ಬೆಂಗಳೂರು: ವಿಪಿನ್‌ ಜಯನಾರಾಯಣ ಮತ್ತು ಅನುರಾಧಾ ಯಡವಳ್ಳಿ ಅವರು ಭಾನುವಾರ ಇಲ್ಲಿ ನಡೆದ ಗ್ರ್ಯಾನ್‌ಪ್ರಿ ಬ್ಯಾಡ್ಮಿಂಟನ್‌ ಲೀಗ್‌ ‘ರಿಪಬ್ಲಿಕ್‌ ಡೇ ಕಪ್‌’ ಹಿರಿಯರ ಬ್ಯಾಡ್ಮಿಂಟನ್‌ ಟೂರ್ನಿಯಲ್ಲಿ ಕ್ರಮವಾಗಿ ಪುರುಷರ ಮತ್ತು ಮಹಿಳೆಯರ ವಿಭಾಗದಲ್ಲಿ ಚಾಂಪಿಯನ್‌ ಆದರು.
ಲೆವೆಲ್‌ ಅಪ್‌ ಸ್ಪೋರ್ಟ್ಸ್‌ ಅಕಾಡೆಮಿಯಲ್ಲಿ ನಡೆದ ಟೂರ್ನಿಯ 40 ವರ್ಷಕ್ಕಿಂತ ಮೇಲಿನವರ ವಿಭಾಗದ ಪುರುಷರ ಸಿಂಗಲ್ಸ್‌ ಫೈನಲ್‌ನಲ್ಲಿ ವಿಪಿನ್‌ 15–10, 15–10 ರಲ್ಲಿ ರವಿ ವರ್ಮಾ ಅವರನ್ನು ಮಣಿಸಿದರು. ಮಹಿಳೆಯರ ವಿಭಾಗದ ಫೈನಲ್‌ನಲ್ಲಿ ಅನುರಾಧಾ 15–7, 15–11 ರಲ್ಲಿ ಸೂಸನ್ ವಿರುದ್ದ ಗೆದ್ದರು.
45 ವರ್ಷಕ್ಕಿಂತ ಮೇಲಿನವರ ಸಿಂಗಲ್ಸ್‌ ವಿಭಾಗದಲ್ಲಿ ಮುರಳಿ ಕೃಷ್ಣ ಅವರು 15–11, 15–11 ರಲ್ಲಿ ಎನ್‌.ಪಿ.ಆನಂದ್‌ ವಿರುದ್ಧ ಗೆಲುವು ಪಡೆದರು.
