ಬ್ಯಾಡ್ಮಿಂಟನ್‌ಗೆ ವಿದಾಯ ಹೇಳಿದ ವಿಕ್ಟರ್ ಆಕ್ಸೆಲ್ಸನ್

ಕೋಪೆನ್ಹೇಗನ್: ಎರಡು ಬಾರಿಯ ಒಲಿಂಪಿಕ್ ಸ್ವರ್ಣ ವಿಜೇತ, ಡೆನ್ಮಾರ್ಕ್ನ ಬ್ಯಾಡ್ಮಿಂಟನ್ ದಿಗ್ಗಜ ವಿಕ್ಟರ್ ಆಕ್ಸೆಲ್ಸನ್ ಅವರು ಕ್ರೀಡಾಬದುಕಿಗೆ ನಿವೃತ್ತಿ ಪ್ರಕಟಿಸಿದ್ದಾರೆ. ಬೆನ್ನು ನೋವಿನಿಂದಾಗಿ ಇನ್ನು ಮುಂದೆ ಉನ್ನತ ಮಟ್ಟದ ಸ್ಪರ್ಧೆಯಲ್ಲಿ ತೊಡಗಿಕೊಳ್ಳಲು ತಮ್ಮಿಂದ ಸಾಧ್ಯವಾಗುವುದಿಲ್ಲ ಎಂದು ಹೇಳಿದ್ದಾರೆ.

. ಆಕ್ಸೆಲ್ಸನ್ ಅವರು 2021ರ ಟೋಕಿಯೊ ಮತ್ತು 2024ರ ಪ್ಯಾರಿಸ್ ಒಲಿಂಪಿಕ್ಸ್ನಲ್ಲಿ ಸಿಂಗಲ್ಸ್ ಚಾಂಪಿಯನ್ ಆಗಿದ್ದರು. 2016ರ ರಿಯೊ ಒಲಿಂಪಿಕ್ಸ್ನಲ್ಲಿ ಅವರು ಕಂಚಿನ ಪದಕ ಗೆದ್ದಿದ್ದರು. ವರ್ಷದ ಹಿಂದೆ ಅವರು ಬೆನ್ನು ನೋವಿಗೆ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಆದರೆ ದೈಹಿಕ ಸಮಸ್ಯೆಗಳಿಂದ ಹೊರಬರಲು ಆಗಿರಲಿಲ್ಲ.

. ‘ಈ ಸ್ಥಿತಿಯನ್ನು ಒಪ್ಪಿಕೊಳ್ಳುವುದು ಕಡುಕಷ್ಟ. ಆದರೆ ಆಟದಲ್ಲಿ ಇನ್ನು ಮುಂದುವರಿಯಲು ನನ್ನ ದೇಹ ಅವಕಾಶ ಕೊಡುತ್ತಿಲ್ಲ’ ಎಂದು 32 ವರ್ಷ ವಯಸ್ಸಿನ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

. ಒಲಿಂಪಿಕ್ ಪದಕಗಳ ಜೊತೆಗೆ ಅವರು ಎರಡು ಬಾರಿ (2017, 2022) ವಿಶ್ವ ಚಾಂಪಿಯನ್ ಆಗಿದ್ದಾರೆ. ಅವರು ಸತತ 100 ವಾರ ವಿಶ್ವದ ಅಗ್ರಮಾನ್ಯ ಸಿಂಗಲ್ಸ್ ಆಟಗಾರನಾಗಿದ್ದರು. ಮಲೇಷ್ಯಾದ ಮಹಾನ್ ಆಟಗಾರ ಲೀ ಚೊಂಗ್–ವೀ ಮಾತ್ರ ಅವರಿಗಿಂತ ಹೆಚ್ಚು ಸಮಯ ಅಗ್ರ ಪಟ್ಟದಲ್ಲಿದ್ದರು.

. ಆರು ಅಡಿ ನಾಲ್ಕು ಇಂಚು ಎತ್ತರದ ಆ್ಯಕ್ಸೆಲ್ಸನ್, ನೀಳಕಾಯದ ಲಾಭಪಡೆದು ದೀರ್ಘ ‘ರೀಚ್’ ಹೊಂದಿದ್ದರು.

. ‘ನಾನೇನು ಕನಸು ಕಂಡಿದ್ದೆನೊ, ಅದಕ್ಕಿಂತ ಹೆಚ್ಚಿನದನ್ನು ಸಾಧಿಸಿದ ತೃಪ್ತಿಯಿದೆ’ ಎಂದು ಹಿಂದೊಮ್ಮೆ ಅವರು ಹೇಳಿದ್ದರು.

. ಮಂದಾರಿನ್ ಭಾಷೆಯನ್ನು ಸರಾಗವಾಗಿ ಮಾತನಾಡುತ್ತಿದ್ದ ಅವರು ಚೀನಾದಲ್ಲೂ ಜನಪ್ರಿಯ. ಮಂದಾರಿನ್ ಚೀನಾದ ಪ್ರಮುಖ ಭಾಷೆಯಾಗಿದೆ.

. ಸಾಮಾಜಿಕ ಜಾಲತಾಣದಲ್ಲಿ ಅವರ ಬಗ್ಗೆ ಮೆಚ್ಚುಗೆಯ ಮಹಾಪೂರ ಹರಿದುಬಂದಿದೆ. ‘ನೈಜ ದಂತಕತೆ ಬ್ಯಾಡ್ಮಿಂಟನ್ಗೆ ವಿದಾಯ ಹೇಳಿದ್ದಾರೆ’ ಎಂದು ನೆಟ್ಟಿಗರೊಬ್ಬರು ಬರೆದಿದ್ದಾರೆ.

