<p><strong>ನಾಪೋಕ್ಲು:</strong> ಕೊಡವ ಕೌಟುಂಬಿಕ ಹಾಕಿ ಉತ್ಸವಕ್ಕಾಗಿ ಇಲ್ಲಿನ ಚೆರಿಯಪರಂಬುವಿನ ಆಟದ ಮೈದಾನಗಳಲ್ಲಿ ಸಿದ್ಧತೆಗಳಾಗುತ್ತಿವೆ. ಈ ಹಿನ್ನೆಲೆಯಲ್ಲಿ ಕೊಡವ ಕೌಟುಂಬಿಕ ಹಾಕಿ ಉತ್ಸವಗಳ ಸಿಂಹಾವಲೋಕನ ಮಾಡಿದರೆ ಅದು 29 ವರ್ಷಗಳಷ್ಟು ಸುದೀರ್ಘ ಹಿಂದಕ್ಕೆ ಸರಿಯುತ್ತದೆ.</p>.<p>ಹೌದು, ವಿಶ್ವದಲ್ಲೇ ಮಹತ್ವದ ಸ್ಥಾನ ಮಾತ್ರವಲ್ಲ ಗಿನ್ನೆಸ್ ದಾಖಲೆ ನಿರ್ಮಿಸಿರುವಂತಹ ಈ ಕ್ರೀಡಾ ಉತ್ಸವ 1997ರಲ್ಲಿ ಆರಂಭಗೊಂಡಿತು.</p>.<p>ಕರಡ ಗ್ರಾಮದ ಸಹಕಾರದೊಂದಿಗೆ ನಿವೃತ್ತ ಬ್ಯಾಂಕ್ ಅಧಿಕಾರಿ ಪಾಂಡಂಡ ಕುಟ್ಟಪ್ಪ ಹಾಗೂ ಶಿಕ್ಷಕರಾಗಿದ್ದ ಸಹೋದರ ಕಾಶಿ ತಮ್ಮ ತಂದೆ ಮುದ್ದಪ್ಪ ಅವರ ನೆನಪಿನಾರ್ಥ ಕೊಡವ ಕುಟುಂಬಗಳ ನಡುವೆ ಹಾಕಿ ಟೂರ್ನಿ ಆರಂಭಿಸಿದರು. ಟೂರ್ನಿಯ ಮೊದಲ ಪಂದ್ಯ ನಡೆದಾಗ ಭಾಗವಹಿಸಿದ್ದು ಕೇವಲ 60 ತಂಡಗಳು. ಪಕ್ಕದ ಗ್ರಾಮವಾದ ಅರಪಟ್ಟುವಿನಲ್ಲಿ ಕೋಡಿರ ಪ್ರವೀಣ್ ಅವರು ತಮ್ಮ ಕುಟುಂಬದ ಸಹಕಾರದೊಂದಿಗೆ 2ನೇ ವರ್ಷದ ಹಾಕಿ ಟೂರ್ನಿಯನ್ನು ನಡೆಸಿದರು. ಹೀಗೆ ಪ್ರತಿವರ್ಷ ತಂಡಗಳು ಹೆಚ್ಚುತ್ತಾ ಇದು ಕೊಡಗಿನ ಮಾತ್ರವಲ್ಲ ನಾಡಿನ ಪ್ರಮುಖ ಕ್ರೀಡಾ ಹಬ್ಬವೇ ಆಯಿತು.</p>.<p>1997ರಲ್ಲಿ ಕರಡದಲ್ಲಿ ಆರಂಭವಾದ ಈ ಕ್ರೀಡಾ ಉತ್ಸವ 2018ರವರೆಗೂ ನಿರಂತರವಾಗಿ ನಡೆದು ಕೊಂಡು ಬಂದಿತು. ಆ ನಂತರ ಸಂಭವಿಸಿದ ಪ್ರಕೃತಿ ವಿಕೋಪ, ಕೋವಿಡ್ ಮತ್ತಿತ್ತರ ಕಾರಣಗಳಿಂದ 5 ವರ್ಷ ಟೂರ್ನಿ ನಡೆಯಲಿಲ್ಲ. ಮತ್ತೆ 2023ರಲ್ಲಿ ಆರಂಭವಾದ ಈ ಕ್ರೀಡಾ ಉತ್ಸವ ಇದೀಗ ತನ್ನ 26ನೇ ಆವೃತ್ತಿಗೆ ಕಾಲಿರಿಸಿದೆ.