ನಾರ್ವೆ ಚೆಸ್‌: ಕೊನೆಯ ಸ್ಥಾನಕ್ಕಿಳಿದ ಗುಕೇಶ್

ಓಸ್ಲೊ: ವಿಶ್ವದ ಅಗ್ರಮಾನ್ಯ ಆಟಗಾರ ಮ್ಯಾಗ್ನಸ್ ಕಾರ್ಲ್ಸನ್ ಅವರು ನಾರ್ವೆ ಚೆಸ್ ಟೂರ್ನಿಯ ನಾಲ್ಕನೇ ಸುತ್ತಿನಲ್ಲಿ ಹಾಲಿ ವಿಶ್ವ ಚಾಂಪಿಯನ್ ಡಿ.ಗುಕೇಶ್ ಅವರ ಮೇಲೆ ಅಮೋಘ ಜಯಗಳಿಸಿದರು. ಈ ಸೋಲಿನೊಡನೆ ಗುಕೇಶ್ ಆರು ಆಟಗಾರರ ಟೂರ್ನಿಯಲ್ಲಿ ಗುರುವಾರ ಕೊನೆಯ ಸ್ಥಾನಕ್ಕೆ ಸರಿದರು.

. ಭಾರತದ ಇನ್ನೊಬ್ಬ ಆಟಗಾರ ಆರ್.ಪ್ರಜ್ಞಾನಂದ ಅವರು ಜರ್ಮನಿಯ ವಿನ್ಸೆಂಟ್ ಕೀಮರ್ ಅವರನ್ನು ‘ಆರ್ಮ್ಗೆಡನ್’ನಲ್ಲಿ (ಟೈಬ್ರೇಕರ್) ಸೋಲಿಸಿ ಎರಡನೇ ಸ್ಥಾನದಲ್ಲಿ ಮುಂದುವರಿದಿದ್ದಾರೆ. ಅವರು ಆರು ಪಾಯಿಂಟ್ ಗಳಿಸಿದ್ದಾರೆ.

. ಅಲಿರೇಝಾ ಫಿರೋಝ್ಜಾ ಅವರು ಅಮೆರಿಕದ ವೆಸ್ಲಿ ಸೊ ಅವರಿಗೆ ‘ಆರ್ಮ್ಗೆಡನ್’ನಲ್ಲಿ ಸೋತರೂ ಅಗ್ರಸ್ಥಾನದಲ್ಲೇ ಮುಂದುವರಿದಿದ್ದಾರೆ. ಇರಾನ್ ಸಂಜಾತ ಫ್ರಾನ್ಸ್ ಆಟಗಾರ ಎಂಟೂವರೆ ಅಂಕ ಕಲೆಹಾಕಿದ್ದಾರೆ. ವೆಸ್ಲಿ ಸೊ 5.5 ಪಾಯಿಂಟ್ಸ್, ಕಾರ್ಲ್ಸನ್ 4.5 ಪಾಯಿಂಟ್ಸ್ ಹಾಗೂ ಕೀಮರ್ 4 ಪಾಯಿಂಟ್ಸ್ ಸಂಗ್ರಹಿಸಿದ್ದಾರೆ. ಗುಕೇಶ್ 3.3 ಪಾಯಿಂಟ್ಸ್ ಗಳಿಸಿದ್ದಾರೆ.

. ತವರಿನ ಈ ಟೂರ್ನಿಯಲ್ಲಿ ಏಳು ಬಾರಿ ಚಾಂಪಿಯನ್ ಆಗಿರುವ ಕಾರ್ಲ್ಸನ್ ನಿಧಾನಗತಿಯ ಆರಂಭದ ಬಳಿಕ ಚೇತರಿಸಿಕೊಂಡಿದ್ದು ನಾಲ್ಕನೇ ಸ್ಥಾನಕ್ಕೇರಿದರು.

