ಬ್ಯಾಸ್ಕೆಟ್‌ಬಾಲ್‌ ಎಚ್‌ಪಿಸಿಗೆ ಚಾಲನೆ

ಬೆಂಗಳೂರು : ಉದಯೋನ್ಮುಖರನ್ನು ಗುರುತಿಸಿ ಉತ್ತಮ ಆಟಗಾರರನ್ನಾಗಿ ಸಜ್ಜುಗೊಳಿಸುವ ಗುರಿಯನ್ನಿಟ್ಟುಕೊಂಡು ವಸತಿ ಸಹಿತ ಉನ್ನತ ಸಾಧನಾ ಕೇಂದ್ರಕ್ಕೆ (ಹೈ ಪರ್ಫಾಮೆನ್ಸ್ ಸೆಂಟರ್) ಬುಧವಾರ ಇಲ್ಲಿನ ಸರ್ಜಾಪುರ ರಸ್ತೆಯ ಲಕ್ಷ್ಯನ್ ಅಕಾಡೆಮಿಯಲ್ಲಿ ಚಾಲನೆ ನೀಡಲಾಯಿತು.

. ಭಾರತ ಬ್ಯಾಸ್ಕೆಟ್ಬಾಲ್ ಫೆಡರೇಷನ್ ಮತ್ತು ಎಸಿಜಿ ಸ್ಪೋರ್ಟ್ಸ್ ಪ್ರೈವೇಟ್ ಲಿಮಿಟೆಡ್ ಈ ಕೇಂದ್ರವನ್ನು ಜಂಟಿಯಾಗಿ ಆರಂಭಿಸಿವೆ. ಮೊದಲ ಇಂಡಿಯಾ ಬ್ಯಾಸ್ಕೆಟ್ಬಾಲ್ ಲೀಗ್ಗೆ ಪೂರ್ವಭಾವಿಯಾಗಿ ಈ ಕೇಂದ್ರ ಆರಂಭವಾಗಿದೆ.

. ಇಲ್ಲಿ ಫಿಭಾ ಗುಣಮಟ್ಟದ ಮೂರು ಅಂಕಣಗಳನ್ನು ನಿರ್ಮಿಸಲಾಗಿದೆ. ಸ್ಟ್ರೆಂಥ್ ಅಂಡ್ ಕಂಡಿಷನಿಂಗ್ ಜಿಮ್ ಸಹ ಇದೆ. ವಿಶ್ವ ದರ್ಜೆಯ 25 ಮೀಟರ್ ಈಜು ಕೊಳವೂ ಇದೆ.

. ‘ವರ್ಷಗಳ ದೂರದೃಷ್ಟಿಯ ಫಲವಾಗಿ ಇಂಡಿಯಾ ಬ್ಯಾಸ್ಕೆಟ್ಬಾಲ್ ಲೀಗ್ ಈಗ ಸಾಕಾರಗೊಳ್ಳುವ ಹಂತಕ್ಕೆ ಬಂದಿದೆ. ರಾಷ್ಟ್ರೀಯ ಮಟ್ಟದಲ್ಲಿ ತಾರಾ ವರ್ಚಸ್ಸಿನ ಆಟಗಾರರನ್ನು ಕಂಡುಕೊಳ್ಳಲು ಮತ್ತು ಬ್ಯಾಸ್ಕೆಟ್ಬಾಲ್ ಸಂಸ್ಕೃತಿಯನ್ನು ಪಸರಿಸಲು ಇದು ನೆರವಾಗಲಿದೆ’ ಎಂದು ಬಿಎಫ್ಐ ಅಧ್ಯಕ್ಷ ಆಧವ್ ಅರ್ಜುನ ಈ ಸಂದರ್ಭದಲ್ಲಿ ತಿಳಿಸಿದರು.

. ‘ಬ್ಯಾಸ್ಕೆಟ್ಬಾಲ್, ಒಲಿಂಪಿಕ್ ಕ್ರೀಡೆಯಾಗಿದೆ. ನಮ್ಮ ಪ್ರಯತ್ನವು ಈ ನಿಟ್ಟಿನಲ್ಲಿ ಹೆಚ್ಚಿನ ಅರ್ಥ ನೀಡಲಿದೆ. ಆರು ತಿಂಗಳಲ್ಲಿ ಉನ್ನತ ಸಾಧನಾ ಕೇಂದ್ರವು (ಎಚ್ಪಿಸಿ) ಪೂರ್ಣಪ್ರಮಾಣದಲ್ಲಿ ಕಾರ್ಯೋನ್ಮುಖವಾಗಲಿದೆ. ಮುಂದಿನ ವರ್ಷ ಲೀಗ್ ಆರಂಭವಾಗಲಿದೆ’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬ್ಯಾಸ್ಕೆಟ್‌ಬಾಲ್‌ ಎಚ್‌ಪಿಸಿಗೆ ಚಾಲನೆ

ಚಿನಕುರುಳಿ: ಬುಧವಾರ, 12 ನವೆಂಬರ್ 2025

ಚುರುಮುರಿ: ನಾಯಿ ನೀತಿ

ಮಾಲೂರು ವಿಧಾನಸಭಾ ಕ್ಷೇತ್ರ: ಫಲಿತಾಂಶ ಯಥಾಸ್ಥಿತಿ?

ದಿನ ಭವಿಷ್ಯ: ಅನವಶ್ಯಕ ಆಲೋಚನೆಗಳಿಂದ ಅನಾರೋಗ್ಯ

ಭಾರತ ಮಹಿಳಾ ತಂಡದ ಬ್ಯಾಟರ್‌ ಶಫಾಲಿಗೆ ಹರಿಯಾಣ ಸರ್ಕಾರದ ಗೌರವ