</p>.<p>ಇದುವರೆಗೂ ಒಟ್ಟು 25 ಕೊಡವ ಕುಟುಂಬಗಳು ಆತಿಥ್ಯ ವಹಿಸಿದ್ದು, ಈ ಬಾರಿ ಚೇನಂಡ ಕುಟುಂಬಸ್ಥರು ಆಯೋಜನೆ ಮಾಡಿದ್ದಾರೆ. ಕಳೆದವರ್ಷ ಮುದ್ದಂಡ ಕಪ್ ಮಡಿಕೇರಿಯಲ್ಲಿ ಅಧಿಕ ಸಂಖ್ಯೆಯ ಕ್ರೀಡಾಪ್ರೇಮಿಗಳನ್ನು ಸೆಳೆದಿತ್ತು. ಆರಂಭದಲ್ಲಿ 60 ತಂಡಗಳು ಭಾಗವಹಿಸಿದ್ದ ಈ ಉತ್ಸವದಲ್ಲಿ 2018ರಿಂದ ಭಾಗವಹಿಸುವ ತಂಡಗಳ ಸಂಖ್ಯೆ 300ರ ಗಡಿ ದಾಟಿವೆ. ತೀವ್ರತರವಾದ ಜಿದ್ದಾಜಿದ್ದಿನಿಂದ ಕೂಡಿದ ಪ್ರೇಕ್ಷಕರನ್ನು ತುದಿಗಾಲ ಮೇಲೆರಿಸುವ ಪಂದ್ಯಗಳು ಪ್ರತಿ ಉತ್ಸವದಲ್ಲೂ ನಡೆಯುವುದು ಈ ಉತ್ಸವದ ವಿಶೇಷತೆ.</p>.<p>ಈ ಬಾರಿಯ ಚೇನಂಡ ಹಾಕಿ ಉತ್ಸವದ ವಿಶೇಷ ತಿಳಿಯಲು https://www.chenanda.in/ ನೋಡಬಹುದು.</p>.<h2>ಜೇನಂಡ ಕಪ್ ಹಾಕಿ ಉತ್ಸವ:ಸ್ನೇಹ ಕೂಟ ಕಾರ್ಯಕ್ರಮ</h2><h2></h2><p>ನಾಪೋಕ್ಲು: ನಾಪೋಕ್ಲುವಿನಲ್ಲಿ ಆಯೋಜಿಸಲಾಗಿರುವ 26ನೇ ವರ್ಷದ ಜೇನಂಡ ಕಪ್ ಹಾಕಿ ಉತ್ಸವವನ್ನು ಯಶಸ್ವಿಯಾಗಿ ಆಯೋಜಿಸಲು ಕುಟುಂಬಸ್ಥರು ತೋರುತ್ತಿರುವ ಉತ್ಸಾಹ, ಆಸಕ್ತಿ ಸ್ಮರಣೀಯ ಎಂದು ಶಾಸಕ ಎ.ಎಸ್.ಪೊನ್ನಣ್ಣ ಹೇಳಿದರು.</p><p>ಚೇನಂಡ ಕುಟುಂಬಸ್ಥರ ಐನ್ ಮನೆಯಲ್ಲಿ ಮಂಗಳವಾರ ಆಯೋಜಿಸಲಾಗಿದ್ದ ಸ್ನೇಹ ಕೂಟ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.</p><p>ಕೊಡಗಿನಲ್ಲಿ ಪ್ರತಿ ವರ್ಷವೂ ಹಾಕಿ ನಮ್ಮೆಯನ್ನು ಯಶಸ್ವಿಯಾಗಿ ಆಯೋಜಿಸಲಾಗುತ್ತಿದೆ. ಪ್ರಸಕ್ತ ವರ್ಷ ನಾಪೋಕ್ಲುವಿನಲ್ಲಿ ಆಯೋಜಿಸಲಾಗಿರುವ ಚೇನಂಡ ಕಪ್ ಹಾಕಿ ಟೂರ್ನಿಯು ಯಶಸ್ವಿಯಾಗಿ ನಡೆಯಲಿ. ಜನಪ್ರತಿನಿಧಿಯಾಗಿ ನಾನು ಕೊಡವ ಹಾಕಿ ನಮ್ಮೆಯ ಯಶಸ್ಸಿಗೆ ಸರ್ವ ರೀತಿಯ ಸಹಕಾರವನ್ನು ನೀಡುತ್ತೇನೆ ಎಂದರು.