ಕ್ಯಾಂಡಿಡೇಟ್ಸ್ ಟೂರ್ನಿ‌: ಖಚಿತವಾಗದ ಕೋನೇರು ಹಂಪಿ ಪಾಲ್ಗೊಳ್ಳುವಿಕೆ

ನವದೆಹಲಿ : ಭಾರತದ ಗ್ರ್ಯಾಂಡ್ಮಾಸ್ಟರ್ ಕೋನೇರು ಹಂಪಿ ಅವರು ಸೈಪ್ರಸ್ನಲ್ಲಿ ಈ ತಿಂಗಳ ಕೊನೆಯಲ್ಲಿ ಆರಂಭವಾಗುವ ಪ್ರತಿಷ್ಠಿತ ಕ್ಯಾಂಡಿಡೇಟ್ಸ್ ಟೂರ್ನಿಯಲ್ಲಿ ಆಡುವುದಕ್ಕೆ ಸಂಬಂಧಿಸಿ ಅಂತಿಮ ನಿರ್ಧಾರ ಇನ್ನೂ ಕೈಗೊಂಡಿಲ್ಲ.

. ಪಶ್ಚಿಮ ಏಷ್ಯಾದ ಸಂಘರ್ಷದ ಪರಿಣಾಮ ಸೈಪಸ್ನಲ್ಲಿ ಸುರಕ್ಷತಾ ಸ್ಥಿತಿಯ ಬಗ್ಗೆ ಅವರು ಕಳವಳ ವ್ಯಕ್ತಪಡಿಸಿದ್ದಾರೆ.

. ಕ್ಯಾಂಡಿಡೇಟ್ಸ್ ಟೂರ್ನಿಯ ಓಪನ್ ವಿಭಾಗದಲ್ಲಿ ವಿಜೇತನಾಗುವ ಆಟಗಾರ, ವಿಶ್ವ ಚಾಂಪಿಯನ್ ಡಿ.ಗುಕೇಶ್ ಅವರಿಗೆ ಸವಾಲು ಹಾಕುವ ಅರ್ಹತೆ ಪಡೆಯುತ್ತಾರೆ. ಮಹಿಳಾ ವಿಭಾಗದಲ್ಲಿ ಕಿರೀಟ ಧರಿಸುವ ಆಟಗಾರ್ತಿ, ಹಾಲಿ ವಿಶ್ವ ಚಾಂಪಿಯನ್ ಜು ವೆಂಜುನ್ ಅವರಿಗೆ ಚಾಲೆಂಜರ್ ಆಗಲಿದ್ದಾರೆ.

. ‘ನನ್ನೊಬ್ಬಳಿಂದ ಯಾವ ಬದಲಾವಣೆಯೂ ಸಾಧ್ಯವಾಗಲಿಕ್ಕಿಲ್ಲ ಎಂಬ ಅರಿವು ಇದೆ. ನಾನು ಆಡುತ್ತೇನೆಯೇ ಇಲ್ಲವೇ ಎಂಬುದಕ್ಕಿಂತ ಮುಖ್ಯವಾಗಿ, ಮನಸ್ಸಿನಲ್ಲಿರುವ ಅಭಿಪ್ರಾಯವನ್ನು ಪ್ರಾಮಾಣಿಕವಾಗಿ ವ್ಯಕ್ತಪಡಿಸುವುದು ಮುಖ್ಯ’ ಎಂದು ಅವರು ಬುಧವಾರ ಎಕ್ಸ್ನಲ್ಲಿ ಪೋಸ್ಟ್ ಮಾಡಿದ್ದಾರೆ.

. ‘ನನಗೆ ಬೆಂಬಲ ಸೂಚಿಸಿದವರಿಗೆ ನಾನು ಕೃತಜ್ಞ. ಪರಿಸ್ಥಿತಿಯ ಸೂಕ್ಷ್ಮತೆ ಅರ್ಥ ಮಾಡಿಕೊಳ್ಳದಿರುವವರಿಗೆ ಹೇಳಲು ಏನೂ ಇಲ್ಲ’ ಎಂದಿದ್ದಾರೆ

. ಸೈಪ್ರಸ್ಗೆ ಹೋಗಲು ಹಿಂಜರಿಕೆಯಿದ್ದು, ಟೂರ್ನಿಯಿಂದ ಹಿಂದೆಸರಿಯುವ ಬಗ್ಗೆ ಪರಿಶೀಲನೆ ನಡೆಸುತ್ತಿರುವುದಾಗಿ ಈ ಮೊದಲು ಹಂಪಿ ಹೇಳಿದ್ದರು. ಹಂಪಿ ಅವರು ಎರಡು ಬಾರಿಯ ವಿಶ್ವ ರ್ಯಾಪಿಡ್ ಚಾಂಪಿಯನ್ ಆಗಿದ್ದಾರೆ.

. ಆದರೆ ತಾಣ ಬದಲಾವಣೆ ಸಾಧ್ಯತೆ ತಿರಸ್ಕರಿಸಿರುವ ಫಿಡೆ ಸಿಇಒ ಎಮಿಲ್ ಸುತೊವ್ಸ್ಕಿ ಅವರು ‘ಅಲ್ಲಿ (ಸೈಪ್ರಸ್ನಲ್ಲಿ) ಅಪಾಯದ ಸಾಧ್ಯತೆ ತೀರಾ ಕಡಿಮೆ. ನಾವು ಪರಿಸ್ಥಿತಿಯನ್ನು ಅವಲೋಕಿಸುತ್ತಿದ್ದೇವೆ’ ಎಂದು ಹೇಳಿದ್ದರು.

