ಟಿ.ಟಿ: ಮಣಿಕಾ, ಶರತ್‌ ಸವಾಲು ಅಂತ್ಯ

ಶುಕ್ರವಾರ ನಡೆದ ಮಹಿಳೆಯರ ಸಿಂಗಲ್ಸ್‌ ವಿಭಾಗದ ಪ್ರೀ ಕ್ವಾರ್ಟರ್‌ ಫೈನಲ್ ಹಣಾಹಣಿಯಲ್ಲಿ ಮಣಿಕಾ 2–11, 8–11, 8–11, 11–6, 11–4ರಲ್ಲಿ ಚೀನಾದ ವಾಂಗ್‌ ಮನ್ಯು ಎದುರು ಸೋತರು.

ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿರುವ ವಾಂಗ್‌ ಮೊದಲ ಮೂರು ಗೇಮ್‌ಗಳಲ್ಲಿ ನಿರಾಯಾಸವಾಗಿ ಗೆದ್ದರು. ನಾಲ್ಕನೇ ಗೇಮ್‌ನಲ್ಲಿ ಮಣಿಕಾ ತಿರುಗೇಟು ನೀಡಿದರು. ಐದನೇ ಗೇಮ್‌ನಲ್ಲಿ ಮಿಂಚಿದ ವಾಂಗ್‌ ಗೆಲುವಿನ ತೋರಣ ಕಟ್ಟಿದರು.

ಪುರುಷರ ಸಿಂಗಲ್ಸ್‌ ವಿಭಾಗದ 16ರ ಘಟ್ಟದ ಹೋರಾಟದಲ್ಲಿ ಶರತ್‌ ಕಮಲ್‌ 7–11, 11–9, 10–12, 16–14, 9–11ರಲ್ಲಿ ಚೀನಾ ತೈಪೆಯ ಚಿಹ್‌ ಯುವಾನ್‌ ಚುನಾಗ್‌ ವಿರುದ್ಧ ಪರಾಭವಗೊಂಡರು.

ವಿಶ್ವ ರ‍್ಯಾಂಕಿಂಗ್‌ನಲ್ಲಿ 33ನೇ ಸ್ಥಾನದಲ್ಲಿರುವ ಶರತ್‌ ಮೊದಲ ಗೇಮ್‌ನಲ್ಲಿ ನಿರಾಸೆ ಕಂಡರು. ಇದರಿಂದ ಎದೆಗುಂದದ ಅವರು ನಂತರದ ಗೇಮ್‌ನಲ್ಲಿ ತಿರುಗೇಟು ನೀಡಿದರು. ಮೂರನೇ ಗೇಮ್‌ನಲ್ಲಿ ಚುನಾಗ್‌ ಮಿಂಚಿದರೆ, ನಾಲ್ಕನೇ ಗೇಮ್‌ನಲ್ಲಿ ಶರತ್‌ ತಿರುಗೇಟು ನೀಡಿದರು.

ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ 14ನೇ ಸ್ಥಾನ ಹೊಂದಿರುವ ಚುನಾಗ್‌ ಅಂತಿಮ ಗೇಮ್‌ನಲ್ಲಿ ಮೋಡಿ ಮಾಡಿ ಸಂಭ್ರಮದ ಹೊಳೆಯಲ್ಲಿ ಮಿಂದೆದ್ದರು.

ಇನ್ನೊಂದು ಪಂದ್ಯದಲ್ಲಿ ಸತಿಯನ್‌ 11–9, 4–11, 9–11, 6–11, 10–12ರಲ್ಲಿ ಜಪಾನ್‌ನ ಕೆಂಟಾ ಮತ್ಸುದೈರಾ ಎದುರು ಶರಣಾದರು.