</p><p>ಕಂಬಿರಂಡ ಕರುಂಬಯ್ಯ ಅವರ ಅಧ್ಯಕ್ಷತೆಯಲ್ಲಿ ಸಭಾ ಕಾರ್ಯಕ್ರಮ ನಡೆಯಿತು. ಒಲಂಪಿಯನ್, ಚೆಪ್ಪುಡಿರ ಪೂಣಚ್ಚ, ಕ್ರಿಕೆಟ್ ನಮ್ಮೆ ಅಧ್ಯಕ್ಷ ಸಿ.ಕೆ.ಅಯ್ಯಪ್ಪ, ಕ್ರೀಡಾ ಅಕಾಡೆಮಿ ಕಾರ್ಯದರ್ಶಿ ಮಧುಮಾದಯ್ಯ ಭಾಗವಹಿಸಿದ್ದರು.</p><p>ಈ ವೇಳೆ ಕುಂಡ್ಯೋಳಂಡ ಕಪ್ ಹಾಕಿ ಟೂರ್ನಿಯ ಸಂಚಾಲಕ ವಿಶುಪೂವಯ್ಯ, ಅಪ್ಪಚೆಟ್ಟೋಳಂಡ ಹಾಕಿ ಟೂರ್ನಿಯ ಸಂಘಟಕ ರವಿ ಅವರನ್ನು ಸನ್ಮಾನಿಸಲಾಯಿತು.</p><p>ಸಭಾ ಕಾರ್ಯಕ್ರಮ ಮುನ್ನ ತಳಿಯಕ್ಕಿ ಬೊಳಕ್, ದುಡಿಕೊಟ್ ಪಾಟ್ನೊಂದಿಗೆ ಆಗಮಿಸಿ ಪ್ರಾರ್ಥನೆ ಸಲ್ಲಿಸಲಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನಾಪೋಕ್ಲು:</strong> ಕೊಡವ ಕೌಟುಂಬಿಕ ಹಾಕಿ ಉತ್ಸವಕ್ಕಾಗಿ ಇಲ್ಲಿನ ಚೆರಿಯಪರಂಬುವಿನ ಆಟದ ಮೈದಾನಗಳಲ್ಲಿ ಸಿದ್ಧತೆಗಳಾಗುತ್ತಿವೆ. ಈ ಹಿನ್ನೆಲೆಯಲ್ಲಿ ಕೊಡವ ಕೌಟುಂಬಿಕ ಹಾಕಿ ಉತ್ಸವಗಳ ಸಿಂಹಾವಲೋಕನ ಮಾಡಿದರೆ ಅದು 29 ವರ್ಷಗಳಷ್ಟು ಸುದೀರ್ಘ ಹಿಂದಕ್ಕೆ ಸರಿಯುತ್ತದೆ.</p>.<p>ಹೌದು, ವಿಶ್ವದಲ್ಲೇ ಮಹತ್ವದ ಸ್ಥಾನ ಮಾತ್ರವಲ್ಲ ಗಿನ್ನೆಸ್ ದಾಖಲೆ ನಿರ್ಮಿಸಿರುವಂತಹ ಈ ಕ್ರೀಡಾ ಉತ್ಸವ 1997ರಲ್ಲಿ ಆರಂಭಗೊಂಡಿತು.</p>.<p>ಕರಡ ಗ್ರಾಮದ ಸಹಕಾರದೊಂದಿಗೆ ನಿವೃತ್ತ ಬ್ಯಾಂಕ್ ಅಧಿಕಾರಿ ಪಾಂಡಂಡ ಕುಟ್ಟಪ್ಪ ಹಾಗೂ ಶಿಕ್ಷಕರಾಗಿದ್ದ ಸಹೋದರ ಕಾಶಿ ತಮ್ಮ ತಂದೆ ಮುದ್ದಪ್ಪ ಅವರ ನೆನಪಿನಾರ್ಥ ಕೊಡವ ಕುಟುಂಬಗಳ ನಡುವೆ ಹಾಕಿ ಟೂರ್ನಿ ಆರಂಭಿಸಿದರು. ಟೂರ್ನಿಯ ಮೊದಲ ಪಂದ್ಯ ನಡೆದಾಗ ಭಾಗವಹಿಸಿದ್ದು ಕೇವಲ 60 ತಂಡಗಳು. ಪಕ್ಕದ ಗ್ರಾಮವಾದ ಅರಪಟ್ಟುವಿನಲ್ಲಿ ಕೋಡಿರ ಪ್ರವೀಣ್ ಅವರು ತಮ್ಮ ಕುಟುಂಬದ ಸಹಕಾರದೊಂದಿಗೆ 2ನೇ ವರ್ಷದ ಹಾಕಿ ಟೂರ್ನಿಯನ್ನು ನಡೆಸಿದರು. ಹೀಗೆ ಪ್ರತಿವರ್ಷ ತಂಡಗಳು ಹೆಚ್ಚುತ್ತಾ ಇದು ಕೊಡಗಿನ ಮಾತ್ರವಲ್ಲ ನಾಡಿನ ಪ್ರಮುಖ ಕ್ರೀಡಾ ಹಬ್ಬವೇ ಆಯಿತು.</p>.<p>1997ರಲ್ಲಿ ಕರಡದಲ್ಲಿ ಆರಂಭವಾದ ಈ ಕ್ರೀಡಾ ಉತ್ಸವ 2018ರವರೆಗೂ ನಿರಂತರವಾಗಿ ನಡೆದು ಕೊಂಡು ಬಂದಿತು. ಆ ನಂತರ ಸಂಭವಿಸಿದ ಪ್ರಕೃತಿ ವಿಕೋಪ, ಕೋವಿಡ್ ಮತ್ತಿತ್ತರ ಕಾರಣಗಳಿಂದ 5 ವರ್ಷ ಟೂರ್ನಿ ನಡೆಯಲಿಲ್ಲ. ಮತ್ತೆ 2023ರಲ್ಲಿ ಆರಂಭವಾದ ಈ ಕ್ರೀಡಾ ಉತ್ಸವ ಇದೀಗ ತನ್ನ 26ನೇ ಆವೃತ್ತಿಗೆ ಕಾಲಿರಿಸಿದೆ.</p>.<p>ಇದುವರೆಗೂ ಒಟ್ಟು 25 ಕೊಡವ ಕುಟುಂಬಗಳು ಆತಿಥ್ಯ ವಹಿಸಿದ್ದು, ಈ ಬಾರಿ ಚೇನಂಡ ಕುಟುಂಬಸ್ಥರು ಆಯೋಜನೆ ಮಾಡಿದ್ದಾರೆ. ಕಳೆದವರ್ಷ ಮುದ್ದಂಡ ಕಪ್ ಮಡಿಕೇರಿಯಲ್ಲಿ ಅಧಿಕ ಸಂಖ್ಯೆಯ ಕ್ರೀಡಾಪ್ರೇಮಿಗಳನ್ನು ಸೆಳೆದಿತ್ತು. ಆರಂಭದಲ್ಲಿ 60 ತಂಡಗಳು ಭಾಗವಹಿಸಿದ್ದ ಈ ಉತ್ಸವದಲ್ಲಿ 2018ರಿಂದ ಭಾಗವಹಿಸುವ ತಂಡಗಳ ಸಂಖ್ಯೆ 300ರ ಗಡಿ ದಾಟಿವೆ. ತೀವ್ರತರವಾದ ಜಿದ್ದಾಜಿದ್ದಿನಿಂದ ಕೂಡಿದ ಪ್ರೇಕ್ಷಕರನ್ನು ತುದಿಗಾಲ ಮೇಲೆರಿಸುವ ಪಂದ್ಯಗಳು ಪ್ರತಿ ಉತ್ಸವದಲ್ಲೂ ನಡೆಯುವುದು ಈ ಉತ್ಸವದ ವಿಶೇಷತೆ.</p>.<p>ಈ ಬಾರಿಯ ಚೇನಂಡ ಹಾಕಿ ಉತ್ಸವದ ವಿಶೇಷ ತಿಳಿಯಲು https://www.chenanda.in/ ನೋಡಬಹುದು.</p>.