<p>ರಾಜ್ಯ ಬಾಲಕಿಯರ ತಂಡವು 15 ವರ್ಷದೊಳಗಿನವರ ಟೀಮ್ ವಿಭಾಗದ ಸೆಮಿಫೈನಲ್ನಲ್ಲಿ 1–3ರಿಂದ ಮಹಾರಾಷ್ಟ್ರ ಎದುರು ಪರಾಭವಗೊಂಡಿತು. ಸ್ಪರ್ಧೆಯ ಮೊದಲ ಸಿಂಗಲ್ಸ್ ಪಂದ್ಯದಲ್ಲಿ ಕರ್ನಾಟಕದ ರಾಶಿ ವಿ. ರಾವ್ ಅವರು 0–3ರಿಂದ ನೈಶಾ ಎದುರು ಸೋತರು. ಸಿಂಗಲ್ಸ್ ಎರಡನೇ ಪಂದ್ಯದಲ್ಲಿ ರಾಜ್ಯದ ತನಿಷ್ಕಾ ಕಪಿಲ್ ಕಾಲಭೈರವ ಅವರು 3–0ಯಿಂದ ಮಿರಾ ವಿರುದ್ಧ ಗೆದ್ದು ಸಮಬಲ ತಂದುಕೊಟ್ಟರು. ಡಬಲ್ಸ್ ಪಂದ್ಯದಲ್ಲಿ ರಾಶಿ ಮತ್ತು ತನಿಷ್ಕಾ ಜೋಡಿಯು 0–3ರಿಂದ ನೈಶಾ–ಮಿರಾ ಜೋಡಿಗೆ ಮಣಿಯಿತು. ರಿವರ್ಸ್ ಸಿಂಗಲ್ಸ್ನಲ್ಲಿ ತನಿಷ್ಕಾ 1–3ರಿಂದ ನೈಶಾ ಎದುರು ನಿರಾಶೆ ಅನುಭವಿಸಿದರು.</p>.<p>ತನಿಷ್ಕಾ ಅವರು 15 ವರ್ಷದೊಳಗಿನ ಬಾಲಕಿಯರ ವಿಭಾಗದಲ್ಲಿ ಕಂಚು ಜಯಿಸಿ, ಚಾಂಪಿಯನ್ಷಿಪ್ನಲ್ಲಿ ಎರಡನೇ ಪದಕ ತಮ್ಮದಾಗಿಸಿಕೊಂಡರು. ನಾಲ್ಕರ ಘಟ್ಟದಲ್ಲಿ ಅವರು 0–3ರಿಂದ (11–9, 11–6, 11–5) ಬಂಗಾಳದ ಅಂಕೊಲಿಕಾ ಚಕ್ರವರ್ತಿ ಎದುರು ನೇೆರ ಸೆಟ್ಗಳಲ್ಲಿ ಮಣಿದರು.</p>.<p>15 ವರ್ಷದೊಳಗಿನ ಬಾಲಕಿಯರ ಡಬಲ್ಸ್ನಲ್ಲಿ ರಾಶಿ ಮತ್ತು ತನಿಷ್ಕಾ ಅವರು ಸೆಮಿಫೈನಲ್ನಲ್ಲಿ ಪರಾಭವಗೊಂಡರು. ಬಂಗಾಳದ ಅಂಕೊಲಿಕಾ– ಅಹೋನಾ ರಾಯ್ ಅವರು 3–0ಯಿಂದ ಕರ್ನಾಟಕದ ಜೋಡಿಯನ್ನು ಹಿಮ್ಮಟ್ಟಿಸಿದರು.</p>.<p>13 ವರ್ಷದೊಳಗಿನ ಬಾಲಕಿಯರ ಸಿಂಗಲ್ಸ್ ಸೆಮಿಫೈನಲ್ನಲ್ಲಿ ರಾಜ್ಯದ ಸಾಕ್ಷ್ಯಾ ಸಂತೋಷ್ ಅವರು ತೀವ್ರ ಹೋರಾಟ ತೋರಿದರಾದರೂ, 2–3ರಿಂದ ಆದ್ಯಾ ಎದುರು ಪರಾಭವಗೊಂಡರು. ಹೀಗಾಗಿ, ಸಾಕ್ಷ್ಯಾ ಕಂಚಿಗೆ ಸಮಾಧಾನಪಟ್ಟುಕೊಳ್ಳಬೇಕಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಕರ್ನಾಟಕದ ಬಾಲಕಿಯರು ಗುಜರಾತ್ನ ಗಾಂಧಿಗ್ರಾಮದಲ್ಲಿ ನಡೆಯುತ್ತಿರುವ 87ನೇ ಸಬ್ ಜೂನಿಯರ್ ಮತ್ತು ಕೆಡೆಟ್ ರಾಷ್ಟ್ರೀಯ ಟೇಬಲ್ ಟೆನಿಸ್ ಚಾಂಪಿಯನ್ಷಿಪ್ನಲ್ಲಿ ಬುಧವಾರ 4 ಕಂಚಿನ ಪದಕಗಳನ್ನು ಗೆದ್ದರು. ಉದಯೋನ್ಮುಖ ಆಟಗಾರ್ತಿ ತನಿಷ್ಕಾ ಕಪಿಲ್ ಕಾಲಭೈರವ ಅವರು ಕಂಚು ಟ್ರಿಪಲ್ ಸಾಧಿಸಿದರು.