. ಸತತ ಸೋಲಿನಿಂದ ಕುಗ್ಗಿರುವ ಗುಕೇಶ್, ಸಭಾಂಗಣದ ಬದಿಯ ದ್ವಾರದಿಂದ ಹೊರನಡೆದರು. ಅವರ ಹಸ್ತಾಕ್ಷರಕ್ಕಾಗಿ ಕಾಯುತ್ತಿದ್ದ ಯುವ ಅಭಿಮಾನಿಗಳಿಗೆ ನಿರಾಶೆಯಾಯಿತು. ಗುಕೇಶ್ ಗುರುವಾರ 20ನೇ ವರ್ಷಕ್ಕೆ ಕಾಲಿಟ್ಟರು. ಟೂರ್ನಿಗೆ ಶುಕ್ರವಾರ ವಿಶ್ರಾಂತಿ ದಿನವಾಗಿತ್ತು.

. ‘ಮೊದಲ ಮೂರು ದಿನ ಕೆಟ್ಟದಾಗಿ ಆಡಿದ ಬಳಿಕ ಸುಧಾರಿಸಿಕೊಳ್ಳಲು ಕಾಲಾವಕಾಶ ಕಡಿಮೆಯಿತ್ತು. ಗುರುವಾರ ನನಗೆ ಅಂಥ ನಿರೀಕ್ಷೆಗಳೇನೂ ಇರಲಿಲ್ಲ. ಆದರೆ ಓಪನಿಂಗ್ನಲ್ಲಿ ಆಡಿದ ರೀತಿಯಿಂದ ಖುಷಿಯಾಗಿದೆ’ ಎಂದು ಕಾರ್ಲ್ಸನ್ ಪಂದ್ಯದ ನಂತರ ಪ್ರತಿಕ್ರಿಯಿಸಿದರು. ಹಿಂದಿನ ಪಂದ್ಯಗಳ ವೇಳೆ ಮಾಡಿದಂತೆ ಈ ಬಾರಿ ಕಾರ್ಲ್ಸನ್ ಟೇಬಲ್ ಗುದ್ದಲಿಲ್ಲ. ಮೇಲುಗೈ ಪಡೆದ ನಂತರ ಅಚ್ಚುಕಟ್ಟಾಗಿ ಆಡಿ ಗೆಲುವನ್ನಾಗಿ ಪರಿವರ್ತಿಸಿದರು.

. ಕೀಮರ್ಗೆ ‘ಆರ್ಮ್ಗೆಡನ್’ ದುಃಸ್ವಪ್ನದಂತೆ ಕಾಡುತ್ತಿದೆ. ಅವರು ನಾಲ್ಕು ಸತತ ಆರ್ಮ್ಗೆಡನ್ನಲ್ಲೂ ಸೋತಿದ್ದಾರೆ.

. ದಿವ್ಯಾಗೆ ನಿರಾಸೆ: ಮಹಿಳೆಯರ ವಿಭಾಗದಲ್ಲಿ ಈ ಹಿಂದಿನ ಮೂರು ಸುತ್ತುಗಳನ್ನು ಆರ್ಮ್ಗಡೆನ್ನಲ್ಲಿ ಗೆದ್ದಿದ್ದ ದಿವ್ಯಾ ದೇಶಮುಖ್, ಈ ಬಾರಿ ಹಾಲಿ ಚಾಂಪಿಯನ್ ಅನ್ನಾ ಮುಝಿಚುಕ್ (ಉಕ್ರೇನ್, 5.5) ವಿರುದ್ಧ ಅದೇ ಹಂತದಲ್ಲಿ ಸೋಲನುಭವಿಸಿದರು. ವಿಶ್ವಕಪ್ ಚಾಂಪಿಯನ್ ಆಟಗಾರ್ತಿ 5.5 ಪಾಯಿಂಟ್ಸ್ ಕಲೆಹಾಕಿದ್ದು ಇತರ ಇಬ್ಬರೊಂದಿಗೆ ಎರಡನೇ ಸ್ಥಾನ ಹಂಚಿಕೊಂಡಿದ್ದಾರೆ.

