<p><strong>ಹಾರ್ಸೆನ್ಸ್, ಡೆನ್ಮಾರ್ಕ್ :</strong> ಭಾರತದ ಮಹಿಳಾ ಶಟ್ಲರ್ಗಳು ಸೋಮವಾರ ಊಬರ್ ಕಪ್ ಬ್ಯಾಡ್ಮಿಂಟನ್ ಫೈನಲ್ಸ್ ಟೂರ್ನಿಯ ‘ಎ’ ಗುಂಪಿನ ಕೊನೆಯ ಪಂದ್ಯದಲ್ಲಿ 0–5 ಅಂತರದಿಂದ ಹಾಲಿ ಚಾಂಪಿಯನ್ ಚೀನಾ ತಂಡಕ್ಕೆ ಮಣಿದರು. ಇದರೊಂದಿಗೆ ಭಾರತ ತಂಡದ ಅಭಿಯಾನಕ್ಕೂ ತೆರೆಬಿತ್ತು.</p>.<p>ಭಾರತ ಮಹಿಳಾ ತಂಡವು ಆರಂಭಿಕ ಪಂದ್ಯದಲ್ಲಿ ಆತಿಥೇಯ ಡೆನ್ಮಾರ್ಕ್ ವಿರುದ್ಧ 2-3 ಅಂತರದಿಂದ ಸೋತಿತ್ತು. ನಂತರ ಉಕ್ರೇನ್ ವಿರುದ್ಧ 4-1 ಅಂತರದ ಜಯದೊಂದಿಗೆ ಚೇತರಿಸಿಕೊಂಡಿತ್ತು. ಕ್ವಾರ್ಟರ್ ಫೈನಲ್ ಅರ್ಹತೆ ಪಡೆಯಲು ಚೀನಾ ವಿರುದ್ಧ ಗೆಲುವು ನಿರ್ಣಾಯಕವಾಗಿತ್ತು.</p>.<p>ಊಬರ್ ಕಪ್ ಇತಿಹಾಸದಲ್ಲಿ 16 ಬಾರಿ ಚಾಂಪಿಯನ್ ಆಗಿರುವ ಚೀನಾ ಈ ಬಾರಿಯೂ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡ ಎನಿಸಿದೆ. ಗುಂಪಿನಲ್ಲಿರುವ ಉಕ್ರೇನ್ ಮತ್ತು ಡೆನ್ಮಾರ್ಕ್ ವಿರುದ್ಧವೂ 5–0 ಅಂತರದಿಂದ ಜಯ ದಾಖಲಿಸಿ, ಅಗ್ರಸ್ಥಾನದೊಂದಿಗೆ ಕಾರ್ಟರ್ ಫೈನಲ್ ಪ್ರವೇಶಿಸಿದೆ. ಕಳೆದ ಮೂರು ಮುಖಾ ಮುಖಿಗಳಲ್ಲಿ ಭಾರತ ತಂಡವು ಚೀನಾ ವಿರುದ್ಧ ಪರಾಭವಗೊಂಡಿದೆ.</p>.<p>ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆದ ಡೆನ್ಮಾರ್ಕ್ ಎಂಟರ ಘಟ್ಟಕ್ಕೆ ಅರ್ಹತೆ ಪಡೆಯಿತು. ಮೂರನೇ ಸ್ಥಾನ ಪಡೆದ ಭಾರತ, ನಾಲ್ಕನೇ ಸ್ಥಾನದಲ್ಲಿರುವ ಉಕ್ರೇನ್ ತಂಡಗಳು ಟೂರ್ನಿಯಿಂದ ಹೊರಬಿದ್ದವು.</p>.