<h2>ಜೇನಂಡ ಕಪ್ ಹಾಕಿ ಉತ್ಸವ:ಸ್ನೇಹ ಕೂಟ ಕಾರ್ಯಕ್ರಮ</h2><h2></h2><p>ನಾಪೋಕ್ಲು: ನಾಪೋಕ್ಲುವಿನಲ್ಲಿ ಆಯೋಜಿಸಲಾಗಿರುವ 26ನೇ ವರ್ಷದ ಜೇನಂಡ ಕಪ್ ಹಾಕಿ ಉತ್ಸವವನ್ನು ಯಶಸ್ವಿಯಾಗಿ ಆಯೋಜಿಸಲು ಕುಟುಂಬಸ್ಥರು ತೋರುತ್ತಿರುವ ಉತ್ಸಾಹ, ಆಸಕ್ತಿ ಸ್ಮರಣೀಯ ಎಂದು ಶಾಸಕ ಎ.ಎಸ್.ಪೊನ್ನಣ್ಣ ಹೇಳಿದರು.</p><p>ಚೇನಂಡ ಕುಟುಂಬಸ್ಥರ ಐನ್ ಮನೆಯಲ್ಲಿ ಮಂಗಳವಾರ ಆಯೋಜಿಸಲಾಗಿದ್ದ ಸ್ನೇಹ ಕೂಟ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.</p><p>ಕೊಡಗಿನಲ್ಲಿ ಪ್ರತಿ ವರ್ಷವೂ ಹಾಕಿ ನಮ್ಮೆಯನ್ನು ಯಶಸ್ವಿಯಾಗಿ ಆಯೋಜಿಸಲಾಗುತ್ತಿದೆ. ಪ್ರಸಕ್ತ ವರ್ಷ ನಾಪೋಕ್ಲುವಿನಲ್ಲಿ ಆಯೋಜಿಸಲಾಗಿರುವ ಚೇನಂಡ ಕಪ್ ಹಾಕಿ ಟೂರ್ನಿಯು ಯಶಸ್ವಿಯಾಗಿ ನಡೆಯಲಿ. ಜನಪ್ರತಿನಿಧಿಯಾಗಿ ನಾನು ಕೊಡವ ಹಾಕಿ ನಮ್ಮೆಯ ಯಶಸ್ಸಿಗೆ ಸರ್ವ ರೀತಿಯ ಸಹಕಾರವನ್ನು ನೀಡುತ್ತೇನೆ ಎಂದರು.</p><p>ಕಂಬಿರಂಡ ಕರುಂಬಯ್ಯ ಅವರ ಅಧ್ಯಕ್ಷತೆಯಲ್ಲಿ ಸಭಾ ಕಾರ್ಯಕ್ರಮ ನಡೆಯಿತು. ಒಲಂಪಿಯನ್, ಚೆಪ್ಪುಡಿರ ಪೂಣಚ್ಚ, ಕ್ರಿಕೆಟ್ ನಮ್ಮೆ ಅಧ್ಯಕ್ಷ ಸಿ.ಕೆ.ಅಯ್ಯಪ್ಪ, ಕ್ರೀಡಾ ಅಕಾಡೆಮಿ ಕಾರ್ಯದರ್ಶಿ ಮಧುಮಾದಯ್ಯ ಭಾಗವಹಿಸಿದ್ದರು.</p><p>ಈ ವೇಳೆ ಕುಂಡ್ಯೋಳಂಡ ಕಪ್ ಹಾಕಿ ಟೂರ್ನಿಯ ಸಂಚಾಲಕ ವಿಶುಪೂವಯ್ಯ, ಅಪ್ಪಚೆಟ್ಟೋಳಂಡ ಹಾಕಿ ಟೂರ್ನಿಯ ಸಂಘಟಕ ರವಿ ಅವರನ್ನು ಸನ್ಮಾನಿಸಲಾಯಿತು.</p><p>ಸಭಾ ಕಾರ್ಯಕ್ರಮ ಮುನ್ನ ತಳಿಯಕ್ಕಿ ಬೊಳಕ್, ದುಡಿಕೊಟ್ ಪಾಟ್ನೊಂದಿಗೆ ಆಗಮಿಸಿ ಪ್ರಾರ್ಥನೆ ಸಲ್ಲಿಸಲಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