. ‘ಅವರು ಅಂಕಣದಲ್ಲಷ್ಟೇ ರಾಜನಾಗಿ ಮೆರೆಯಲಿಲ್ಲ. ಅವರು ತಮ್ಮ ವಿನೀತ ಮತ್ತು ಸ್ನೇಹದ ಮನೋಭಾವದಿಂದ ಅಸಂಖ್ಯಾತ ಹೃದಯಗಳನ್ನು ಗೆದ್ದಿದ್ದಾರೆ’ ಎಂದು ಇನ್ನೊಬ್ಬರು ಪ್ರತಿಕ್ರಿಯಿಸಿದ್ದಾರೆ.

. ಒಂದೂ ಗೇಮ್ ಬಿಟ್ಟುಕೊಡದೇ ಅವರು ಟೋಕಿಯೊದಲ್ಲಿ (2021) ಚಿನ್ನ ಗೆದ್ದಿದ್ದರು. ಚೀನಾದ ಚೆನ್ ಲಾಂಗ್ ಅವರನ್ನು ಫೈನಲ್ನಲ್ಲಿ ಸೋಲಿಸಿ 1996ರ ನಂತರ ಒಲಿಂಪಿಕ್ಸ್ ಬ್ಯಾಡ್ಮಿಂಟನ್ ಚಿನ್ನ ಗೆದ್ದ ಏಷ್ಯಾ ಖಂಡದ ಹೊರಗಿನ ಮೊದಲ ಆಟಗಾರ ಎನಿಸಿದ್ದರು.

. ಚೆನ್ ವಿರುದ್ಧ ಗೆಲುವಿನ ಪಾಯಿಂಟ್ ಬಂದಾಗ ಅವರು ಭಾವೊದ್ವೇಗಕ್ಕೆ ಒಳಗಾಗಿದ್ದರು. ನಂತರ ಸುಧಾರಿಸಿಕೊಂಡು ಡೆನ್ಮಾರ್ಕ್ನ ರಾಜಕುಮಾರ ಫ್ರೆಡ್ರಿಕ್ ಅವರ ಕರೆ ಸ್ವೀಕರಿಸಿದ್ದರು.

. ನಾಲ್ಕು ವರ್ಷಗಳ ನಂತರ ಪ್ಯಾರಿಸ್ನಲ್ಲಿ ಅವರು ತಮ್ಮ ಹೀರೊ ಲಿನ್ ಡಾನ್ ಅವರನ್ನು ಸೋಲಿಸಿ ಸತತ ಒಲಿಂಪಿಕ್ಸ್ಗಳಲ್ಲಿ ಚಿನ್ನ ಜಯಿಸಿದ್ದರು. ಆದರೆ ನಂತರ ಅವರಿಗೆ ಗಾಯದ ಸಮಸ್ಯೆಗಳು ಕಾಡತೊಡಗಿದವು.

. ವರ್ಷಾಂತ್ಯದ ಬಿಡಬ್ಲ್ಯುಎಫ್ ವಿಶ್ವ ಟೂರ್ ಫೈನಲ್ಸ್ನಲ್ಲಿ ಸತತ ಮೂರು ಬಾರಿ (2021 ರಿಂದ 2023) ಚಾಂಪಿಯನ್ ಆಗಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬ್ಯಾಡ್ಮಿಂಟನ್‌ಗೆ ವಿದಾಯ ಹೇಳಿದ ವಿಕ್ಟರ್ ಆಕ್ಸೆಲ್ಸನ್

ಚಿನಕುರುಳಿ: ಮಂಗಳವಾರ, 19 ಮೇ 2026

ಚುರುಮುರಿ: ಸ್ವಾಮಿ ದೇವನೆ

ಗುಂಡಣ್ಣ ಕಾರ್ಟೂನು: ಮಂಗಳವಾರ 19 ಮೇ 2026

ಸುದ್ದಿ ಗುದ್ದು | ತಿಂಗಳೇಶ: ಮಂಗಳವಾರ, 19 ಮೇ 2026

IPL 2026|ಲಖನೌ ವಿರುದ್ಧ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ದುಕೊಂಡ ರಾಜಸ್ಥಾನ ರಾಯಲ್ಸ್

IND vs AFG| ಏಕದಿನ ಸರಣಿಯಿಂದ ಪಂತ್ ಹೊರಕ್ಕೆ: ಟೆಸ್ಟ್‌ ತಂಡಕ್ಕೆ ರಾಹುಲ್ ಉಪನಾಯಕ

ಅವರಿಗೆ ಇನ್ನೂ ಸ್ವಲ್ಪ ಸಮಯ ಬೇಕು: ಗಾಯಕವಾಡ್ ನಾಯಕತ್ವದ ಕುರಿತು CSK ಕೋಚ್ ಹೇಳಿಕೆ

ಮುಂದಿನ IPL ಆವೃತ್ತಿ ಆಡ್ತೀರಾ? ಎಂದು ಕೇಳಿದ ರೈನಾಗೆ ಭಾವುಕ ಉತ್ತರ ನೀಡಿದ ಧೋನಿ

ಒಳನೋಟ: ಆಮೆಗತಿಯಲ್ಲಿ ಸಾಗುವ ‘ಸರ್ವೆ’

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

ಚಿನಕುರುಳಿ: ಮಂಗಳವಾರ, 19 ಮೇ 2026

ಚುರುಮುರಿ: ಸ್ವಾಮಿ ದೇವನೆ

ಗುಂಡಣ್ಣ ಕಾರ್ಟೂನು: ಮಂಗಳವಾರ 19 ಮೇ 2026

ಸುದ್ದಿ ಗುದ್ದು | ತಿಂಗಳೇಶ: ಮಂಗಳವಾರ, 19 ಮೇ 2026