ತಾಂತ್ರಿಕ ದೋಷದಿಂದ ರೋವರ್ನಲ್ಲಿರುವ ಕೊರೆಯುವ ಯಂತ್ರ 2016ರಲ್ಲಿ ನಿಷ್ಕ್ರಿಯಗೊಂಡಿತ್ತು. ಒಂದು ವರ್ಷದ ಸತತ ಪ್ರಯತ್ನದ ನಂತರ ಸಂಸ್ಥೆಯ ಎಂಜಿನಿಯರ್ಗಳು ಈ ದೋಷವನ್ನು ಸರಿಪಡಿಸಿದ್ದಾರೆ. ‘ಫೀಡ್ ಎಕ್ಸ್ಟೆಂಡೆಡ್ ಡ್ರಿಲ್ಲಿಂಗ್‘ (ಎಫ್ಇಡಿ) ಎಂದು ಕರೆಯಲಾಗುವ ತಾಂತ್ರಿಕತೆ ಬಳಸಿ ರೋವರ್ ಈ ಕಾರ್ಯ ಮಾಡಲಿದೆ ಎಂದು ನಾಸಾ ಹೇಳಿದೆ. ಕಳೆದ ಮಾರ್ಚ್ 23ಕ್ಕೆ ಎರಡು ಸಾವಿರ ದಿನಗಳನ್ನು ಕ್ಯೂರಿಯಾಸಿಟಿ ರೋವರ್ ಪೂರೈಸಿತ್ತು. ಮಂಗಳ ಗ್ರಹದಲ್ಲಿ ಒಂದು ಸೌರದಿನವೆಂದರೆ 24 ಗಂಟೆ 39 ನಿಮಿಷ ಮತ್ತು 35 ಸೆಕಂಡ್ಗಳು. ಮಂಗಳ ಗ್ರಹದಲ್ಲಿನ 2,000 ದಿನಗಳು ಭೂಮಿಯ ಮೇಲಿನ 2,055 ದಿನಗಳಿಗೆ ಸಮವಾಗಿವೆ. ಆರು ಚಕ್ರಗಳನ್ನು ಹೊಂದಿರುವ ಈ ರೋವರ್, 2012ರಿಂದ ಮಂಗಳ ಗ್ರಹದ ಮೇಲೆ ಅನ್ವೇಷಣೆ ನಡೆಸುತ್ತಿದೆ.