. ಕಜಾಕಸ್ತಾನದ ಬಿಬಿಸಾರ ಅಸೌಬಯೇವಾ (7 ಪಾಯಿಂಟ್ಸ್) ಅಗ್ರಸ್ಥಾನದಲ್ಲಿದ್ದಾರೆ. ಅವರು ವಿಶ್ವ ಚಾಂಪಿಯನ್ ಚೀನಾದ ಜು ವೆನ್ಜುನ್ (4) ಅವರನ್ನು ಟೈಬ್ರೇಕರ್ನಲ್ಲಿ ಸೋಲಿಸಿದರು.

. ಹಂಪಿ (3) ಅವರ ಪರದಾಟ ಮುಂದುವರಿಯಿತು. ಅವರು ಈ ಬಾರಿ ಚೀನಾದ ಝು ಜಿನೆರ್ (5.5) ಅವರಿಗೆ ಸೋತರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಾರ್ವೆ ಚೆಸ್‌: ಕೊನೆಯ ಸ್ಥಾನಕ್ಕಿಳಿದ ಗುಕೇಶ್

ಚಿನಕುರುಳಿ ಕಾರ್ಟೂನು: ಸೋಮವಾರ, 15 ಜೂನ್‌ 2026

ಸುದ್ದಿ ಗುದ್ದು | ತಿಂಗಳೇಶ: ಸೋಮವಾರ, ಜೂನ್ 15, 2026

ತ್ರಿಕೋನ ಸರಣಿ: ಸೂಪರ್‌ ಓವರ್‌ನಲ್ಲಿ ಸೋತ ಭಾರತ ‘ಎ’; ಫೈನಲ್ ಹಾದಿ ಮತ್ತಷ್ಟು ಕಠಿಣ

ಚುರುಮುರಿ: ದೇಹ ನವೀಕರಣ!

ಸೂಪರ್ ಓವರ್‌ನಲ್ಲಿ ಗೆದ್ದ ಲಂಕಾ ಎ

ನೇಷನ್ಸ್‌ ಕಪ್‌: ಭಾರತ ಶುಭಾರಂಭ

ದೋಹಾ ಡೈಮಂಡ್‌ ಲೀಗ್‌: ನೀರಜ್‌ ಕಣಕ್ಕೆ

ತ್ರಿಕೋನ ಸರಣಿ: ಸೂಪರ್‌ ಓವರ್‌ನಲ್ಲಿ ಸೋತ ಭಾರತ ‘ಎ’; ಫೈನಲ್ ಹಾದಿ ಮತ್ತಷ್ಟು ಕಠಿಣ

ಒಳನೋಟ| ಮಾವು ಬೆಳೆದವರ ನೋವು: ಬೆಳೆಯೂ ಇಲ್ಲ, ಬೆಲೆಯೂ ಇಲ್ಲ,ವೆಚ್ಚವೂ ಸಿಗುತ್ತಿಲ್ಲ

ಒಳನೋಟ: ಜೈಲಿಗೆ ಬೇಕು ಸುಧಾರಣೆ

ಒಳನೋಟ| ಹಕ್ಕಿಲ್ಲದ ಹಕ್ಕಿಪಿಕ್ಕಿಗಳು: ಉತ್ತರ ಕರ್ನಾಟಕದಲ್ಲಿ ಇವರ ಸ್ಥಿತಿ ಶೋಚನೀಯ

ಒಳನೋಟ: ಪುರಾತತ್ವ ತಾಣ ಅನಾಥ, ಹಾಳು ಸುರಿಯುವ ಸ್ಮಾರಕಗಳು

ಚಿನಕುರುಳಿ ಕಾರ್ಟೂನು: ಸೋಮವಾರ, 15 ಜೂನ್‌ 2026

ಸುದ್ದಿ ಗುದ್ದು | ತಿಂಗಳೇಶ: ಸೋಮವಾರ, ಜೂನ್ 15, 2026

ತ್ರಿಕೋನ ಸರಣಿ: ಸೂಪರ್‌ ಓವರ್‌ನಲ್ಲಿ ಸೋತ ಭಾರತ ‘ಎ’; ಫೈನಲ್ ಹಾದಿ ಮತ್ತಷ್ಟು ಕಠಿಣ

ಚುರುಮುರಿ: ದೇಹ ನವೀಕರಣ!