ಒಸಿಜೆಕ್, ಕ್ರೊವೇಷ್ಯಾ: ಭಾರತದ ಐಶ್ವರಿಪ್ರತಾಪ್ ಸಿಂಗ್ ತೋಮರ್ ಅವರು ಇಲ್ಲಿ ನಡೆಯುತ್ತಿರುವ ಐಎಸ್ಎಸ್ಎಫ್ ಶೂಟಿಂಗ್ ವಿಶ್ವಕಪ್ನ 50 ಮೀ. ರೈಫಲ್ ತ್ರಿ ಪೊಸಿಷನ್ಸ್ ವಿಭಾಗದಲ್ಲಿ ಆರನೇ ಸ್ಥಾನ ಗಳಿಸಿದರು.
ಈ ವರ್ಷದ ಆರಂಭದಲ್ಲಿ ದೆಹಲಿಯಲ್ಲಿ ನಡೆದ ವಿಶ್ವಕಪ್ನಲ್ಲಿ ಇದೇ ವಿಭಾಗದಲ್ಲಿ ಅವರು ಚಿನ್ನದ ಪದಕ ಗೆದ್ದುಕೊಂಡಿದ್ದರು.
20 ವರ್ಷದ ತೋಮರ್ 1176 ಸ್ಕೋರ್ ದಾಖಲಿಸಿ ಏಳನೆಯವರಾಗಿ ಫೈನಲ್ಗೆ ಅರ್ಹತೆ ಗಳಿಸಿದ್ದರು. ಈ ವಿಭಾಗದ ಚಿನ್ನವು ಉಕ್ರೇನ್ನ ಸೆರ್ಹಿಯ ಕುಲಿಶ್ ಪಾಲಾಯಿತು. ರಷ್ಯಾದ ಸೆರ್ಜೆಯ್ ಕಮೆನ್ಸ್ಕಿಯ್ ಬೆಳ್ಳಿ ಮತ್ತು ಸ್ಲೋವಾಕಿಯಾದ ಪ್ಯಾಟ್ರಿಕ್ ಜಾನಿ ಕಂಚು ಗೆದ್ದರು.