<p>ಎರಡು ಬಾರಿಯ ಒಲಿಂಪಿಕ್ ಪದಕ ವಿಜೇತೆ ಸಿಂಧು ಗುಂಪಿನ ನಾಯಕಿಯಾಗಿದ್ದು, ಆರಂಭಿಕ ಸಿಂಗಲ್ಸ್ನಲ್ಲಿ ಕಣಕ್ಕಿಳಿದರು. ಇತರ ಎರಡು ಸಿಂಗಲ್ಸ್ಗಳಿಗೆ ಉನ್ನತಿ ಹೂಡಾ ಮತ್ತು ತನ್ವಿ ಶರ್ಮಾ ಬದಲು ಇಶಾರಾಣಿ ಬರುವಾ ಮತ್ತು ದೇವಿಕಾ ಸಿಹಾಗ್ ಅವರಿಗೆ ಅವಕಾಶ ನೀಡಲಾಯಿತು.</p>.<p>ವಿಶ್ವ ಕ್ರಮಾಂಕದಲ್ಲಿ 13ನೇ ಸ್ಥಾನದಲ್ಲಿರುವ ಸಿಂಧು 16-21, 21-19, 19-21ರ ರೋಚಕ ಹಣಾಹಣಿಯಲ್ಲಿ ಎರಡನೇ ಕ್ರಮಾಂಕದ ವಾಂಗ್ ಝಿಯಿ ಅವರಿಗೆ ಸೋತರು. ನಿರ್ಣಾಯಕ ಪಂದ್ಯದಲ್ಲಿ 18–12ರಿಂದ ಮುನ್ನಡೆ ಸಾಧಿಸಿದ್ದ ಸಿಂಧು ಕೊನೆಯಲ್ಲಿ ಮುಗ್ಗರಿಸಿದರು. ಇದರೊಂದಿಗೆ ಚೀನಾ 1–0 ಮುನ್ನಡೆ ಸಾಧಿಸಿತು.</p>.<p>ಪ್ರಿಯಾ ಕೊಂಜೆಂಗ್ಬಮ್ ಮತ್ತು ಶ್ರುತಿ ಮಿಶ್ರಾ ಜೋಡಿಯು ವಿಶ್ವದ ಅಗ್ರಮಾನ್ಯ ಜೋಡಿ ಲಿಯು ಶೆಂಗ್ ಶು ಮತ್ತು ಟಾನ್ ನಿಂಗ್ ಅವರಿಗೆ ಯಾವುದೇ ರೀತಿಯಲ್ಲಿ ಸಾಟಿಯಾಗಲಿಲ್ಲ. ಮೊದಲ ಡಬಲ್ಸ್ನಲ್ಲಿ 11-21, 8-21 ಅಂತರದಲ್ಲಿ ಗೆದ್ದ ಚೀನಾ ಮುನ್ನಡೆಯನ್ನು ದ್ವಿಗುಣಗೊಳಿಸಿತು. ಎರಡನೇ ಸಿಂಗಲ್ಸ್ನಲ್ಲಿ ಇಶಾರಾಣಿ 22-20, 21-13ರಿಂದ ಚೆನ್ ಯುಫಿ ಅವರಿಗೆ ಸೋತರೆ, ಎರಡನೇ ಡಬಲ್ಸ್ನಲ್ಲಿ ಟ್ರೀಸಾ ಜೋಳಿ ಮತ್ತು ಕವಿಪ್ರಿಯಾ ಸೆಲ್ವಂ 10-21, 21-12, 19-21ರಿಂದ ಲುವೊ ಕ್ಸು ಮಿನ್ ಮತ್ತು ಜಾಂಗ್ ಶು ಕ್ಸಿಯಾನ್ ಅವರಿಗೆ ಮಣಿದರು.</p>.<p>ಕೊನೆಯ ಸಿಂಗಲ್ಸ್ ಪಂದ್ಯದಲ್ಲಿ ವಿಶ್ವದ 43ನೇ ಕ್ರಮಾಂಕದ ದೇವಿಕಾ 21-19, 17-21, 10-21ರಿಂದ ಕ್ಸು ವೆನ್ ಜಿಂಗ್ ಅವರಿಗೆ ಶರಣಾದರು. ಇದೇ ವರ್ಷ ಥಾಯ್ಲೆಂಡ್ ಓಪನ್ ಪ್ರಶಸ್ತಿ ಗೆದ್ದಿರುವ ದೇವಿಕಾ ಮೊದಲ ಗೇಮ್ನಲ್ಲಿ ಮೇಲುಗೈ ಸಾಧಿಸಿದರು. ಆದರೆ, ನಂತರ ಲಯ ತಪ್ಪಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹಾರ್ಸೆನ್ಸ್, ಡೆನ್ಮಾರ್ಕ್ :</strong> ಭಾರತದ ಮಹಿಳಾ ಶಟ್ಲರ್ಗಳು ಸೋಮವಾರ ಊಬರ್ ಕಪ್ ಬ್ಯಾಡ್ಮಿಂಟನ್ ಫೈನಲ್ಸ್ ಟೂರ್ನಿಯ ‘ಎ’ ಗುಂಪಿನ ಕೊನೆಯ ಪಂದ್ಯದಲ್ಲಿ 0–5 ಅಂತರದಿಂದ ಹಾಲಿ ಚಾಂಪಿಯನ್ ಚೀನಾ ತಂಡಕ್ಕೆ ಮಣಿದರು. ಇದರೊಂದಿಗೆ ಭಾರತ ತಂಡದ ಅಭಿಯಾನಕ್ಕೂ ತೆರೆಬಿತ್ತು.</p>.<p>ಭಾರತ ಮಹಿಳಾ ತಂಡವು ಆರಂಭಿಕ ಪಂದ್ಯದಲ್ಲಿ ಆತಿಥೇಯ ಡೆನ್ಮಾರ್ಕ್ ವಿರುದ್ಧ 2-3 ಅಂತರದಿಂದ ಸೋತಿತ್ತು. ನಂತರ ಉಕ್ರೇನ್ ವಿರುದ್ಧ 4-1 ಅಂತರದ ಜಯದೊಂದಿಗೆ ಚೇತರಿಸಿಕೊಂಡಿತ್ತು. ಕ್ವಾರ್ಟರ್ ಫೈನಲ್ ಅರ್ಹತೆ ಪಡೆಯಲು ಚೀನಾ ವಿರುದ್ಧ ಗೆಲುವು ನಿರ್ಣಾಯಕವಾಗಿತ್ತು.</p>.<p>ಊಬರ್ ಕಪ್ ಇತಿಹಾಸದಲ್ಲಿ 16 ಬಾರಿ ಚಾಂಪಿಯನ್ ಆಗಿರುವ ಚೀನಾ ಈ ಬಾರಿಯೂ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡ ಎನಿಸಿದೆ. ಗುಂಪಿನಲ್ಲಿರುವ ಉಕ್ರೇನ್ ಮತ್ತು ಡೆನ್ಮಾರ್ಕ್ ವಿರುದ್ಧವೂ 5–0 ಅಂತರದಿಂದ ಜಯ ದಾಖಲಿಸಿ, ಅಗ್ರಸ್ಥಾನದೊಂದಿಗೆ ಕಾರ್ಟರ್ ಫೈನಲ್ ಪ್ರವೇಶಿಸಿದೆ. ಕಳೆದ ಮೂರು ಮುಖಾ ಮುಖಿಗಳಲ್ಲಿ ಭಾರತ ತಂಡವು ಚೀನಾ ವಿರುದ್ಧ ಪರಾಭವಗೊಂಡಿದೆ.</p>.<p>ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆದ ಡೆನ್ಮಾರ್ಕ್ ಎಂಟರ ಘಟ್ಟಕ್ಕೆ ಅರ್ಹತೆ ಪಡೆಯಿತು. ಮೂರನೇ ಸ್ಥಾನ ಪಡೆದ ಭಾರತ, ನಾಲ್ಕನೇ ಸ್ಥಾನದಲ್ಲಿರುವ ಉಕ್ರೇನ್ ತಂಡಗಳು ಟೂರ್ನಿಯಿಂದ ಹೊರಬಿದ್ದವು.</p>.