ಜಕಾರ್ತ: ಇಲ್ಲಿ ನಡೆಯುತ್ತಿರುವ 9ನೇ ದಿನದ ಏಷ್ಯನ್ ಕ್ರೀಡಾಕೂಟದಲ್ಲಿ ಭಾರತದ ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್ ಮಹಿಳೆಯರ ಸಿಂಗಲ್ಸ್ ವಿಭಾಗದ ಸೆಮಿಫೈನಲ್ ಹಂತದಲ್ಲಿ ಕಂಚಿನ ಪದಕ ಜಯಿಸಿದ್ದಾರೆ.
ಭಾನುವಾರ ನಡೆದ ಕ್ವಾರ್ಟರ್ ಫೈನಲ್‌ನಲ್ಲಿ ಥಾಯ್ಲೆಂಡ್‌ನ ರಚನೊಕ್ ಇಂಟನಾನ್ ಅವರನ್ನು 21–18, 21–16ರ ನೇರ ಗೇಮ್‌ಗಳಿಂದ ಸೋಲಿಸಿದ ಸೈನಾ ಸೆಮಿಫೈನಲ್ ಪ್ರವೇಶಿಸಿದ್ದರು.
ಸೋಮವಾರ ತೈವಾನ್ ಆಟಗಾರ್ತಿ ತೈ ಝು ಯಿಂಗ್‌ ಅವರ ಎದುರಾಳಿಯಾಗಿ ಕಣಕ್ಕಿಳಿದ ಸೈನಾ 32 ನಿಮಿಷದ ಹೋರಾಟದಲ್ಲಿ17-21, 14-21 ಅಂಕಗಳನ್ನು ಮಾತ್ರ ಗಳಿಸಲುಶಕ್ತರಾಗಿ ಕಂಚಿನ ಪದಕಕ್ಕೆ ಕೊರಳೊಡ್ಡಿದರು.
ತೈ ಝು ಯಿಂಗ್‌ ವಿಶ್ವದ ನಂಬರ್‌ ಒನ್ ಆಟಗಾರ್ತಿಯಾಗಿದ್ದು, ಕಳೆದ 9 ಆಟಗಳಲ್ಲಿ ಸೈನಾ ವಿರುದ್ಧ ಜಯಿಸಿದ್ದರು.
ಇದುವರೆಗೆ ಭಾರತ ಏಷ್ಯನ್ ಕ್ರೀಡಾಕೂಟದಲ್ಲಿ ಕಂಚಿನ ಪದಕಗಳ ಸಂಖ್ಯೆ 20ಕ್ಕೆ ಏರಿದ್ದು, ಒಟ್ಟಾರೆ 37 ಪದಕಗಳನ್ನು ಗಳಿಸಿದೆ.