</p>.<p>ರಾಜ್ಯ ಬಾಲಕಿಯರ ತಂಡವು 15 ವರ್ಷದೊಳಗಿನವರ ಟೀಮ್ ವಿಭಾಗದ ಸೆಮಿಫೈನಲ್ನಲ್ಲಿ 1–3ರಿಂದ ಮಹಾರಾಷ್ಟ್ರ ಎದುರು ಪರಾಭವಗೊಂಡಿತು. ಸ್ಪರ್ಧೆಯ ಮೊದಲ ಸಿಂಗಲ್ಸ್ ಪಂದ್ಯದಲ್ಲಿ ಕರ್ನಾಟಕದ ರಾಶಿ ವಿ. ರಾವ್ ಅವರು 0–3ರಿಂದ ನೈಶಾ ಎದುರು ಸೋತರು. ಸಿಂಗಲ್ಸ್ ಎರಡನೇ ಪಂದ್ಯದಲ್ಲಿ ರಾಜ್ಯದ ತನಿಷ್ಕಾ ಕಪಿಲ್ ಕಾಲಭೈರವ ಅವರು 3–0ಯಿಂದ ಮಿರಾ ವಿರುದ್ಧ ಗೆದ್ದು ಸಮಬಲ ತಂದುಕೊಟ್ಟರು. ಡಬಲ್ಸ್ ಪಂದ್ಯದಲ್ಲಿ ರಾಶಿ ಮತ್ತು ತನಿಷ್ಕಾ ಜೋಡಿಯು 0–3ರಿಂದ ನೈಶಾ–ಮಿರಾ ಜೋಡಿಗೆ ಮಣಿಯಿತು. ರಿವರ್ಸ್ ಸಿಂಗಲ್ಸ್ನಲ್ಲಿ ತನಿಷ್ಕಾ 1–3ರಿಂದ ನೈಶಾ ಎದುರು ನಿರಾಶೆ ಅನುಭವಿಸಿದರು.</p>.<p>ತನಿಷ್ಕಾ ಅವರು 15 ವರ್ಷದೊಳಗಿನ ಬಾಲಕಿಯರ ವಿಭಾಗದಲ್ಲಿ ಕಂಚು ಜಯಿಸಿ, ಚಾಂಪಿಯನ್ಷಿಪ್ನಲ್ಲಿ ಎರಡನೇ ಪದಕ ತಮ್ಮದಾಗಿಸಿಕೊಂಡರು. ನಾಲ್ಕರ ಘಟ್ಟದಲ್ಲಿ ಅವರು 0–3ರಿಂದ (11–9, 11–6, 11–5) ಬಂಗಾಳದ ಅಂಕೊಲಿಕಾ ಚಕ್ರವರ್ತಿ ಎದುರು ನೇೆರ ಸೆಟ್ಗಳಲ್ಲಿ ಮಣಿದರು.</p>.<p>15 ವರ್ಷದೊಳಗಿನ ಬಾಲಕಿಯರ ಡಬಲ್ಸ್ನಲ್ಲಿ ರಾಶಿ ಮತ್ತು ತನಿಷ್ಕಾ ಅವರು ಸೆಮಿಫೈನಲ್ನಲ್ಲಿ ಪರಾಭವಗೊಂಡರು. ಬಂಗಾಳದ ಅಂಕೊಲಿಕಾ– ಅಹೋನಾ ರಾಯ್ ಅವರು 3–0ಯಿಂದ ಕರ್ನಾಟಕದ ಜೋಡಿಯನ್ನು ಹಿಮ್ಮಟ್ಟಿಸಿದರು.</p>.<p>13 ವರ್ಷದೊಳಗಿನ ಬಾಲಕಿಯರ ಸಿಂಗಲ್ಸ್ ಸೆಮಿಫೈನಲ್ನಲ್ಲಿ ರಾಜ್ಯದ ಸಾಕ್ಷ್ಯಾ ಸಂತೋಷ್ ಅವರು ತೀವ್ರ ಹೋರಾಟ ತೋರಿದರಾದರೂ, 2–3ರಿಂದ ಆದ್ಯಾ ಎದುರು ಪರಾಭವಗೊಂಡರು. ಹೀಗಾಗಿ, ಸಾಕ್ಷ್ಯಾ ಕಂಚಿಗೆ ಸಮಾಧಾನಪಟ್ಟುಕೊಳ್ಳಬೇಕಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