<p>ಎರಡು ಬಾರಿಯ ಒಲಿಂಪಿಕ್ ಪದಕ ವಿಜೇತೆ ಸಿಂಧು ಗುಂಪಿನ ನಾಯಕಿಯಾಗಿದ್ದು, ಆರಂಭಿಕ ಸಿಂಗಲ್ಸ್ನಲ್ಲಿ ಕಣಕ್ಕಿಳಿದರು. ಇತರ ಎರಡು ಸಿಂಗಲ್ಸ್ಗಳಿಗೆ ಉನ್ನತಿ ಹೂಡಾ ಮತ್ತು ತನ್ವಿ ಶರ್ಮಾ ಬದಲು ಇಶಾರಾಣಿ ಬರುವಾ ಮತ್ತು ದೇವಿಕಾ ಸಿಹಾಗ್ ಅವರಿಗೆ ಅವಕಾಶ ನೀಡಲಾಯಿತು.</p>.<p>ವಿಶ್ವ ಕ್ರಮಾಂಕದಲ್ಲಿ 13ನೇ ಸ್ಥಾನದಲ್ಲಿರುವ ಸಿಂಧು 16-21, 21-19, 19-21ರ ರೋಚಕ ಹಣಾಹಣಿಯಲ್ಲಿ ಎರಡನೇ ಕ್ರಮಾಂಕದ ವಾಂಗ್ ಝಿಯಿ ಅವರಿಗೆ ಸೋತರು. ನಿರ್ಣಾಯಕ ಪಂದ್ಯದಲ್ಲಿ 18–12ರಿಂದ ಮುನ್ನಡೆ ಸಾಧಿಸಿದ್ದ ಸಿಂಧು ಕೊನೆಯಲ್ಲಿ ಮುಗ್ಗರಿಸಿದರು. ಇದರೊಂದಿಗೆ ಚೀನಾ 1–0 ಮುನ್ನಡೆ ಸಾಧಿಸಿತು.</p>.<p>ಪ್ರಿಯಾ ಕೊಂಜೆಂಗ್ಬಮ್ ಮತ್ತು ಶ್ರುತಿ ಮಿಶ್ರಾ ಜೋಡಿಯು ವಿಶ್ವದ ಅಗ್ರಮಾನ್ಯ ಜೋಡಿ ಲಿಯು ಶೆಂಗ್ ಶು ಮತ್ತು ಟಾನ್ ನಿಂಗ್ ಅವರಿಗೆ ಯಾವುದೇ ರೀತಿಯಲ್ಲಿ ಸಾಟಿಯಾಗಲಿಲ್ಲ. ಮೊದಲ ಡಬಲ್ಸ್ನಲ್ಲಿ 11-21, 8-21 ಅಂತರದಲ್ಲಿ ಗೆದ್ದ ಚೀನಾ ಮುನ್ನಡೆಯನ್ನು ದ್ವಿಗುಣಗೊಳಿಸಿತು. ಎರಡನೇ ಸಿಂಗಲ್ಸ್ನಲ್ಲಿ ಇಶಾರಾಣಿ 22-20, 21-13ರಿಂದ ಚೆನ್ ಯುಫಿ ಅವರಿಗೆ ಸೋತರೆ, ಎರಡನೇ ಡಬಲ್ಸ್ನಲ್ಲಿ ಟ್ರೀಸಾ ಜೋಳಿ ಮತ್ತು ಕವಿಪ್ರಿಯಾ ಸೆಲ್ವಂ 10-21, 21-12, 19-21ರಿಂದ ಲುವೊ ಕ್ಸು ಮಿನ್ ಮತ್ತು ಜಾಂಗ್ ಶು ಕ್ಸಿಯಾನ್ ಅವರಿಗೆ ಮಣಿದರು.</p>.<p>ಕೊನೆಯ ಸಿಂಗಲ್ಸ್ ಪಂದ್ಯದಲ್ಲಿ ವಿಶ್ವದ 43ನೇ ಕ್ರಮಾಂಕದ ದೇವಿಕಾ 21-19, 17-21, 10-21ರಿಂದ ಕ್ಸು ವೆನ್ ಜಿಂಗ್ ಅವರಿಗೆ ಶರಣಾದರು. ಇದೇ ವರ್ಷ ಥಾಯ್ಲೆಂಡ್ ಓಪನ್ ಪ್ರಶಸ್ತಿ ಗೆದ್ದಿರುವ ದೇವಿಕಾ ಮೊದಲ ಗೇಮ್ನಲ್ಲಿ ಮೇಲುಗೈ ಸಾಧಿಸಿದರು. ಆದರೆ, ನಂತರ ಲಯ ತಪ್ಪಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
