ಶನಿವಾರ ಇಲ್ಲಿ 20 ವರ್ಷದೊಳಗಿನವರ 10 ಕಿ.ಮೀ ರೇಸ್ ವಾಕ್ ಸ್ಪರ್ಧೆಯಲ್ಲಿ ಅಮಿತ್ ಮೊದಲ ಒಂಬತ್ತು ಸಾವಿರ ಮೀಟರ್ಸ್ ದೂರದವರೆಗೂ ಮುನ್ನಡೆ ಸಾಧಿಸಿದ್ದರು. ಆದರೆ, ಚಿನ್ನದ ಪದಕದ ಸನಿಹದಲ್ಲಿ ಎಡವಿದರು. ಅದಕ್ಕೆ ಕಾರಣವಾಗಿದ್ದು ಸ್ಪರ್ಧೆ ನಡೆದ ಪ್ರದೇಶವು ಎತ್ತರದಲ್ಲಿರುವುದು. ಸಮುದ್ರಮಟ್ಟದಿಂದ ಸುಮಾರು 1800 ಮೀಟರ್ಸ್ ಎತ್ತರದಲ್ಲಿರುವ ಈ ಪ್ರದೇಶದಲ್ಲಿ ನಡೆಯುವಾಗ ಅಮಿತ್ ಉಸಿರಾಟದ ತೊಂದರೆ ಅನುಭವಿಸಿದರು. ಇದರಿಂದಾಗಿ ಅವರ ವೇಗ ಕುಂಠಿತವಾಯಿತು.