ನಾಪೋಕ್ಲು: ಇಲ್ಲಿನ ಜನರಲ್ ಕೆ.ಎಸ್. ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಕೊಡವ ಕುಟುಂಬಗಳ ‘ಕುಲ್ಲೇಟಿರ ಹಾಕಿ ಉತ್ಸವ’ದಲ್ಲಿ ಪರದಂಡ, ಬೊವ್ವೇರಿಯಂಡ ಪ್ರೀ ಕ್ವಾರ್ಟರ್ ಫೈನಲ್ಗೆ ಲಗ್ಗೆಯಿಟ್ಟವು.
ಮಂಗಳವಾರ ನಡೆದ ಪಂದ್ಯದಲ್ಲಿ ಪರದಂಡ ತಂಡವು ಕೊಂಗೇಟಿರ ತಂಡವನ್ನು 2– 0 ಗೋಲುಗಳಿಂದ ಸೋಲಿಸಿತು. ಪರದಂಡದ ಪರ ಮುತ್ತಣ್ಣ, ಕೀರ್ತನ್ ಒಂದೊಂದು ಗೋಲು ಗಳಿಸಿದರು.
ಬೊವ್ವೇರಿಯಂಡ ತಂಡವು ನೆಲ್ಲಮಕ್ಕಡ ತಂಡವನ್ನು 3–2ರಲ್ಲಿ ಸೋಲಿಸಿತು. ಅಂಜಪರುವಂಡ ತಂಡವು ಚೆಕ್ಕೇರ ತಂಡವನ್ನು ಸೋಲಿಸಿತು. ಮಂಡೇಪಂಡ ತಂಡವು ಚೆಪ್ಪುಡಿರ ತಂಡವನ್ನು 3–1ರಲ್ಲಿ ಸೋಲಿಸಿತು.