. ಕೊಲ್ಲಿ ರಾಷ್ಟ್ರಗಳಲ್ಲಿ ಅಮೆರಿಕ ನೆಲೆಗಳ ಮೇಲೆ ಇರಾನ್ ಕ್ಷಿಪಣಿ ದಾಳಿಗಳನ್ನು ನಡೆಸುತ್ತಿರುವ ಕಾರಣ ಆ ದೇಶಗಳಲ್ಲಿ ವಾಯಪ್ರದೇಶದಲ್ಲಿ ವಿಮಾನಸಂಚಾರ ನಿರ್ಬಂಧ ಇದೆ.

. ಮೆಡಿಟರೇನಿಯನ್ ದ್ವೀಪದ ಮೂರನೇ ಅತಿ ದೊಡ್ಡ ದ್ವೀಪವಾದ ಸೈಪ್ರಸ್, ಟರ್ಕಿಯ ದಕ್ಷಿಣದಲ್ಲಿದೆ. ಯುರೋಪಿಯನ್ ಒಕ್ಕೂಟದ ಸದಸ್ಯ ರಾಷ್ಟ್ರವಾಗಿದೆ.

. ಮಹಿಳಾ ವಿಭಾಗದಲ್ಲಿ ಹಂಪಿ ಜೊತೆ ದಿವ್ಯಾ ದೇಶಮುಖ್, ಆರ್.ವೈಶಾಲಿ ಮತ್ತು ಓಪನ್ ವಿಭಾಗದಲ್ಲಿ ಆರ್.ಪ್ರಜ್ಞಾನಂದ ಅವರು ಕ್ಯಾಂಡಿಡೇಟ್ಸ್ ಟೂರ್ನಿಯಲ್ಲಿ ಆಡುವ ಅರ್ಹತೆ ಗಳಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕ್ಯಾಂಡಿಡೇಟ್ಸ್ ಟೂರ್ನಿ‌: ಖಚಿತವಾಗದ ಕೋನೇರು ಹಂಪಿ ಪಾಲ್ಗೊಳ್ಳುವಿಕೆ

ಚಿನಕುರುಳಿ ಕಾರ್ಟೂನು: ಶನಿವಾರ, 18 ಏಪ್ರಿಲ್ 2026

ಸುದ್ದಿ ಗುದ್ದು: ತಿಂಗಳೇಶ– 2026 ಏಪ್ರಿಲ್‌ 18 ಶನಿವಾರ

ಚುರುಮುರಿ | ಮಾಸ ಸಿಲಿಂಡರ್‌ ವ್ರತ!

ಸಂವಿಧಾನ ತಿದ್ದುಪಡಿ ಮಸೂದೆಗೆ ಲೋಕಸಭೆಯಲ್ಲಿ ಸೋಲು: NDA ನಡೆಗೆ ‘ಇಂಡಿಯಾ’ ಬೇಲಿ

IPL 2026: ಅಭಿಷೇಕ್–ಕ್ಲಾಸೆನ್ ಫಿಫ್ಟಿ: ಚೆನ್ನೈ ಗೆಲುವಿಗೆ 195 ರನ್ ಗುರಿ

IPL 2026: ಆರ್‌ಸಿಬಿ ಎದುರು ಗೆದ್ದು ಬೀಗಿದ ಡೆಲ್ಲಿ ಕ್ಯಾಪಿಟಲ್ಸ್

ಟೇಬಲ್ ಟೆನಿಸ್‌ ಚಾಂಪಿಯನ್‌ಷಿಪ್ಸ್‌: ತನಿಷ್ಕಾ– ಹಿಮಾಂಶಿಗೆ ಪ್ರಶಸ್ತಿ

IPL 2026: ಎಸ್‌ಆರ್‌ಎಚ್‌ಗೆ ಜೆರಾಲ್ಡ್‌ ಕೊಯೆಟ್ಜಿ

ಒಳನೋಟ: ಗಿಗ್‌ ಕಾರ್ಮಿಕರದ್ದು ಬಗೆದಷ್ಟೂ ಬವಣೆ

ಒಳನೋಟ: ಬದುಕು ನುಂಗಿದ ಕೊಪ್ಪಳದ ಕರಿದೂಳು– ಇದು ವಾಯುಮಾಲಿನ್ಯದ ಆಘಾತಕಾರಿ ಅವಾಂತರ!

ಒಳನೋಟ: ಕುದುರೆಮುಖ ರಾಷ್ಟ್ರೀಯ ಉದ್ಯಾನದ ಕಾಡಂಚಿನ ಜನರ ನಿತ್ಯ ರೋದನ

ಒಳನೋಟ: ಸಾಯುತ್ತಿರುವ ಜೀವ ನದಿಗಳು!

ಚಿನಕುರುಳಿ ಕಾರ್ಟೂನು: ಶನಿವಾರ, 18 ಏಪ್ರಿಲ್ 2026

ಸುದ್ದಿ ಗುದ್ದು: ತಿಂಗಳೇಶ– 2026 ಏಪ್ರಿಲ್‌ 18 ಶನಿವಾರ

ಚುರುಮುರಿ | ಮಾಸ ಸಿಲಿಂಡರ್‌ ವ್ರತ!

ಸಂವಿಧಾನ ತಿದ್ದುಪಡಿ ಮಸೂದೆಗೆ ಲೋಕಸಭೆಯಲ್ಲಿ ಸೋಲು: NDA ನಡೆಗೆ ‘ಇಂಡಿಯಾ’ ಬೇಲಿ