ಶನಿವಾರ, ಮಾರ್ಚ್ 6, 2021
21 °C

ಬಾಕ್ಸಿಂಗ್ ಕೋಚ್‌ಗಳಿಗೆ ‘ಪಂಚ್‌’: ಕೊರಿಯಾದ ಇಬ್ಬರಿಗೆ ಶಿಕ್ಷೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Deccan Herald

ಜಕಾರ್ತ: ಬಾಕ್ಸಿಂಗ್‌ ರಿಂಗ್‌ನಲ್ಲೇ ಪ್ರತಿಭಟನೆ ನಡೆಸಿದ ಉತ್ತರ ಕೊರಿಯಾದ ಇಬ್ಬರು ಕೋಚ್‌ಗಳನ್ನು ಏಷ್ಯನ್‌ ಕ್ರೀಡಾಕೂಟದಿಂದ ಹೊರದಬ್ಬಲಾಗಿದೆ. ಮಹಿಳೆಯರ ಫ್ಲೈವೇಟ್ ವಿಭಾಗದ ಸ್ಪರ್ಧೆಗಳಲ್ಲಿ ದೇಶದ ಕೋಚ್‌ಗಳು ಸೋತ ನಂತರ ಕೋಚ್‌ಗಳು ಪ್ರತಿಭಟನೆ ನಡೆಸಿದ್ದರು.

ಚೀನಾದ ಚಾಂಗ್ ಯಾನ್ ಎದುರಿನ ಫೈನಲ್‌ ಪಂದ್ಯದಲ್ಲಿ ಉತ್ತರ ಕೊರಿಯಾದ ಪಂಗ್ ಚೋಲ್‌ ಮಿ 2–3ರಿಂದ ಸೋತಿದ್ದರು. ಸ್ಪರ್ಧೆ ಮುಗಿದ ನಂತರ ಪಂಗ್ ಚೋಲ್‌ ಮಿ ಅವರ ಕೋಚ್‌ ಪಕ್ ಚೊಲ್ ಜುನ್ ರಿಂಗ್ ಬಿಟ್ಟು ತೆರಳಲು ನಿರಾಕರಿಸಿದ್ದರು. ಪಂಗ್ ಚೋಲ್‌ ಮಿ ಅವರಿಗೂ ಅಲ್ಲೇ ಉಳಿಯುವಂತೆ ಸೂಚಿಸಿದ್ದರು.

ನಂತರ ಇಬ್ಬರನ್ನೂ ಪೊಲೀಸರು ಮತ್ತು ಭದ್ರತಾ ಸಿಬ್ಬಂದಿ ಹೊರಗೆ ಕರೆದುಕೊಂಡು ಹೋಗಿದ್ದರು. ಮತ್ತೊಬ್ಬ ಕೋಚ್‌ ಪಕ್ ಇಲ್‌ ನಾಮ್‌ ರೆಫರಿಗಳ ಎದುರು ಕೋಪದಿಂದ ಮಾತನಾಡಿದ್ದರು. ಇವರಿಬ್ಬರ ಮೇಲೆ ಅಂತರರಾಷ್ಟ್ರೀಯ ಬಾಕ್ಸಿಂಗ್ ಫೆಡರೇಷನ್‌ ಶಿಸ್ತು ಕ್ರಮ ಕೈಗೊಳ್ಳುವ ಸಾಧ್ಯತೆ ಇದೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.